មេធាវីពលករ ដែលរងការជួញដូរនៅជប៉ុន នឹងដាក់ពាក្យប្តឹងក្រុមហ៊ុន នាំពលករ
ភ្នំពេញ: មន្ត្រីអង្គការខារ៉ាម កម្ពុជា បានឲ្យដឹងថា ក្រុមមេធាវីរបស់អង្គការនេះ បានរៀបចំដាក់ពាក្យបណ្តឹង ស្តីពី បទព្រហ្មទណ្ឌប្រឆាំង និងតំណាងក្រុមហ៊ុនក្នុងស្រុក ដែលមានដៃគូជាមួយក្រុមហ៊ុននៅប្រទេសជប៉ុន ក្នុងរឿងនាំពលករកម្ពុជា ទៅធ្វើការនៅប្រទេសជប៉ុន។ ពាក្យបណ្តឹងនោះ នឹងដាក់ទៅកាន់តុលាការក្រុងភ្នំពេញ នៅសប្តាហ៍ខាងមុខ ដើម្បីរកយុត្តិធម៌ឲ្យពលករ និងពលការិនី ដែលត្រូវបាននាំយកទៅជួញដូរពលកម្ម នៅប្រទេសជប៉ុន កាលពីឆ្នាំទៅមិញ។
លោក មាស ដាណែត នាយកកម្មវិធី នៃអង្គការខារ៉ាម កម្ពុជា បានឲ្យដឹងថា
បន្ទាប់ពីពលករ និងពលការិនី ចំនួន ១៦ នាក់ ដែលបានមកពឹងពាក់អង្គការខារ៉ាម កម្ពុជា ឲ្យជួយផ្តល់មេធាវីការពារក្តីពួកគេ ចំពោះការដាក់បណ្តឹងប្រឆាំងនឹងតំណាងក្រុមហ៊ុន INNAHO PHNOM PENH ដែលបាននាំពួកគេ ទៅធ្វើការជួញដូរពលកម្ម ក្នុងរោងចក្រមួយ នៅប្រទេសជប៉ុន និងបានរំលោភបំពានសិទ្ធិការងារ និងសិទ្ធិបុគ្គលរបស់ពួកគេ ពេលបំពេញការងារនៅប្រទេសជប៉ុននោះ។
លោក មាស ដាណែត នាយកកម្មវិធី នៃអង្គការខារ៉ាម កម្ពុជា បានឲ្យដឹងថា
បន្ទាប់ពីពលករ និងពលការិនី ចំនួន ១៦ នាក់ ដែលបានមកពឹងពាក់អង្គការខារ៉ាម កម្ពុជា ឲ្យជួយផ្តល់មេធាវីការពារក្តីពួកគេ ចំពោះការដាក់បណ្តឹងប្រឆាំងនឹងតំណាងក្រុមហ៊ុន INNAHO PHNOM PENH ដែលបាននាំពួកគេ ទៅធ្វើការជួញដូរពលកម្ម ក្នុងរោងចក្រមួយ នៅប្រទេសជប៉ុន និងបានរំលោភបំពានសិទ្ធិការងារ និងសិទ្ធិបុគ្គលរបស់ពួកគេ ពេលបំពេញការងារនៅប្រទេសជប៉ុននោះ។
លោក មាស ដាណែត បានបញ្ជាក់ថា អង្គការខារ៉ាម បានផ្តល់មេធាវីម្នាក់ សិក្សាពីមូលហេតុពាក់ព័ន្ធនឹងក្រុមហ៊ុន INNAHO PHNOM PENH ដែលបាននាំពលករទាំងនោះ ទៅធ្វើការជួញដូរពលកម្ម នៅប្រទេសជប៉ុនរួចហើយ ដែលនៅសប្តាហ៍ខាងមុខនេះ មេធាវីរបស់អង្គការខារ៉ាម នឹងដាក់ពាក្យបណ្តឹង ទៅសាលាដំបូងរាជធានីភ្នំពេញ ដើម្បីផ្តល់ភាពយុត្តិធម៌ ដល់ពលករទាំងនោះ។
លោកបានបន្តថា តំណាងក្រុមហ៊ុន INNAHO PHNOM PENH មិនត្រឹមតែប្រឈមនឹងការប្តឹងចោទប្រកាន់ពីសំណាក់ក្រុមពលករ ពលការិនីខ្មែរ ទាំង ១៦នាក់នោះទេ គឺមានក្រុមពលករជាច្រើននាក់ទៀត និងឪពុកម្តាយរបស់ពលករ ដែលបានរងការជួញដូរពលកម្ម នៅប្រទេសជប៉ុនដែរនោះ នឹងមកចូលរួមពឹងមេធាវីរបស់អង្គការខារ៉ាម ឲ្យជួយដាក់ពាក្យបណ្តឹងប្រឆាំងតំណាងក្រុមហ៊ុន INNAHO PHNOM PENH ផងដែរ។
យោងតាមតំណាងរបស់ពលករ និងពលការិនីខ្មែរ ដែលមកពីប្រទេសជប៉ុន ឲ្យដឹងថា ពួកគេត្រូវបានក្រុមហ៊ុន INNAHO PHNOM PENH និងក្រុមហ៊ុន INNAHO នៅប្រទេសជប៉ុន នាំយកទៅធ្វើការជួញដូរពលកម្ម នៅប្រទេសជប៉ុន ដោយធ្វើការ មិនទទួលបានប្រាក់ខែដូចការសន្យាទេ។
កាលពីសប្តាហ៍មុន ក្រុមពលករទាំងនោះ បានអំពាវនាវសុំឲ្យស្ថាប័នរដ្ឋាភិបាល ដែលពាក់ពន្ធ័ក្នុងករណីនេះ មេត្តាចូលរួមផ្តល់យុត្តិធម៌ដល់ពួកគេដែលជាជនរងគ្រោះផង។
តំណាងរបស់ពលករ និងពលការិនី ដែលទើបតែវិលត្រឡប់ មកពីប្រទេសជប៉ុន បានអះអាងថា ពួកខ្លួនបានពឹងពាក់មេធាវីរបស់អង្គការខារ៉ាម កម្ពុជា ជួយសិក្សាតាមផ្លូវច្បាប់ ក្នុងការរៀបចំពាក្យបណ្តឹងដាក់ទៅតុលាការក្នុងប្រទេសកម្ពុជា ដែលការទាមទារនោះ មានសំណងជំងឺចិត្ត និងប្រាក់ឈ្នួល ដែលក្រុមហ៊ុននៅជំពាក់។ ក្នុងនោះ ក៏មានការប្តឹងផ្តល់រឿងប្រើអំពើហិង្សា មកលើពលការិនីផងដែរ។
អ្នកស្រី ឃឿន ស្រីណាក់ តំណាងក្រុមហ៊ុន INNAHO PHNOM PENH មិនអាច់ទាក់ទងតាមទូរស័ព្ទបានទេ។ ប៉ុន្តែកាលពីអាទិត្យមុន អ្នកស្រី បានបដិសេធថា អ្នកស្រីមានបានដឹងពីបញ្ហាទាំងនោះទេ។
ទាក់ទងនឹងបញ្ហានេះដែរ លោក កុយ គួង អ្នកនាំពាក្យក្រសួងការបរទេសកម្ពុជា បានមានប្រសាសន៍ថា ការជួយសង្គ្រោះពលករខ្មែរ មកពីប្រទេសជប៉ុន មកដល់ស្រុកកំណើតវិញនោះ គឺជាការខិតខំប្រឹងប្រែង
របស់ឯកអគ្គរាជទូតកម្ពុជា ប្រចាំនៅប្រទេសជប៉ុន ដែលជាកូនប្រុសរបស់លោកឧបនាយករដ្ឋមន្ត្រី ហោ ណាំហុង រដ្ឋមន្ត្រីការបរទេសកម្ពុជា ដោយមានកិច្ចសហការជាមួយអង្គការទេសន្តរប្រវេសអន្តរជាតិ IOM។ ចំពោះការប្តឹងផ្តល់ក្រុមហ៊ុនណាមួយនោះ ជាតួនាទីរបស់ស្ថាបន័ពាក់ពន្ធ័ និងជនរងគ្រោះ មិនមែនជាភារកិច្ចរបស់ក្រសួងការបរទេសឡើយ៕
No comments:
Post a Comment
yes