សៀមរាប: មនុស្ស ២នាក់ ត្រូវបានក្រុមហ៊ុនឌឺប្ល៊ូផាំឃីន ដែលមានទីតាំងស្ថិតនៅភូមិមណ្ឌល១ សង្កាត់ស្វាយដង្គំ ក្រុង-ខេត្ដសៀមរាប បានធ្វើការតវ៉ា បន្ទាប់ពីក្រុមហ៊ុនបញ្ឈប់ពីការងារដោយសារកំហុសឆ្គង។ ករណីនេះ នាំឲ្យមានការលើកបដា តវ៉ា។
បុគ្គលិកពីរនាក់ ដែលបញ្ឈប់ពីការងារ ចោទក្រុមហ៊ុនថា ធ្វើឡើងដោយខុសច្បាប់ ប៉ុន្ដែខាងក្រុមហ៊ុនថា ការបញ្ឈប់បុគ្គលិកទាំង២ គឺធ្វើឡើងទៅតាមច្បាប់ការងារ។
នៅព្រឹកថ្ងៃទី១៥ ខែកក្កដា ឆ្នាំ២០១២ មានកម្មករបុគ្គលិកជាង ១០នាក់ ដែលដឹកនាំដោយឈ្មោះ ម៉ម រិទ្ធី អនុប្រធានសហព័ន្ធសហជីពកម្មករនិយោគជិក វិស័យទេសចរណ៍សេវាកម្មកម្ពុជា បាននាំគ្នាមកតវ៉ានៅមុខក្រុមហ៊ុនខាងលើ ដោយមានលើកបដាជាច្រើនផ្ទាំងផង ដើម្បីទាមទារឱ្យមនុស្ស ២នាក់ ដែលបញ្ឈប់ពីការងារ បានវិលចូលមកបំរើការងារក្នុងក្រុមហ៊ុនវិញ។
បុគ្គលិកពីរនាក់ ដែលបញ្ឈប់ពីការងារ ចោទក្រុមហ៊ុនថា ធ្វើឡើងដោយខុសច្បាប់ ប៉ុន្ដែខាងក្រុមហ៊ុនថា ការបញ្ឈប់បុគ្គលិកទាំង២ គឺធ្វើឡើងទៅតាមច្បាប់ការងារ។
នៅព្រឹកថ្ងៃទី១៥ ខែកក្កដា ឆ្នាំ២០១២ មានកម្មករបុគ្គលិកជាង ១០នាក់ ដែលដឹកនាំដោយឈ្មោះ ម៉ម រិទ្ធី អនុប្រធានសហព័ន្ធសហជីពកម្មករនិយោគជិក វិស័យទេសចរណ៍សេវាកម្មកម្ពុជា បាននាំគ្នាមកតវ៉ានៅមុខក្រុមហ៊ុនខាងលើ ដោយមានលើកបដាជាច្រើនផ្ទាំងផង ដើម្បីទាមទារឱ្យមនុស្ស ២នាក់ ដែលបញ្ឈប់ពីការងារ បានវិលចូលមកបំរើការងារក្នុងក្រុមហ៊ុនវិញ។
សូមបញ្ជាក់ថា ក្រុមហ៊ុនឌឺប្ល៊ូផាំឃីន គឺមានលោក Ar naud curtat ជាជនបរទេស និងជាអ្នកគ្រប់គ្រងក្រុមហ៊ុន។ ក្រុមហ៊ុននេះ គឺបានបំរើសេវាកម្មបើកភោជនីយដ្ឋាន សំរាប់លក់ឱ្យភ្ញៀវទេសចរ នៅតំបន់ផាប់ស្ទីតផ្សារចាស់ ក្នុងក្រុងសៀមរាបខាងលើជាច្រើនឆ្នាំមកហើយ។
មនុស្ស ២នាក់ ដែលត្រូវក្រុមហ៊ុនបញ្ឈប់ពីការងារទី១ ឈ្មោះ បៀ សំនី ភេទប្រុស អាយុ២៨ឆ្នាំ មានទីលំនៅភូមិ ព្រៃធ្លក ឃុំខ្នាត ស្រុកពួក ខេត្ដសៀមរាប និងទី២ ឈ្មោះ អ៊ាន សារ៉ាត់ ភេទប្រុស អាយុ២៥ឆ្នាំ មានទីលំនៅភូមិពួកចាស់ ឃុំពួក ស្រុកពួក ខេត្ដសៀមរាប។
អ្នកទាំង២ ត្រូវបានបញ្ឈប់ពីការងារដោយមូលហេតុថា បានលួចជួយចុះវត្ដមានឱ្យបុគ្គលិក ដែលមកធ្វើការយឺតម៉ោង។
អតីតបុគ្គលិក អ៊ាន សារ៉ាត់ ដែលត្រូវបញ្ឈប់ពីការងារ បានអះអាងថា រូបគេពិតជាបានលួចចុះវត្ដមានឱ្យបុគ្គលិកមកធ្វើការយឺតម៉ោងពិតប្រាកដមែន។ ប៉ុន្ដែឈ្មោះនេះបន្ដថា ការមកយឺតម៉ោង គឺបុគ្គលិកនោះ បានធ្វើបន្ថែមម៉ោង ចំនួន ២០នាទី ជំនួសដែលមកមិនទាន់ម៉ោងរួចហើយដែរ។ ហេតុអ្វីបានជាក្រុមហ៊ុនបញ្ឈប់ពីការងារពួកគេទៅវិញ?
អតីតបុគ្គលិករូបនោះ បានបន្ដថា ក្រោយពីខ្លួនបានធ្វើខុសរូបគេបានសារភាព និងសុំទោសក្រុមហ៊ុនរួចហើយដែរ តែក្រុមហ៊ុននៅតែបញ្ឈប់រូបគេទាំង២នាក់ដដែល។
អ្នកយកព័ត៌មានគេហទំព័រCEN មិនបានជួបបំភ្លឺផ្ទាល់ពីលោក Ar naud curtat ជាអ្នកគ្រប់គ្រងក្រុមហ៊ុន ដោយផ្ទាល់ទេ នៅពេលតវ៉ានោះ ប៉ុន្ដែមានលិខិតជំទាស់មួយច្បាប់ ដែលធ្វើឡើងដោយបុគ្គលិក កំពុងបំរើការក្នុងក្រុមហ៊ុនខាងលើ ដែលពួកគេទាំងនោះ បានគាំទ្រទាំងស្រុងរបស់ក្រុមហ៊ុនហើយ លិខិតសរសេរដៃមានខ្លឹមសារទាំងស្រុងថា យើងខ្ញុំទាំងអស់គ្នាជាបុគ្គលិកបំរើការនៅក្រុមហ៊ុនឌឺប្ល៊ូផាំឃីន (The Blue Pumpkin) សុំធ្វើការជំទាស់ចំពោះសមាជិកសហជីពដែលចង់ ធ្វើកូដកម្មមកលើក្រុមហ៊ុននេះ ដោយយើងខ្ញុំទាំងអស់យល់ឃើញថា ក្រុមហ៊ុនបានធ្វើអ្វីៗ ទៅតាមច្បាប់ការងារទាំងអស់ហើយ។ ដូច្នេះយើងទាំងអស់គ្នា សុំគាំទ្រក្រុមហ៊ុន។
យោងតាមលិខិតដែលគាំទ្រក្រុមហ៊ុន គឺគាប់ជួនទៅនឹងលិខិតមួយច្បាប់របស់ក្រុមហ៊ុន ដែលចុះថ្ងៃទី២២ ខែឧសភា ឆ្នាំ២០១២ កន្លងទៅ ផ្ញើជូនទៅមន្ទីរការងារខេត្ដសៀមរាប ស្ដីពីការបញ្ឈប់បុគ្គលិកទាំង២រូបខាងលើ ដោយសារកំហុសឆ្គងដូចបានរៀបរាប់ខាងលើ។
ដោយឡែកក្រុមប្រឹក្សាអាជ្ញាកណ្ដាល ក៏បានចេញសេចក្ដីបង្គាប់ ធ្វើឡើងស្របតាមមាត្រា៣១៣ នៃច្បាប់ស្ដីពីការងារ។ ក្នុងឯកសាររបស់ក្រុមប្រឹក្សាអាជ្ញាកណ្ដាលដែលធ្វើឡើងនោះ ក៏មានចំណុចសំខាន់បញ្ជាក់ថា ក្រុមហ៊ុនធ្វើនេះ គឺទៅតាមចាប់ការងាររបស់ខ្លួន ដោយមិនមានអ្វីខុសនោះឡើយ។
មុននឹងការសំរេចរបស់អាជ្ញាកណ្ដាលក៏បានធ្វើការកោះហៅ តំណាងក្រុមហ៊ុន និងបុគ្គលិក ដែលគេបញ្ឈប់ទៅធ្វើការដោះស្រាយ ហើយមានការកាត់សេចក្ដីត្រឹមត្រូវ។
ដោយសារនៅថ្ងៃតវ៉ានោះ ខាងក្រុមហ៊ុន និងខាងមនុស្ស ២នាក់ ដែលគេបញ្ឈប់ពីការងារដោះស្រាយគ្នា មិនចេញ ក៏ខាងក្រុងសៀមរាប នឹងធ្វើការកោះហៅតំណាងក្រុមហ៊ុន និងមនុស្ស ដែលគេបញ្ឈប់ទៅធ្វើការដោះស្រាយ នៅថ្ងៃចន្ទ ទី១៦ ខែកក្កដា ឆ្នាំ២០១២។
ប៉ុន្ដែខាងបុគ្គលិកក្រុមហ៊ុនមួយរូប បានបង្ហើបថា ទាំង២នាក់ ដែលបញ្ឈប់ គឺក្រុមហ៊ុនប្រហែល ជាមិនអាចទទួលយកមកធ្វើការវិញបានឡើយ ព្រោះថា ក្រុមហ៊ុនបានធ្វើទៅតាមច្បាប់ការងារត្រឹមត្រូវ ហើយអាជ្ញាធរមូលដ្ឋាន គ្រាន់តែជាអ្នកសប្រមសម្រួល ឬក៏ថែរក្សាសណ្ដាប់ធ្នាប់ប៉ុណ្ណោះ មិនអាចសំរេច ឬបង្ខំឱ្យមានការទទួលយកមនុស្ស ២ នាក់ទៅធ្វើការវិញបានឡើយ៕
No comments:
Post a Comment
yes