ទិត សុធា
ភ្នំពេញ: មន្ត្រីជាន់ខ្ពស់រដ្ឋាភិបាលកម្ពុជា បានអះអាងថា ករណីលោកសមរង្ស៊ី ប្រធានគណបក្សសមរង្ស៊ី ដែលកំពុងនិរទេសខ្លួន នៅបរទេសនោះ គឺរដ្ឋាភិបាល មិនដែលបានចេញបម្រាម ហាមមិនឲ្យលោក វិលត្រឡប់ ចូលស្រុកកំណើតឡើយ។ ក៏ប៉ុន្តែករណីរបស់មេបក្សប្រឆាំងនោះ ជាការអនុវត្តច្បាប់ នៅក្នុងប្រទេសកម្ពុជា និងអនុវត្តតាមអំណាចសាលដីកាតុលាការ។
លោក ទិត សុធា អនុប្រធាន និងជាអ្នកនាំពាក្យអង្គភាពព័ត៌មានប្រតិកម្ម និងរហ័សនៃទីស្តីការគណៈរដ្ឋមន្ត្រី បានមានប្រសាសន៍ថា ការទាមទាររបស់លោក សម រង្ស៊ី ដែលជាទណ្ឌិត គឺគ្មានតម្លៃ សម្រាប់កម្ពុជា ដែលជារដ្ឋឯករាជ្យ បាន និងកំពុ ងតែពង្រឹងនីតិរដ្ឋ និងការគោរពច្បាប់។
លោក ទិត សុធា បានលើកឡើងថា "យើងបានផ្តល់អាទិភាពនេះ ទៅលើស្ថាប័នតុលាការ ដែលជាស្ថាប័នឯករាជ្យមួយ នៅក្នុងការដោះស្រាយបញ្ហាទៅតាមនីតិវិធីច្បាប់ ជាមួយលោកសម រង្ស៊ី។ អ្វីដែលលោក សម រង្ស៊ី អះអាងថា ស្វែងរកការដាក់សម្ពាធលើរដ្ឋាភិបាលកម្ពុជា តាមរយៈការគៀងគរពីបណ្តាប្រទេសផ្សេងៗនោះ ខ្ញុំយល់ថាបណ្តាប្រទេសទាំងនោះ គ្មានឥទ្ធិពលណាមួយ នៅក្នុងការដាក់ការគាបសង្កត់ មកលើរដ្ឋាភិបាលកម្ពុជា ដែលបានគោរពត្រឹមត្រូវលើប្រព័ន្ធប្រជាធិបតេយ្យពហុបក្ស និងបានកំពុងលើកស្ទួយនីតិរដ្ឋ តាមរយៈការពង្រឹង និងអនុវត្តច្បាប់ឡើយ”។
លោក ទិត សុធា បានបន្តថា អ្វីដែលជាការទាមទាររបស់គណបក្សប្រឆាំង ជាពិសេសបុគ្គលលោក សម រង្ស៊ី នេះ គឺហាក់បីដូចជា មិនបានដើរ ស្របទៅតាមឆន្ទៈប្រជាពលរដ្ឋទេ ពីព្រោះការធ្វើច្បាប់ ការអនុម័តច្បាប់ផ្សេងៗ មិនមែនធ្វើឡើងតម្រូវចិត្តបុគ្គលទេ។
លោក ទិត សុធា អនុប្រធាន និងជាអ្នកនាំពាក្យអង្គភាពព័ត៌មានប្រតិកម្ម និងរហ័សនៃទីស្តីការគណៈរដ្ឋមន្ត្រី បានមានប្រសាសន៍ថា ការទាមទាររបស់លោក សម រង្ស៊ី ដែលជាទណ្ឌិត គឺគ្មានតម្លៃ សម្រាប់កម្ពុជា ដែលជារដ្ឋឯករាជ្យ បាន និងកំពុ ងតែពង្រឹងនីតិរដ្ឋ និងការគោរពច្បាប់។
លោក ទិត សុធា បានលើកឡើងថា "យើងបានផ្តល់អាទិភាពនេះ ទៅលើស្ថាប័នតុលាការ ដែលជាស្ថាប័នឯករាជ្យមួយ នៅក្នុងការដោះស្រាយបញ្ហាទៅតាមនីតិវិធីច្បាប់ ជាមួយលោកសម រង្ស៊ី។ អ្វីដែលលោក សម រង្ស៊ី អះអាងថា ស្វែងរកការដាក់សម្ពាធលើរដ្ឋាភិបាលកម្ពុជា តាមរយៈការគៀងគរពីបណ្តាប្រទេសផ្សេងៗនោះ ខ្ញុំយល់ថាបណ្តាប្រទេសទាំងនោះ គ្មានឥទ្ធិពលណាមួយ នៅក្នុងការដាក់ការគាបសង្កត់ មកលើរដ្ឋាភិបាលកម្ពុជា ដែលបានគោរពត្រឹមត្រូវលើប្រព័ន្ធប្រជាធិបតេយ្យពហុបក្ស និងបានកំពុងលើកស្ទួយនីតិរដ្ឋ តាមរយៈការពង្រឹង និងអនុវត្តច្បាប់ឡើយ”។
លោក ទិត សុធា បានបន្តថា អ្វីដែលជាការទាមទាររបស់គណបក្សប្រឆាំង ជាពិសេសបុគ្គលលោក សម រង្ស៊ី នេះ គឺហាក់បីដូចជា មិនបានដើរ ស្របទៅតាមឆន្ទៈប្រជាពលរដ្ឋទេ ពីព្រោះការធ្វើច្បាប់ ការអនុម័តច្បាប់ផ្សេងៗ មិនមែនធ្វើឡើងតម្រូវចិត្តបុគ្គលទេ។
លោកទិត សុធា បានបន្តថា ការទាមទារឲ្យមានការកែសម្រួលគណៈកម្មាធិការជាតិរៀបចំការបោះឆ្នោត ដោយទណ្ឌិត ( លោកសមរង្ស៊ី ) គឺវាគ្មានតម្លៃណាមួយ យកមកពិចារណាទេ។ ក៏ប៉ុន្តែដំណើរការបោះឆ្នោតនៅកម្ពុជា កន្លងមក បានប្រព្រឹត្តទៅដោយសេរី យុត្តិធម៌ និងត្រឹមត្រូវ។ លទ្ធផលជាបន្តបន្ទាប់ត្រូវបានគណបក្សប្រឆាំង ទទួលយកនៅការបោះឆ្នោតនោះ។ បើសិនជាគណបក្សប្រឆាំង មិនទទួលយកគឺបានន័យថា មកដល់ពេលនេះ អត់មានតំណាងរាស្ត្រ ឬក៏សមាសភាពសមាជិកក្រុមប្រឹក្សាឃុំសង្កាត់របស់គណបក្សប្រឆាំង បំពេញតួនាទីរបស់ខ្លួនដែរ។
ចំណែកលោក ជាម យៀម សមាជិកសភាមណ្ឌលខេត្តព្រៃវែង និងជាសមាជិគណៈកម្មាធិការអចិន្ត្រៃយ៍នៃគណបក្សប្រជាជនកម្ពុជា មានមានប្រសាសនៅរសៀលថ្ងៃទី៣០ ខែកក្កដា ឆ្នាំ២០១២ថា លោក សម រង្ស៊ីគឺជាទណ្ឌិត ដែលត្រូវសាលក្រមតុលាការកំពូល និងតុលាការក្រុងភ្នំពេញ បានកាត់ទោសដាក់ពន្ធនាគារជាង ១០ ឆ្នាំឯណោះ។ គាត់នៅមិនទាន់ចូលមកអនុវត្តតាមសាលដីកានៃតុលការកម្ពុជានៅឡើយទេ។
លោក ជាម យៀប បានបន្តថា "រាល់ការបង្កើតចលនាសមាគមអីក៏ដោយ ត្រូវតែគោរពតាមច្បាប់ដែលមានចែងក្នុងរដ្ឋធម្មនុញ្ញ បើមិនអីចឹងទេអត់បានទេ។ ខ្ញុំសូមជំរាបថា រឿងលោកសមរង្ស៊ី ចូលស្រុកវិញ ជាសិទ្ធិរបស់គាត់ ហើយបើសមរង្ស៊ី ចិត្តសឿងស្នេហាជាតិពិត ចូលមក អត់មានអ្នកណាណាឃាត់ឃាំង
គាត់ទេ ឥឡូវនេះ។ ប៉ុន្តែចូលមកសមរង្ស៊ី ត្រូវគោរពអនុវត្តតាមសាលដីកា”។
លោក ជាម យៀប បានបន្តថា បច្ចុប្បន្ន គណបក្សសមរង្ស៊ី មានសមជិក នៅក្នុង គ.ជ.ប. ដែរ ហើយការចោទប្រកាន់របស់គណបក្សប្រឆាំងថា គ.ជ.ប. មិនឯករាជ្យ ជាដើមនោះ គឺជាវប្បធម៌របស់គណបក្សប្រឆាំងសមរង្ស៊ី និងកឹមសុខា។ និយាយឲ្យចំ គឺជាវប្បធម៌របស់ពួកអ្នកចាញ់ តែងតែរិះរកគ្រប់មធ្យោបាយ ដើម្បីធ្វើពហិការ ដើម្បីមិនទទួលស្គាល់លទ្ធផលនៃការបោះឆ្នោត។ សព្វថ្ងៃនេះ គណបក្សប្រជាជន ដែលជាគណបក្សកាន់អំណាច គឺជាអ្នកទទួលខុសត្រូវចំពោះជោគវាសនាអនាគតជាតិមាតុភូមិ ចំពោះប្រវត្តិសាស្ត្រ ហើយហានទទួលខុសត្រូវគ្រប់បែបយ៉ាងទាំងអស់ និងការពារមាតុភូមិកម្ពុជា មិនឲ្យបាត់បង់ប៉ិនគ្រាប់ខ្សាច់ទៅប្រទេសណាទេ ដែលជាប្រទេសជិតខាងនៅជុំវិញនោះ។
លោកជាមយៀប បានមានប្រសាសន៍បន្តថា ដំណើររៀបចំការបោះឆ្នោតរបស់គណៈកម្មាធិការជាតិ គ.ជ.ប. គឺការរៀបចំការបោះឆ្នោតកន្លងមក ត្រូវបានអន្តរជាតិទទួលស្គាល់នៃលទ្ធផលបោះឆ្នោត។ គណបក្សប្រឆាំង ត្រូវបង្ហាញថា តើកន្លែងត្រង់ណា ដែលគ.ជ.បធ្វើខុសនោះ? ព្រោះនៅពេលបោះឆ្នោត សុទ្ធតែមានអ្នកសង្កេតការណ៍ជាតិ-អន្តរជាតិ អ្នកសង្កេតការណ៍ ជាអង្គទូត ប្រចាំនៅកម្ពុជា និងតំណាងគ្រប់គណបក្សនយោបាយ ចូលរួម។
ទាក់ទងនឹងការបង្កើតចលនាប្រជាធិបតេយ្យសង្គ្រោះជាតិ រវាងគណបក្សសមរង្ស៊ី និងគណបក្សសិទ្ធិមនុស្ស មុននឹងឈានទៅបង្កើតគណបក្សនយោបាយ នាពេលខាងមុខនោះ ត្រូវបានលោក ជាម យៀប មន្ត្រីជាន់ខ្ពស់នៃគណបក្សប្រជាជន បញ្ជាក់ថា គ្មានអីដែលគណបក្សប្រជាជន ត្រូវភ័យខ្លាចចំពោះចលនានេះទេ តែសុំឲ្យគោរពច្បាប់រដ្ឋធម្មនុញ្ញ កុំបំពានច្បាប់។
លោក ជាម យៀប បានមានប្រសាសនថា "គណបក្សទាំងពីរ ( សមរង្ស៊ី និងគណបក្សសិទ្ធមនុស្ស ) ចង់ធ្វើអី បង្កើតអីត្រូវតែមានច្បាប់អនុញ្ញាត ពីរាជរដ្ឋាភិបាល ដើម្បីឲ្យចលនា ឬសមាគមនោះ ឲ្យស្របតាមច្បាប់។ រីឯការរួបរួមរវាងគណបក្សទាំងពីរ ហើយគេថាគណបក្សប្រជាជនខ្លាចសព្វបែបយ៉ាងទាំងអស់នោះ គឺយើងខ្ញុំសូមជំរាបថា យើងខ្ញុំអត់ញ័រទេ។ ក្នុងនាមខ្ញុំជាថ្នាក់ដឹកនាំប្រជាជនកម្ពុជាមួយរូប សូមធានាអះអាងថា មិនមែន ២ គណបក្សទេ សូម្បីគណបក្ស ៤ ឬ១០ និង២០ គណបក្ស បង្កើតរួមគ្នាចុះ ដើម្បីតទល់ជាមួយគណបក្សប្រជាជនកម្ពុជា គឺយើងខ្ញុំ ប្រៀបដូចជាពាក្យថា "កង្កែប ក៏ប្រឹង ពស់ក៏ប្រឹងលេប" ដែរ។ អីចឹងជាធម្មតាទេ និងជាសិទ្ធិរបស់គេ។ ក៏ប៉ន្តែឲ្យខ្ញុំខ្លាចអ្នកឯង ឬយ៉ាងណាយ៉ាងណានោះ សូមជំរាបថា គ្មានខ្លាចរអែង ឬញ័រចំពោះការបង្រួបបង្រួមនោះទេ"។
ការលើកឡើងរបស់មន្ត្រីជាន់ខ្ពស់រដ្ឋាភិបាល និងមន្ត្រីជាន់ខ្ពស់គណបក្សប្រជាជនកម្ពុជាយ៉ាងដូច្នេះ ធ្វើឡើង ជាប្រតិកម្មតបទៅនឹងការលើកឡើងរបស់លោកសមរង្ស៊ី និងលោកកឹមសុខា កាលពីព្រឹកថ្ងៃទី៣០កក្កដា ឆ្នាំ២០១២។ លោកសមរង្ស៊ី បានឲ្យដឹងថា លោក និងលោកកឹមសុខា នឹងដឹកនាំគណៈប្រតិភូគណបក្សសមរង្ស៊ី និងគណបក្សសិទ្ធិមនុស្ស ក្នុងនាមសម្ព័ន្ធភាពគណបក្សប្រឆាំង ដែលបានរួបរួម ជាចលនាអ្នកប្រជាធិបតេយ្យសង្គ្រោះជាតិ មុននឹងឈានទៅបង្កើតគណបក្សតែមួយ រវាងសមរង្ស៊ី និងសិទ្ធិមនុស្ស ទៅកាន់សហរដ្ឋអាមេរិក នៅដើមខែសីហានេះ។
ដំណើរទៅកាន់អាមេរិក សហភាពអឺរ៉ុប និងប្រទេសជប៉ុន ជាដើមនោះ ដើម្បីស្វែងរកអន្តរាគមន៍ពីប្រទេសមហាអំណាច ឲ្យមានការដាក់គំនៀបមកកាន់រដ្ឋាភិបាលកម្ពុជា ឲ្យកែទម្រង់ គ.ជ.ប. និងជំរុញឲ្យលោកសមរង្ស៊ី ដែលត្រូវតុលាការផ្តន្ទាទោសកំបាំងមុខ ដាក់ពន្ធនាគារជាង ១០ ឆ្នាំ បានវិលត្រឡប់មកកាន់ប្រទេសកម្ពុជា ដើម្បីចូលរួមការបោះឆ្នោតជាតិ នាថ្ងៃទី២៨កក្កដា ឆ្នាំ២០១៣។
លោកសមរង្ស៊ី ក្នុងនាមជាប្រធានគណបក្សរួបរួមរវាងគណបក្សសមរង្ស៊ី និងគណបក្សសិទ្ធិមនុស្ស ត្រូវឈរឈ្មោះ ជាបេក្ខជននាយករដ្ឋមន្ត្រី សម្រាប់អាណត្តិទី៥ ដើម្បីប្រជែងការបោះឆ្នោតជាមួយនឹងសម្តេចនាយករដ្ឋមន្ត្រី ហ៊ុន សែន ដែលជាបេក្ខជននាយករដ្ឋមន្ត្រី តែមួយគត់ របស់គណបក្សប្រជាជនកម្ពុជា៕
No comments:
Post a Comment
yes