ក្រុងតូក្យូៈ ការរអិលបាក់ដីនៅជប៉ុនកាលពីថ្ងៃអាទិត្យ បានកាត់ ផ្តាច់មនុស្សជាង៥ពាន់នាក់់ ខណៈ ភ្លៀងធ្ងន់ធ្ងរ និងទឹកជំនន់ច្រើន ថែមទៀត ត្រូវបានគេព្យាករនៅភាគនិរតីនៃប្រទេសជប៉ុន ដែលចំនួនអ្នកស្លាប់ដោយសារភ្លៀងដូចគេហែកមេឃនេះ បានឡើងដល់២២នាក់។
រូបភាពទូរទស្សន៍ បានបង្ហាញទាហានកំពុងរៀបសម្ភារៈជំនួយមានដូចជាស្បៀងអាហារ ទឹក និងសម្ភារៈសុខាភិបាលដាក់ចូលក្នុងឧទ្ធម្ភាគចក្រយោធាដើម្បីបញ្ជូនវាទៅតំបន់ព្រៃភ្នំនៅតំបន់យេម ខេត្ត ហ្វូ៊គូអូកា នៅកោះ ឃ្យូស៊ូភាគខាងជើង។
ក្រុមមន្រ្តី បាននិយាយថា ក្រុមអាជ្ញាធរ កំពុងបញ្ជូនឧទ្ធម្ភាគចក្រជួយសង្គ្រោះផ្សេងពីនេះ ដើម្បីដឹកអ្នកជំងឺ និងអ្នកភូមិវ័យចំណាស់ទៅមន្ទីរពេទ្យចេញពីតំបន់ដាច់ស្រ យាល ជាទីដែលមានមនុស្សម្នាក់ យ៉ាងតិចបានស្លាប់។
មនុស្សជាង៥៤៤០នាក់ បានជាប់នៅទីនោះ ចាប់តាំងពីរាត្រីថ្ងៃសៅរ៍ ខណៈដែលការរអិលបាក់ដី និងដើមឈើដែលដួលរំលំ បានកាត់ផ្តាច់ផ្លូវ និងការផ្គត់ផ្គង់ទឹកពីតំបន់ ដែលភ្លៀងដែលពុំធ្លាប់មាន បានធ្លាក់ចាប់តាំងពីថ្ងៃពុធ។
អ្នកនាំពាក្យឲ្យរដ្ឋាភិបាលក្រុងយេម អ្នកស្រី កាយ៉ូ ស៊ីណូហារ៉ា បានថ្លែងថា៖«យើង នឹងបន្តបញ្ជូនរបបអាហារគ្រាអាសន្នទៅឲ្យពលរដ្ឋនៅទីនោះ ខណៈគេនៅតែមិនទាន់ច្បាស់ថា នៅពេលណាយើង អាចទៅដល់តំបន់នោះ»។
No comments:
Post a Comment
yes