ថ្នាំ TRUVADA
ទីភ្នាក់ងារឱសថអាមេរិកFDAបានអនុម័តកាលពីថ្ងៃទី១៦កក្កដាឱ្យលក់លើទីផ្សារនូវថ្នាំបង្ការជំងឺអេដស៍ឈ្មោះទ្រូវ៉ាដា TRUVADA ហើយ។ នេះជាថ្នាំបង្ការជំងឺអេដស៍សម្រាប់បណ្តាមនុស្សដែលងាយរងគ្រោះរួចបើយោងតាមអាជ្ញាធរថាអាចរួមចំណែកកាត់បន្ថយការឆ្លងជំងឺនេះថ្មីៗ ។
ក្រោយពីទទួលអនុសាសន៍របស់គណៈកម្មាធិការពួកអ្នកជំនាញការមកទីភ្នាក់ងារត្រួតពិនិត្យស្បៀងអាហារនិងថ្នាំពេទ្យអាមេរិកFDA បានយល់ព្រមឱ្យមន្ទីរពិសោធន៍ផលិតថ្នាំពេទ្យអាមេរិក GILEAD SCIENCESចេញលក់ថ្នាំនេះដើម្បីកាត់បន្ថយការឆ្លងវីរុសហុីវចំពោះបណ្តាមនុស្សដែលងាយរងគ្រោះឆ្លងវីរុសនេះបំផុត ។ ក្នុងសេចក្តីប្រកាសមួយFDA បញ្ជាក់ថា ថ្នាំទ្រូវ៉ាដា លេបរាល់ថ្ងៃបង្ការមុនប៉ះពាល់ជាមួយវីរុសហុីវ ដោយរួមបញ្ចូលជាមួយការអនុវត្តពិធីបង្ការពេលរួមភេទនានាទៀតដូចជាការប្រើស្រោមអនាម័យព្រមទាំងវិធានការបង្ការផ្សេងៗទៀតដើម្បីរារាំងការឆ្លងវីរុសហុីវចំពោះបណ្តាមនុស្សពេញវ័យដែលស្ថិតក្នុងស្ថានភាពងាយរងគ្រោះបំផុត ។
ក្នុងសេចក្តីប្រកាសនេះ FDA ទទូចថា ទោះជាមានថ្នាំទ្រូវ៉ាដា ក៏មិនត្រូវបោះបង់ចោលការអនុវត្តការបង្ការគួរឱ្យជឿទុកចិត្តឯទៀតៗឡើយ ។ការផ្តល់ភ្លើងខៀវនេះរបស់FDAធ្វើឡើងមុនពេលជិតដល់សន្និសីទអន្តរជាតិស្តីពីជំងឺអេដស៍ ដែលនឹងប្រព្រឹត្តទៅនៅទីក្រុងវ៉ាស៊ីនតោនពីថ្ងៃទី២២ដល់២៧កក្កដា ក្រោមប្រធានបទ«ផ្លាស់ប្តូរនិន្នាការនៃការឆ្លងជំងឺអេដស៍ដើម្បីបញ្ចប់វា» ។
លោកស្រីMAGARET HAMBURGនាយិការបស់ FDA ថ្លែងថា ការយល់ព្រមឱ្យដាក់លក់ថ្នាំទ្រូវ៉ាដា កំណត់ពីដំណាក់កាលសំខាន់មួយនៃការតស៊ូរបស់យើងប្រឆាំងជំងឺអេដស៍ ។ លោកស្រីគូសបញ្ចាក់ថា ក្នុង១ឆ្នាំៗមនុស្សពេញវ័យនិងមនុស្សជំទង់អាមេរិកប្រមាណជា៥០.០០០នាក់ ពិនិត្យឃើញឆ្លងវីរុសហុីវទោះបីជាមានវិធីបង្ការនានា យុទ្ធសាស្ត្រនៃការអប់រំនិងការព្យាបាលពន្យារអាយុសម្រាប់បណ្តាអ្នករស់នៅជាមួយវីរុសក្តី ។ ទិសដៅរបស់អាមេរិកគឺកាត់បន្ថយចំនួនអ្នកឆ្លងវីរុសថ្មីឱ្យបាន២៥% រហូតដល់ឆ្នាំ២០១៥ ៕
លោកស្រីMAGARET HAMBURGនាយិការបស់ FDA ថ្លែងថា ការយល់ព្រមឱ្យដាក់លក់ថ្នាំទ្រូវ៉ាដា កំណត់ពីដំណាក់កាលសំខាន់មួយនៃការតស៊ូរបស់យើងប្រឆាំងជំងឺអេដស៍ ។ លោកស្រីគូសបញ្ចាក់ថា ក្នុង១ឆ្នាំៗមនុស្សពេញវ័យនិងមនុស្សជំទង់អាមេរិកប្រមាណជា៥០.០០០នាក់ ពិនិត្យឃើញឆ្លងវីរុសហុីវទោះបីជាមានវិធីបង្ការនានា យុទ្ធសាស្ត្រនៃការអប់រំនិងការព្យាបាលពន្យារអាយុសម្រាប់បណ្តាអ្នករស់នៅជាមួយវីរុសក្តី ។ ទិសដៅរបស់អាមេរិកគឺកាត់បន្ថយចំនួនអ្នកឆ្លងវីរុសថ្មីឱ្យបាន២៥% រហូតដល់ឆ្នាំ២០១៥ ៕
No comments:
Post a Comment
yes