សាន់ដេ ចាប់ផ្តើមថត រឿង "វិញ្ញាណបិសាច ជញ្ជក់ឈាម" ក្នុងប្រទេសថៃ

តាមអ្វីដែលបានគ្រោងទុក ក្រុមកាងារ និងតារាសម្តែង នៅក្នុងផលិតកម្មសាន់ដេ បានចាប់ផ្តើមដំណើរការ ថត ខ្សែភាពយន្តថ្មី នៅក្នុងទឹកដីប្រទេសថៃ ដោយពួកគេបានធ្វើដំណើរ ទៅដល់កាលពីថ្ងៃទី២ខែសីហាឆ្នាំ ២០១២ និងបានជួបជាមួយ អ្នកដឹកនាំរឿងក្នុងប្រទេសថៃ ដើម្បីសហការគ្នាថត ខ្សែភាពយន្តនេះ ឲ្យបានល្អ ។

តាមរយៈរូបភាព ជាច្រើនសន្លឹក ដែលបង្ហាញឲ្យ ឃើញពីសកម្មភាព និងឈុតខ្លះៗ ដែលផលិតកម្មសាន់ដេ បានរៀបចំថត នៅក្នុងប្រទេសថៃ មុននឹងឈានដល់ សកម្មភាពថតនៅទីក្រុងហុងកុង ប្រទេសចិន គឺមានសភាពប្លែក អារម្មណ៍ជាង បណ្តាខ្សែភាពយន្តផ្សេងៗ ដែលមើលទៅដូចជា មានសភាពរន្ធត់ខ្លាំង ព្រោះជាប្រភេទខ្សែភាពយន្ត បែបខ្មោច ព្រាយ បិសាច ទោះបីជារឿងនេះ មិនទាន់ចេញជារូបរាង បញ្ចាំងជាផ្លូវការក្តី ។