អ្នកនាងអេដា
លោកគង់ ចំរ៉ុង
រាជធានីភ្នំពេញ ៖ រូបភាពសិចស៊ីរបស់តារាសម្តែងខ្មែរកំពុងតែក្លាយជាប្រធានបទដ៏ក្តៅគគុកមិនមែនត្រឹមតែមហាជនទូទៅទេ តែវាក៏ជាបញ្ហាមួយដែលក្រសួងវប្បធម៌កំពុងតែយកចិត្តទុកដាក់យ៉ាងខ្លាំងផងដែរ ហើយថ្មីៗនេះក្រសួងក៏មានគម្រោងកោះហៅតារាសម្តែងដែលថតរូបសិចស៊ីសំញែងភ្នែកទស្សនិកជននោះ មកធ្វើការអប់រំផងដែរ ។
ដោយឡែកជុំវិញប្រធានបទខាងលើកាលពីពេលថ្មីៗនេះរូបភាពសិចស៊ីទាំងនោះ បានក្លាយទៅជាសង្គ្រាមពាក្យសម្តីតាមបណ្តាញប្រព័ន្ធហ្វេសប៊ុករវាងតារាចម្រៀងតូចល្អិតអេដា និងតារាប្រុសរាងសង្ហា គង់ ចំរ៉ុង ។ ក្នុងគណនេយ្យហ្វេសប៊ុកអេដា នាងបានបង្ហាញរូបភាពសិចស៊ីរបស់លោកអេនឌី និងពេជ្រ អាវីសា និងតារាចម្រៀងឆៃ លីដាឡែន ជាមួយលោកអេឡិចចាន់ត្រា ដោយនាងបាន comment ជាភាសាអង់គ្លេសទៅលើរូបភាពដែលមានន័យបន្តុះបង្អាប់ និងរិះគន់រូបភាពទាំងនោះយ៉ាងខ្លាំងដោយលើកឡើងថា រូបភាពទាំងនេះមិនមែនថតជាលក្ខណៈសិល្បៈឡើយ ដោយនាងលើកហេតុផលថា ពួកគេចង់បង្ហាញរូបភាពទាំងនោះក្នុងគោលបំណងធ្វើឱ្យខ្លួនឯងទទួលបានភាពល្បីល្បាញប៉ុណ្ណោះ ។ នាងបន្តថា ក្នុងនាមនាងជាតារាម្នាក់ដែរនោះ នាងមិនដែលប្រើរូបភាពដូចនេះ ដើម្បីទទួលបានភាពល្បីល្បាញពីទស្សនិកជនឡើយ ដោយអេដា បានប្រើពាក្យអសុរោះចំពោះរូបភាពនោះថា សំផឹងថែមទៀតផង ។
ជាការឆ្លើយតបតារាចម្រៀង គង់ ចំរ៉ុង ហាក់ក្តៅចុងច្រមុះចំពោះការប្រើពាក្យពេចន៍របស់អេដា ដោយបាននិយាយតបវិញថា មានអ្នកណាខ្លះដែលជាមិត្តភក្តិរបស់អេដា? ខ្ញុំសុំផ្ញើពាក្យខ្លះទៅប្រាប់នាង ហេតុអីក៏នាងប្រើពាក្យអសុរោះ ឬក៏ហៅថា ពាក្យលាមកទៅលើទំព័រ Facebook ដាក់អ្នកសិល្បៈដូចគ្នាបែបនេះទៅវិញ ។
ខាងក្រោមនេះជាពាក្យជេរប្រមាថគ្នារវាងអេដា និងចំរ៉ុង ៖
No comments:
Post a Comment
yes