ភ្នំពេញៈ លោកឧបនាយករដ្ឋមន្រ្តីរដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ គាត ឈន់ បានថ្លែងកាលពីម្សិលមិញថា កម្ពុជាគ្រោងឈប់ពឹងផ្អែកជំនួយអភិវឌ្ឍន៍ផ្លូវការ(ODA) នៅត្រឹមឆ្នាំ២០៣០។
នេះបើតាមរបាយការណ៍ទីភ្នាក់ងារសារព័ត៌មានកម្ពុជា។
ក្នុងឱកាសជួបពិភាក្សាការងារជាមួយឯកអគ្គរដ្ឋទូតសហរដ្ឋអាមេរិក លោក William E.Todd នៅទីស្តីការក្រសួងសេដ្ឋកិច្ច និងហិរញ្ញវត្ថុ លោក គាត ឈន់ បានមានប្រសាសន៍ថា បច្ចុប្បន្ននេះប្រទេសកម្ពុជាកំពុងប្រឹងប្រែងធ្វើកំណែទម្រង់លើ គ្រប់វិស័យទាំងអស់ ដើម្បីកសាងមូលដ្ឋានគ្រឹះសម្រាប់ការអភិវឌ្ឍនាពេលអនាគតដ៏ខ្លី ខាងមុខនេះហើយនៅឆ្នាំ២០៣០ ប្រទេសកម្ពុជាមានសង្ឃឹមថា នឹងរួចផុតពី Official Development Assitance (ODA)។
កាលពីឆ្នាំ២០១១ ប្រទេសកម្ពុជាបានស្នើសុំជំនួយជាទឹកប្រាក់ប្រមាណ៧៩,៣លាន ដុល្លារអាមេរិក សម្រាប់ទ្រទ្រង់ដល់ការអភិវឌ្ឍផ្នែកសេដ្ឋកិច្ច សុខភាព និងមូលនិធិសង្រ្គោះកុមារពីភ្នាក់ងារសហរដ្ឋអាមេរិក សម្រាប់ការអភិវឌ្ឍអន្តរជាតិ(USAID)។
បើយោងទៅតាមតួលេខរបស់អង្គការដើម្បីសហប្រតិបត្តិសេដ្ឋកិច្ចនិង ការអភិវឌ្ឍ (OECD)បានឲ្យដឹងថា ក្នុងឆ្នាំ២០១០ប្រទេសកម្ពុជាបានទទួលទឹកប្រាក់ប្រមាណ៦៣៦លាន ដុលា្លរជាជំនួយអភិវឌ្ឍន៍ (ODA) ពីបណ្តាម្ចាស់ជំនួយអន្តរជាតិដែលប្រទេសជប៉ុននាំមុខគេ។
William E.Todd បានថ្លែងថា សហរដ្ឋអាមេរិកចង់ឲ្យកម្ពុជារួចពីជំនួយបរទេស និងឈប់ពឹងផ្អែកប្រាក់កម្ចី។
ឧបនាយករដ្ឋមន្រ្តី គាត ឈន់ក៏បានសម្តែងនូវការដឹងគុណដល់រដ្ឋាភិបាល និងប្រជាជនអាមេរិកសម្រាប់ការផ្តល់ជំនួយដល់ប្រទេសកម្ពុជា និងបានបញ្ជាក់ថា ជំនួយអភិវឌ្ឍន៍សរុបគឺ ៧៨០ លានដុល្លារ។
សំណើឲ្យមានការបញ្ជាក់អំពីការផ្តួចផ្តើមបញ្ចប់ជំនួយអភិវឌ្ឍន៍ជា ច្រើនធ្វើមកក្រសួងសេដ្ឋកិច្ចនិងហិរញ្ញវត្ថុត្រូវបដិសេធ។
តំណាង USAID នៅកម្ពុជាមិនអាចទាក់ទង សុំការអត្ថាធិប្បាយបានទេ៕ SP
No comments:
Post a Comment
yes