ក្រុមការងារគណបក្ស សម រង្ស៊ី និងគណបក្ស សិទ្ធិមនុស្ស ក្នុងចលនាប្រជាធិបតេយ្យសង្គ្រោះជាតិ ជួបប្រជុំគ្នាពិភាក្សការងារដោយផ្តោតលើការចុះឈ្មោះ និង ពិនិត្យបញ្ជីឈ្មោះបោះឆ្នោត

នៅបន្ទាប់ពី ចលនាប្រជាធិបតេយ្យសង្គ្រោះជាតិ បានកើតឡើង ដោយការរួមបញ្ចូលគ្នាជា​សម្លេងតែមួយ រវាងគណបក្ស សម រង្ស៊ី និងគណបក្ស​ សិទ្ធិមនុស្ស នៅទីក្រុងម៉ានីល ប្រទេសហ្វី លីពីន កាលពីថ្ងៃទី១៧ ខែកក្កដា ឆ្នាំ២០១២ កន្លងទៅ ក្រុមការងារនៃគណបក្សទាំងពីរបានធ្វើ ការរួមគ្នាតែមួយ តាំងពីថ្នាក់លើរហូតដល់ថ្នាក់ក្រោម ។

អ្វីដែលគណបក្ស សម រង្ស៊ី និងគណបក្ស​ សិទ្ធិមនុស្ស ធ្វើបែបនេះ គឺដើម្បីបញ្ចប់ឥទ្ធិពល​របស់​អ្នកកាន់អំណាចបច្ចុប្បន្ន ដែលដឹកនាំប្រទេសតាមរបៀបផ្តាច់ការ និងដើម្បីធ្វើការទប់ស្កាត់​មន្ត្រី​ពុករលួយ​ខិលខូច របស់គណបក្សប្រជាជន ដែលធ្វើបាបរាស្រ្ត និងបំផ្លិចបំផ្លាញ ទ្រព្យសម្បត្តិ​ប្រ​ទេសជាតិ រួមជាមួយការពុះជា្រកទឹកដីរបស់ខ្លួនជាដុំៗ ឲ្យទៅបរទេសជិតខាង ដើម្បីថែរក្សា និង​ការពារអំណាច ក៏ដូចជាផលប្រយោជន៏របស់ខ្លួន បក្ខពួក រួមជាមួយនិងក្រុមគ្រួសារបស់គេ ។

គណបក្សប្រជាជនដែលកាន់អំណាចមកអស់រយៈពេលជិត៣០ឆ្នាំមកនេះ បានធ្វើឲ្យរាស្រ្ត និង​ប្រទេសជាតិ វិនាសហិនហោច និងរងទុក្ខគ្មានពេលល្ហែរ លិទ្ធិប្រជាធិបតេយ្យនៅក្នុង​ប្រទេស​មួយ​នេះ ក៏បាននឹងកំពុងតែដើរថយក្រោយបន្តិចម្តងៗ ជិតទៅដល់រណ្តៅមរណៈហើយផងដែរ ។ ចំណែក ឯការបោះឆ្នោតវិញ គណៈកម្មាធិការជាតិរៀបចំការបោះឆ្នោត គឺមានភាព​លំអៀងទៅ​រក​គណ​បក្សកាន់អំណាចសព្វថ្ងៃ ហើយធ្វើឲ្យប្រព័ន្ធបោះឆ្នោតមានភាពស្មុកស្មាញ​បង្កការលំ​បាក​ដល់ប្រ​ជាពលរដ្ឋ ។ ម្យ៉ាងគណៈកម្មាធិការជាតិរៀបចំការបោះឆ្នោត ដែលមានលោក អ៊ឹម សួរស្តី ជា​ប្រ​ធាន និងលោក ទេពនីថា ជាអគ្គលេខាធិការ ត្រូវបានគេចាត់ទុកថាជាឧបករណ៏នយោបាយ របស់គណបក្សកាន់អំណាច ព្រោះគ.ជ.ប ខំប្រឹងរកគ្រប់វិធី និងធ្វើគ្រប់បែបយ៉ាងដោយមិនខ្វល់ ពីការរិះគន់ ពីសំណាក់គណបក្សប្រឆាំង អង្គការជាតិ និងអន្តរជាតិ ប្រជាពលរដ្ឋនោះឡើយ គឺគេ ធ្វើអ្វីៗគ្រប់បែបយ៉ាងដើម្បីឲ្យតែគណបក្សប្រជាជនឈ្នះជានិច្ច ឈ្នះតែឯង និងឈ្នះជារៀងរហូត តែប៉ុណ្ណោះ ។ ហេតុដូចនេះហើយ បានជាគណបក្សប្រឆាំង មន្រ្តីអង្គការក្រៅរដ្ឋាភិបាលជាតិ និង អន្តរជាតិ ក៏ដូចជាប្រជាពលរដ្ឋ បានស្នើសុំឲ្យមានការកែប្រែរចនាសម្ព័ន្ធ និងផ្លាស់ប្តូរក្បាលម៉ា​ស៊ីន គណៈកម្មាធិការជាតិរៀបចំការបោះឆ្នោតចេញ ទើបការបោះឆ្នោតនៅក្នុងប្រទេសកម្ពុជា ប្រព្រឹត្តទៅដោយសេរី ត្រឹមត្រូវ និងយុត្តិធម៌បាន ។

សូមជំរាបជូនផងដែរថា កាលពីថ្ងៃទី២២ ខែសីហា ឆ្នាំ២០១២ គណបក្ស សម រង្ស៊ី និងគណបក្ស សិទ្ធិមនុស្ស ក្នុង ចលនាប្រជាធិបតេយ្យសង្គ្រោះជាតិ បានចេញសេចក្តីថ្លែងការណ៏រួមគ្នាមួយ ដោយបានប​ញ្ជាក់គោលជំហ៊រថា គណបក្ស សម​រង្ស៊ី និងគណបក្ស សិទ្ធិមនុស្ស នឹងមិនបញ្ជូន​តំណាងទៅចូលរួមសង្កេតការណ៏ អំពីដំណើរការពិនិត្យបញ្ជីឈ្មោះ និងចុះឈ្មោះបោះឆ្នោត​ឆ្នាំ​២០១២ ដែលនឹងប្រព្រឹត្តទៅចាប់ពីថ្ងៃទី០១ ខែកញ្ញា ដល់ថ្ងៃទី១២ ខែតុលា ឆ្នាំ២០១២ ខាងមុខ​នេះ​ឡើយ ។ ដោយនៅក្នុងសេចក្តីថ្លែងការណ៏រួមនោះបានបញ្ជាក់ទៀតផងដែរថា មកពីគណ​បក្ស​ទាំងពីរមើលឃើញថា នីតិវិធីនៃការចុះឈ្មោះ ការលុបឈ្មោះអ្នកបោះឆ្នោត នៅដដែលអត់​មានការផ្លាស់ប្តូរ ពោលគឺមានភាពសាំញ៉ាំ ដែលបង្កការលំបាក ស្មុគស្មាញដល់​ប្រជាពលរដ្ឋ​ក្នុង​ការទៅពិនិត្យបញ្ជីឈ្មោះ និងចុះឈ្មោះបោះឆ្នោត ។ ឯមន្រ្តី អនុវត្តការងារពិនិត្យបញ្ជីឈ្មោះ និង​ចុះឈ្មោះបោះ​ឆ្នោតនេះ ភាគច្រើនលើសលប់ជាសកម្មជននៃគណបក្សកាន់អំណាច ។

ហេតុដូចនេះហើយ ទើបកាលពីថ្ងៃទី២៥ ខែសីហា ឆ្នាំ២០១២ សមាជិកក្រុមប្រឹក្សា​គណបក្ស សម រង្ស៊ី និងគណបក្ស​ សិទ្ធិមនុស្ស រាជធានី និងខណ្ឌ បានធ្វើការជួបជុំគ្នា​នៅទីស្នាក់​ការ​កណ្តាលរបស់គណ​បក្ស សម រង្ស៊ី ដើម្បី​​ពិភាក្សា​គ្នាលើ​បញ្ហា​នេះក៏ដូចជាបញ្ហាមួយ​ចំនួន​ទៀត ដែល​គណបក្ស​ទាំង​ពីរ​នឹង​ត្រូវធ្វើ​ការរួមគ្នាក្នុង​ក្រប​ខណ្ឌ​ ចលនា​ប្រជាធិបតេយ្យ​សង្គ្រោះ​ជាតិ ។

លោក ហូរ វ៉ាន់ ​ប្រធាន​ក្រុម​​ប្រឹក្សា​​​គណបក្ស សម រង្ស៊ី រាជធានីភ្នំពេញ ដែលដឹកនាំអង្គប្រជុំបាន

ថ្លែងទៅកាន់សមាជិក-សមាជិការ ទាំងពីរគណបក្សដែលបានចូលរួមដោយប​ញ្ជាក់ថា អ្វីដែល​តំណាងគណបក្ស​ទាំងពីរនៅថ្នាក់រាជធានី ជួបគ្នានៅពេលនេះគឺដើម្បីជជែកផ្លាស់ប្តូរ​យោបល់​គ្នា​ទៅវិញទៅមក ​ដោយផ្តោតលើការងារ​ចុះឈ្មោះ និងពិនិត្យបញ្ជីឈ្មោះបោះឆ្នោតនៅថ្ងៃខាងមុខ ។ ដោយត្រូវ​ធ្វើ​យ៉ាងណាគៀងគរ និងណែនាំដល់ប្រជាពលរដ្ឋ ឲ្យចូលរួមទៅចុះឈ្មោះ និងពិ​និត្យ​​បញ្ជីឈ្មោះ នៅតាមការិយាល័យ​នានា ដែលប្រជាពលរដ្ឋកំពុងរស់នៅ ដែលការចុះឈ្មោះ និង​ពិនិត្យបញ្ជី​ឈ្មោះបោះឆ្នោតនឹងប្រព្រឹត្តទៅនៅថ្ងៃទី០១ ខែកញ្ញា រហូតដល់ថ្ងៃទី១២ ខែតុលា ឆ្នាំ​២០១២ ហើយលើសពីនេះទៅទៀត ត្រូវធ្វើអន្តរាគមន៏តាមលទ្ធភាពដែលអាច​ធ្វើ​ទៅបានក្នុង​ករណី មាន​ការគំរាមកំហែង និងបដិសេធការចុះឈ្មោះជូនប្រជាពលរដ្ឋក្នុង​រូបភាពរើសអើង​នយោបាយ ។

លោក ហូរ វ៉ាន់ បានលើកឡើងទៀតផងដែរថា បញ្ហាទី២ គឺការប្រមូលសមាជិកឲ្យមកចូលរួមគាំ​ទ្រគណបក្ស សង្គ្រោះ​ជាតិ ដែលជាគណបក្សថ្មីប្រសូតចេញពីការរួមបញ្ចូលគ្នាជាកម្លាំងតែមួយ រវាងគណបក្ស សម រង្ស៊ី និងគណបក្ស សិទ្ធិមនុស្ស នឹងត្រូវចុះបញ្ជីផ្លូវការនៅក្រសួងមហាផ្ទៃ ដើម្បី​ចូលរួមបោះឆ្នោតថ្នាក់ជាតិជ្រើសរើសតំណាងរាស្រ្តអាណត្តិទី៥ នៅថ្ងៃទី២៨ ខែកក្កដា ឆ្នាំ ២០១៣ ខាងមុខ ។

សូមជំរាបជូនផងដែរថា គណបក្សសង្គ្រោះជាតិ គឺជាសមិទ្ធផល ដែលកើតចេញពីការខិតខំប្រឹង​

ប្រែងរួមគ្នារបស់គណបក្ស​ សម រង្ស៊ី និងគណបក្ស សិទ្ធិមនុស្ស ហើយឥឡូវនេះគណបក្ស​សង្គ្រោះ​ជាតិ បាននិងកំពុងតែធ្វើសកម្មភាពដើម្បីបំពេញទៅតាមលក្ខណ្ឌរបស់ក្រសួងមហាផ្ទៃ ក្នុងការចុះបញ្ជីគណបក្សជាផ្លូវការ ។ ដែលមកដល់ថ្ងៃនេះគណបក្ស សង្គ្រោះជាតិ បានទទួល​ការគាំទ្រពីសំណាក់ប្រជាពលរដ្ឋយ៉ាងច្រើន ក៏ដូចជាអ្នកនយោបាយមកពីគណបក្សផ្សេងៗផង ដែរ ដើម្បីសុំចូលរួមជាមួយគណបក្ស សង្គ្រោះជាតិ ដោយសារតែពួកគាត់មើលឃើញថា មានតែ គណបក្ស សង្គ្រោះជាតិ តែមួយប៉ុណ្ណោះដែលអាចសម្រេចគោលដៅរបស់ពួកគាត់ ដែលពួកគាត់ ចង់បាន ក្នុងការបញ្ចប់អំណាចផ្តាប់ការនៅក្នុងប្រទេសកម្ពុជាបច្ចុប្បន្នដែលបំរើបរទេសឈ្លាន​ពាន មិនគិតពីផលប្រយោជន៏របស់រាស្រ្ត និងមិនគិតពីទុក្ខលំបាករបស់រាស្រ្ត ដែលគិតតែពី​ផល​ប្រ​យោជន៏​របស់ខ្លួន បក្ខពួក និងក្រុមគ្រួសារខ្លួនជាធំនោះ ។

គណបក្ស សង្គ្រោះជាតិ គឺជាសេចក្តីសង្ឃឹមចុងក្រោយតែមួយគត់របស់ប្រជាពលរដ្ឋខ្មែរ ដូចនេះ សូមបងប្អូនប្រជាពលរដ្ឋខ្មែរទាំងក្នុងប្រទេស និងក្រៅប្រទេសទាំងអស់សូមចូលរួមជាមួយគណ​បក្ស សង្គ្រោះជាតិ ដែលមានលោក សម រង្ស៊ី ជាវិរជនស្នេហាជាតិជាប្រធានគណបក្ស និងលោក កឹម សុខា ជាអនុប្រធាន ដែលក្នុងនោះគណបក្ស សង្គ្រោះជាតិ ក៏មានអ្នកនយោបាយជើងចាស់ និងឥស្សរះជននយោបាយឆ្នើមៗរាប់សិបនាក់ទៀតកុំពុងតែស្ថិតនៅជាស្នូលដ៏រាំងមាំរបស់គណ បក្ស សង្គ្រោះជាតិ ៕