ប្រធានចលនាប្រជាធិបតេយ្យសង្គ្រោះជាតិ ជួបពិភាក្សាការងារជាមួយ អ្នកប្រជាធិបតេយ្យអន្តរជាតិ នៅប្រទេសអង់គ្លេស ដោយផ្តោតលើការបោះឆ្នោតនៅកម្ពុជា

លោក សម រង្ស៊ី ដែលបច្ចុប្បន្នជាប្រធានគណបក្ស​ សម រង្ស៊ី និងជាប្រធាន ចលនាប្រជាធិប​តេយ្យ​​សង្គ្រោះជាតិ ក៏ដូចជាប្រធានគណបក្ស​ សង្គ្រោះជាតិ ទៅថ្ងៃអនាគត បាននឹងកំពុងតែ​ទទួលការគាំទ្រពីប្រជាពលរដ្ឋខ្មែរទាំងនៅក្នុងប្រទេស ក៏ដូចជានៅក្រៅប្រទេសផងដែរ ជា​មួយ​គ្នានោះសូម្បីតែថ្នាក់ដឹកនាំកំពូលៗនៅប្រទេសដែលប្រកាន់យករបបប្រជាធិបតេយ្យក៏បាន សម្តែង​ការស្វាគមន៏នូវវត្តមានរបស់លោក សម រង្ស៊ី ជាប្រធាន ចលនាប្រជាធិបតេយ្យសង្គ្រោះ​ជាតិ ក៏ដូចជាប្រធានគណបក្ស សង្គ្រោះជាតិ ទៅថ្ងៃខាងមុខ ព្រោះពួកគាត់ចាត់ទុកថា លោក សម រង្ស៊ី គឺជាវិរជន មួយរួបដែលហ៊ានលះបង់អ្វីៗគ្រប់បែបយ៉ាងដើម្បីជាតិ មាតុភូមិ និង ប្រជា​ពលរដ្ឋ ដោយមិនគិតពីទុក្ខលំបាក ឬការនឿយហត់របស់ខ្លួននោះឡើយ ។

លោក សម រង្ស៊ី កំពុងតែក្លាយទៅជាវិរជនស្នេហាជាតិ ក្នុងក្រអៅបេះដូងរបស់ប្រជាពលរដ្ឋខ្មែរ​ជាងដប់បួនលាននាក់ និងជាមេដឹកនាំកំពូលដ៏ឆ្នើមរបស់ជាតិ ។ ការប្តេជ្ញាចិត្តរបស់លោក សម រង្ស៊ី បានធ្វើឲ្យលោក សម រង្ស៊ី ទទួលបានភាពជោគជ័យដ៏ត្រចះត្រង់​ក្នុងការសង្គ្រោះ​ប្រទេស​ជាតិ​ ពី​កណ្តាប់ដៃអ្នកកាន់អំណាចបច្ចុប្បន្ន ដែលដឹកនាំប្រទេសតាមរបៀបផ្តាច់ការ​ដោយបាន​ធ្វើការរួមបញ្ចូលគ្នាជាសម្លេងតែមួយជាមួយនិងគណបក្ស សិទ្ធិមនុស្ស ទទួលបានភាព​ជោគ​ជ័យ​កាលពីថ្ងៃទី១៧ ខែកក្កដា ឆ្នាំ២០១២ នៅទីក្រុងម៉ានីល ប្រទេសហ្វីលីពីន ដែលការរួម​បញ្ចូល​គ្នា​ជា​សម្លេងតែមួយរវាងគណបក្ស សម រង្ស៊ី និងគណបក្ស សិទ្ធិមនុស្ស ក៏ជាគោលបំណង​ដ៏ធំរបស់​ប្រជាពលរដ្ឋខ្មែរផងដែរ ដែលលោកចង់បានជាយូរណាស់មកហើយនោះ ។

ការបង្កើត ចលនាប្រជាធិបតេយ្យសង្គ្រោះជាតិ គឺមានលោក សម រង្ស៊ី ជាប្រធាន និងលោក កឹម សុខា ជាអនុប្រធាន ហើយក្នុងនោះក៏រួមមានលោកស្រី មូរ សុខហូរ ជាប្រធានលេខាធិការ​រដ្ឋាន លោក យ៉ែម បុញ្ញាឬទ្ធិ ជាអនុប្រធាន រីឯលោក យឹម សុវណ្ណ និងលោក ប៉ុល ហំម ជាអ្នកនាំពាក្យ ។ ការបង្កើត ចលនាប្រជាធិបតេយ្យសង្គ្រោះជាតិ ដោយមានការឯភាពគ្នារវាងគណបក្ស​ សម រង្ស៊ី និងគណបក្ស​ សិទ្ធិមនុស្ស មុននិងការបង្កើត គណបក្ស សង្គ្រោះជាតិ ដោយបានសម្រេច​ចុះ​ហត្ថលេខារួមគ្នាលើសេចក្តីថ្លែងការដែលមានចំ​នួន៥ចំណុចដោយផ្តោតលើ៖ ទី១គណបក្ស សម រង្ស៊ី និងគណបក្ស សិទ្ធិមនុស្ស រួមកម្លាំងគ្នាតែ​មួយ ស្របតា​មឆន្ទះរបស់ប្រជាពលរដ្ឋខ្មែរ ដើម្បី​សង្គ្រោះប្រទេសជាតិឲ្យទាន់ពេលវេលា តាម​រយៈ​ការផ្លាស់ប្តូរនយោបាយ ក្នុង បំណងចញ្ចប់​អំ​ណាចផ្តាប់ការបច្ចុប្បន្នដែលបំរើបរទេស​ឈ្លាន​ពាន ។ ទី២ គណបក្សទាំងពីរ សម្រេចរៀបចំ​បញ្ចូល​គ្នាជាគណបក្សតែមួយដោយបង្កើត​គណបក្សនយោបាយថ្មីមួយ ដែលនឹងមានការចូល

​រួមពីអ្នកប្រជាធិបតេយ្យ និងអ្នកជាតិនិយមដទៃទៀត ដើម្បីនាំមកនូវការដឹកនាំបែបប្រជាធិប​

តេយ្យ ដែលការពារផលប្រយោជន៏ជាតិពិតៗ ។ទី៣ គណបក្សទាំងពីរយល់ឃើញថា ការផ្លាស់

ប្តូរការគ្រប់គ្រងប្រទេសកម្ពុជា ត្រូវប្រព្រឹត្តទៅ​ដោយអហិង្សា តាមរយៈការបោះឆ្នោតដោយ

សេរី ត្រឹមត្រូវ និងយុត្តិធម៌ ។ ក្នុងន័យនេះ​គណ​បក្ស​ទាំង​ពីរ ទាមទារដាច់ខាតឲ្យមានការផ្លាស់

ប្តូរសមាសភាពគណៈកម្មាធិការជាតិ​រៀបចំការបោះ​ឆ្នោត និងឲ្យមានការកែតម្រូវនីតិវិធីដ៏ស្មុគ

ស្មាញ ដែលបង្កការលំបាកដល់​ប្រជាពលរដ្ឋក្នុងការ​បោះឆ្នោត ។ទី៤ គណបក្សទាំងពីរទាមទារ

ដាច់ខាតឲ្យមានការចូលរួមពេញលេញពីប្រធានគណបក្សប្រឆាំង ក្នុងការបោះឆ្នោតដើម្បីឲ្យការ

បោះឆ្នោតខាងមុខនេះមានលក្ខណៈត្រឹមត្រូវទទួលយកបាន ។ ក្នុងន័យនេះគណបក្សទាំងពីរ

ទាមទារឲ្យបញ្ឈប់ការប្រើប្រាស់ប្រព័ន្ធតុលាការ មកគាបសង្កត់អ្នក​នយោបាយស្នេហាជាតិ និង​អ្នកការពារសិទ្ធិសេរីភាពប្រជាពលរដ្ឋ ។ និងនៅ​ចំណុចទី៥នៃសេចក្តីថ្លែងការណ៏រួមបានសម្រេច​ថា គណបក្សទាំងពីរឯភាពគ្នាឲ្យមានកិច្ចសហការ​យ៉ាងជិតស្និទ្ធរវាង​ប្រធាន និងសមាជិក-សមា​ជិ​កា-ក្រុមប្រឹក្សាឃុំ-សង្កាត់ មកពីគណបក្សទាំងពីរ ក្នុងគោលបំណងផ្លាស់ប្តូររបៀបដឹកនាំឃុំ

-​​​សង្កាត់ឲ្យបានប្រសើរឡើង និងលើក​តម្កើន​លិទ្ធិប្រជាធិបតេយ្យនៅថ្នាក់មូលដ្ឋាន ។

ដោយឈរលើស្មារតីនៃសេចក្តីថ្លែងការណ៏រួមរវាងគណបក្ស សម រង្ស៊ី និងគណបក្ស សិទ្ធិមនុស្ស នៅចំណុចទី៣ និងទី៤ ក្នុងការបង្កើត ចលនាប្រជាធិបតេយ្យសង្គ្រោះជាតិ នៅមុនពេល​ឈាន​ទៅ​​បង្កើតគណបក្ស សង្គ្រោះ​ជាតិ បែបនេះហើយ កាលពីថ្ងៃទី២៤ ខែសីហា ឆ្នាំ២០១២ លោក សម រង្ស៊ី បានអញ្ជើញទៅកាន់ទីក្រុងឡុងដ៏ ប្រទេសអង់គ្លេស ដើម្បី​ជួបជាមួយថ្នាក់ដឹកនាំនៃ​​អ្នក

ប្រជាធិបតេយ្យអន្តរជាតិ ។ ហើយនៅក្នុងជំនួបនោះ លោក សម រង្ស៊ី ក៏បានធ្វើការពិភាក្សា​លើ​តួ​នាទីរបស់សហគមន៏អន្តរជាតិ ក្នុង​ការធានាដំណើរការ​បោះ​ឆ្នោត​ដោយសេរី ត្រឹមត្រូវ និង​យុត្តិ​ធម៌​នៅកម្ពុជាក្នុងឆ្នាំ២០១៣ខាងមុខនេះ ។

គួរជំរាបជូនផងដែថា នៅក្នុងសេចក្តីប្រកាសដំណឹងរបស់ អ្នកប្រជាធិបតេយ្យសេរីអន្តរជាតិ បាន​បញ្ជាក់ថា ការលើក​ឡើងរបស់ប្រធានគណបក្សប្រឆាំង អំពីតួនាទីរបស់សហគមន៏អន្តរជាតិ គឺ​ដរាបណាមានការធ្វើ​ទុក្ខបុកម្នេញលើរូបលោក ក្នុងហេតុផលនយោបាយ ដោយមិនចង់ឲ្យលោក​ចូលរួមក្នុងការបោះ​ឆ្នោតឆ្នាំ២០១៣ខាងមុខ វាជាហេតុផល ដែលនឹងធ្វើឲ្យការបោះឆ្នោត​នៅ​កម្ពុជាមិនធានាពី ភាពសេរី ត្រឹមត្រូវ និងយុត្តិធម៌ ឡើយ ។

នៅក្នុងសេចក្តីជូនដំណឹងដដែលក៏បានឲ្យដឹងទៀតផងដែរថា លោក សម រង្ស៊ី បានជំរាបជូន​ទៅ​កាន់​អង្គការអ្នកប្រជា​ធិបតេយ្យអន្តរជាតិ អំពីកិច្ចខិតខំប្រឹងប្រែងរបស់អ្នកប្រជាធិបតេយ្យ​នៅ​កម្ពុជា ក្នុងការរួមបញ្ចូល​គ្នាជាសម្លេងតែមួយ ដើម្បីបង្កើតគណបក្សថ្មី ដែលមានឈ្មោះថា គណ​បក្ស សង្គ្រោះជាតិ ដែលនឹងចុះបញ្ជីរជាផ្លូវការដើម្បីមានសិទ្ធិពេញលេញ ។

សូមជំរាបជូនផងដែរថា នៅក្នុងដំណើរបេសកកម្មរបស់លោក សម រង្ស៊ី ប្រធាន ចលនាប្រជា​ធិប​តេយ្យសង្គ្រោះជាតិ​ ទៅកាន់ក្រុងឡុងដ៏ ប្រទេសអង់គ្លេស ក៏មានការអមដំណើរ​ដោយ​លោកស្រី ជូឡុង សូមួរ៉ា អ្នកតំណាងរាស្ត្រស្រ្តីរបស់គណបក្ស សម រង្ស៊ី មណ្ឌលភ្នំពេញ និងជាភរិយាដ៏​ឆ្នើម​របស់លោក សម រង្ស៊ី វិរជន ស្នេហាជាតិផងដែរ ។ ហើយនៅក្នុងដំណើរបេស​កកម្មការងារ​របស់​លោក សម រង្ស៊ី និងលោកស្រី ជូឡុង សូម៉ូរ៉ា ទៅកាន់ទីក្រុងឡុងដ៏ ប្រទេស​អង់គ្លេស អ្នកទាំង​ពីរ​ក៏នឹងជួបជាមួយអគ្គលេខាធិការនៃអង្គការ អ្នកប្រជាធិបតេយ្យអន្តរជាតិ ដើម្បី​ពិភាក្សាលើបញ្ហា​ដំណើរការ​បោះ​ឆ្នោត​ដោយសេរី ត្រឹមត្រូវ និងយុត្តិធម៌នៅកម្ពុជា នៅឆ្នាំ​២០១៣ នោះផងដែរ ។

សូមជំរាបថាគណបក្ស សង្គ្រោះជាតិ នឹងចូលរួមក្នុងការបោះឆ្នោតឆ្នាំ២០១៣ ខាងមុខ ហើយ​លោក​ សម រង្ស៊ី នៅតែត្រូវបានទទួលការគាំទ្រឲ្យធ្វើជាប្រធានគណបក្ស ពីអ្នកប្រជាធិបតេយ្យ ស្រលាញ់ជាជាតិ មាតុភូមិ និងប្រជាពលរដ្ឋខ្មែរ ។ ដូចនេះ ការបោះឆ្នោតដែលមិនមានវត្ត​មាន​របស់លោក សម រង្ស៊ី ប្រធានគណបក្សប្រឆាំងនៅកម្ពុជានោះ​ នឹងមិនអាចបង្ហាញ​ពីភាព​ត្រឹមត្រូវ សេរី និងយុត្តិធម៌ បានទេ ដែលរដ្ឋាភិបាលកម្ពុជាត្រូវតែធានាថា ការ​ធ្វើទុក្ខបុកម្នេញ​លើ​លោក សម រង្ស៊ី ត្រូវបានបញ្ចប់ហើយស្វាគមន៏នូវការវិលត្រឡប់របស់លោក សម រង្ស៊ី ដើម្បីកា​រ​ប្រកួត​ប្រជែងដោយស្មើភាព សេរី ត្រឹមត្រូវ និងយុត្តិធម៌ ៕