យុជនគឺជាកម្លាំស្នូលនៃការផ្លាស់ប្តូរ និងទម្លុះភាពអយុត្តិធម៌នៅក្នុងសង្គម ក្រោមការដឹកនាំរបស់រដ្ឋាភិបាលដែលមិនគិតផលប្រយោជន៏ជាតិជាធំ

យុវជនគឺជាទំពាំងស្នងឬស្សី ហើយយុវជនក៏ជាស្នូល និងជាឆ្អឹងកងដ៏សំខាន់របស់គណបក្ស នយោបាយនីមួយៗផងដែរ ព្រោះយុវជនគឺជាចរន្តក្នុងការផ្លាស់ប្តូរស្ថានភាព និងស្ថានការណ៏ នៃការគ្រប់គ្រងរបស់រដ្ឋាភិបាល ។

ដោយមើលឃើញពីសារសំខាន់របស់យុវជនទាំងអស់នេះហើយ កាលពីថ្ងៃ១៩ ខែសីហា ឆ្នាំ២០​១២ គណៈកម្មាធិការប្រតិបត្តិយុវជនរបស់គណបក្ស សម រង្ស៊ី លោក សួង សោភ័ណ្ឌ ក្នុង ចល នាយុវជ​នសង្គ្រោះជាតិ បានរៀបចំវេទិការមួយដើម្បីធ្វើការពិភាក្សា និងសួរយោបល់គ្នាទៅវិញ ទៅមកដើម្បីពង្រឹងសមត្ថភាពរបស់យុវជនជុំវិញប្រធានបទ « យុវជននិងសង្គម យុវជន​និង​នយោបាយ » ។

ថ្លែទៅកាន់យុវជនដែលបានចូលរួមក្នុង « វេទិការទស្សនៈយុវជន » លោក សួង សោ​ភ័ណ្ឌ បាន លើកឡើងថា វេទិការទស្សនៈយុវជន គឺចង់ឆ្លុះបញ្ចាំងអំពីទស្សនៈ និងផ្នត់គំនិតដោយចង់ដឹងថា តើសង្គមសព្វថ្ងៃបានបំរើផលប្រយោជន៏អ្វីខ្លះឲ្យយើង  ។ លោក សួង សោភ័ណ្ឌ បន្តថា យុវជន គឺជាកម្លាំងស្នូល នៃការផ្លាស់ប្តូរមេដឹកនាំមួយ ដែលខ្វះលក្ខណៈក្នុងការដឹកនាំ ទៅរកមេដឹកនាំ មួយ ដែលដឹកនាំប្រទេស ឬសង្គមជាតិ ឲ្យប្រជាពលរដ្ឋមានការធូស្រាលក្នុងការគិត ឬ​កង្វល់នូវ បញ្ហាផ្សេងៗ ។

ប្រធានប្រតិបត្តិចលនាយុវជន សម រង្ស៊ី លោក សួង សោភ័ណ្ឌ បានបន្តទៀតថា មេដឹកនាំត្រូវ ផ្តោតទៅលើអត្ថន័យបី គឺមេដឹកនាំក្នុងន័យសេដ្ឋកិច្ច មេដឹកនាំក្នុងន័យនយោបាយ និងមេដឹកនាំ ក្នុងន័យសង្គម ។ លោកថា មេដឹកនាំក្នុងន័យសេដ្ឋកិច្ច គឺជាស្ថាបនិកក្នុងការបង្កើនប្រាក់ចំណូល ជូនប្រជាពលរដ្ឋទូទៅ ចំណែកឯមេដឹកនាំក្នុងន័យនយោបាយ គឺមេដឹកនាំដែលដោះស្រាយរាល់ កង្វល់ទាំងឡាយណារបស់ប្រជាពលរដ្ឋទូទៅ រីឯមេដឹកនាំក្នុងន័យសង្គម គឺផ្តោតទៅលើ មេដឹក នាំរូបណាដែលដឹកនាំក្រុម ឬប្រជាពលរដ្ឋដើរលើផ្លូវត្រូវ ។ លោកបានបន្តថា អ្វីដែលគណៈ​កម្មា​ធិ​ការប្រតិបត្តិយុវជនរបស់គណបក្ស សម រង្ស៊ី បានរៀបចំឡើងនៅពេលនេះ ជាគោលការណ៏​ដើម្បីផ្តល់នូវបទពិសោធន៏ឲ្យគ្នាទៅវិញទៅមក និងដើម្បីតំរង់ខ្លួនយើង ដែលជាអ្នកបន្តវេន និង​ដើម្បីឲ្យយុវជនមានសិទ្ធិពេញលេញដើម្បីចូលរួមក្នុងឆាកនយោបាយ ហើយតួនាទីយុវជន​សំខាន់​​ណាស់​ គឺជាអ្នកបន្តវេនពីអ្នក​នយោបាយ មិនមែនជាអ្នកបំរើនយោបាយ​នោះ​ទេ ។

ចំណែកឯយុវជន ម៉ូវ ប៊ុនឆាយ ដែលបានចូលរួមក្នុង វេទិការទស្សនៈយុវជន បានលើកឡើងថា យុវជនភាគច្រើនគឺមិនបានស្វែងយល់ពីរឿងនយោបាយនោះទេ ហើយយុវជនដែលគិតអំពីជាតិ គឺមិនត្រូវបានគេផ្តល់សិទ្ធិសេរីភាពពេញលេញក្នុងការស្វែងយល់ពីនយោបាយ ឬ ក៏បញ្ហាព្រំ​ដែន​នោះឡើយ ។ យុវជន ម៉ូវ ប៊ុនឆាយ បានលើកឡើងទៀតថា សង្គមកម្ពុជាបច្ចុប្បន្ននេះគឺគេកំពុង​តែបានពង្វក់យុវជន យុវនារី មិនឲ្យដឹងពីប្រវត្តិសាស្រ្តឲ្យបានពេញលេញ ឬអ្វីដែលបានកើតមាន នៅក្នុងសង្គមពិតៗនិងជាក់ស្តែងនោះឡើយ ដោយគេបាននឹងកំពុងតែពង្វក់យុវជនឲ្យគិតតែពី ការសប្បាយ ហ៊ឺហា ផឹកស៊ី ស្រីស្រាជាដើម រួមជាមួយនិងការបើកឲ្យហូរចូលនៃវប្បធម៌បច្ចឹមប្រ ទេសឲ្យចូលមកក្នុងប្រទេសកម្ពុជា ដើម្បីឲ្យយុវជនគិតតែពីបញ្ហាសប្បាយភ្លើតភ្លើនទាំងអស់​នោះ​ ។

ជាចុងក្រោយ យុវជន ម៉ូវ ប៊ុនឆាយ ក៏បានធ្វើការផ្តាំផ្ញើរទៅដល់យុវជន ក៏ដូចជាប្រជាពល​រដ្ឋ​ខ្មែរ​ទាំងអស់ថា ប្រសិនបើលោកអ្នកស្រលាញ់ជាតិ មាតុភូមិ ទឹកដីរបស់យើងសូមកុំភ្លេចនៅថ្ងៃទី០១ ខែកញ្ញា ឆ្នាំ២០១២ សូមអញ្ជើញទៅចុះឈ្មោះបោះឆ្នោត និងពិនិត្យបញ្ជីឈ្មោះទាំងអស់​គ្នា ដើម្បី​ឲ្យយើងមានសិទ្ធិពេញលេញក្នុងការចូលរួមបោះឆ្នោតជ្រើសរើសតំណាងដែលខ្លួន​ពេញ​ចិត្ត សម្រាប់មកដឹកនាំប្រទេសជាតិរបស់យើង ជៀសវាឲ្យជនបរទេសមកបោះឆ្នោតសម្រេចជោគ​វាស​នាអនាគតប្រទេសជាតិ ជំនួសយើងដែលជាប្រជាពលរដ្ឋខ្មែរ ហើយការបោះឆ្នោតនឹង​ប្រ​ព្រឹត្តទៅនៅថ្ងៃទី២៨ ខែកក្កដា ឆ្នាំ២០១៣ ខាងមុខនេះ ។

សូមជំរាបជូនផងដែរថា « វេទិការទស្សនៈយុវជន » ធ្វើឡើងក្នុងគោលបំណងដើម្បីលើកស្ទួយ យុវជនគ្រប់រូបឲ្យមានឱកាសក្នុងការបញ្ចេញទស្សនៈ និងការយល់ឃើញប្លែកៗពីសង្គម ទាំងក្នុង បរិយាកាសគ្រួសារ និងបរិយាកាសខាងក្រៅផងដែរ ។ រីឯបរិយាកាសខាងក្រៅនេះទៀតសោត រួមមានសកម្មភាព ឬ ហេតុការណ៏ផ្សេងៗដែលបានកើតមានឡើងនៅក្នុងប្រទេសរបស់យើង ហើយយកមកធ្វើការប្រៀបធៀបជុំវិញពិភពលោកទាំងមូលដោយផ្តោតទៅលើយុវជនជាពិសេស ។

លើសពីនេះទៅទៀត « វេទិការទស្សនៈយុវជន » ក៏មានគោលបំណងជាពិសេសក្នុងកាតពង្រឹង

សមត្ថភាព ស្មារតី ការទទួលខុសត្រូវ សេចក្តីអង់អាចក្លាហាន ភាពជាអ្នកដឹកនាំក្នុងការចូលរួម ក្នុងកិច្ចការងារសង្គម ដើម្បីបង្កើតសង្គមមួយដែលសម្បូរទៅដោយធនធានមនុស្សយ៉ាងពិតប្រា កដ និងជាចលករដ៏សំខាន់សម្រាប់ការអភិវឌ្ឍន៏ប្រទេសជាតិទាំងមូលឲ្យកាន់តែមានភាពរីក​ចម្រើន ដើម្បីប្រគួតប្រជែងលើឆាកអន្តរជាតិ ក៏ដូចជាទូទាំងពិភពលោកផងដែរ ។ ហើយវាក៏ជា កត្តាលីករដ៏សំខាន់ផងដែរសម្រាប់ជាស្ពានចម្លងយុវជនជំនាន់ក្រោយ ឬជាគំរូសម្រាប់ជាតិឲ្យ ដល់ត្រើយនៃភាពរីកចម្រើន និងឃ្លាតចាកឆ្ងាយពីក្តីមហន្តរាយផ្សេងៗផងដែរ ។

ដូច្នេះក្នុងនាមយើងជាយុវជនជំនាន់ថ្មី គម្បីធ្វើជាកែវមួយដែលមិនមានទឹកពេញទុកសម្រាប់ធ្វើ ការចាក់បំពេញឲ្យមានលំនឹង និងទុកប្រើប្រាស់ជាប្រយោជន៏សម្រាប់ខ្លួនឯងជាពិសេសបន្ត

មរតក ដ៏ថ្លៃថ្លាដល់យុវជនជំនាន់ក្រោយ ។ ត្រង់ចំណុចនេះមានន័យថា ដើម្បីឲ្យខ្លួនយើងក្លាយ ជាបុគ្គលម្នាក់ដែលពោរពេញទៅដោយសមត្ថភាព នឹងសេចក្តីថ្លៃថ្នូរក្នុងសង្គម គឺមិនគម្បីតាំងខ្លួន ជាអ្នកចេះអស់នូវអ្វីៗគ្រប់យ៉ាងនោះឡើយ ប៉ុន្តែចូរត្រង់ត្រាប់នូវអ្វីដែលថ្មី ប្លែក ជាបន្តបន្ទាប់ ព្រោះ​ថាចំណេះដឹងគឺគ្មានទីបញ្ចប់នោះទេ កាន់តែរៀនស្វែងយល់ គឺកាន់តែដឹងខ្លួនឯងមិនចេះ

កាន់តែច្រើន ។

ដូចនេះតាមការរៀបរាប់មកខាងលើ គណៈកម្មាធិការប្រតិបត្តិយុវជន សម រង្ស៊ី  ក្នុងចលនាយុវ​ជន​សង្គ្រោះជាតិ សង្ឃឹមថាប្រទេសកម្ពុជារបស់យើង នឹងក្លាយទៅជាប្រទេសមួយដែលពោរ​ពេញទៅដោយធនធានមុនស្សយ៉ាងពិតប្រាកដ ក្នុងការជម្រុញឲ្យប្រទេសកម្ពុជាក្លាយទៅជានីតិ រដ្ឋ ដ៏ពេញលេញនឹងឈានដល់ចក្ខុវិស័យអាស៊ានឆ្នាំ២០១៥ ខាងមុខ ៕