បន្ទាប់ពីមានរឿងវ៉ាវប្រព្រឹត្តអំពើពុករលួយមិនចេះឈប់ឈរនៅក្នុងទឹកដីនៃខេត្តកំពង់ធំ
ជាថ្មីម្តង ទៀតបើតាមសេចក្តីរាយការណ៏មកបានឲ្យដឹងថា មន្ត្រីឃុំបឹងល្វា ស្រុកសន្ទុក
ខេត្តកំពង់ធំ មកពី គណបក្សប្រជាជន បាននឹងកំពុងតែនាំគ្នាប្រព្រឹត្តអំពើពុករលួយ គាបសង្កត់ប្រជាពលរដ្ឋដែលទៅធ្វើសំបុត្រកំណើត
និង លិខិតបញ្ជាក់សំបុត្រកំណើតគឺមានតម្លៃថ្លៃរហូតដល់ទៅពីរម៉ឺនរៀលក្នុងមួយច្បាប់ ។
ប្រជាពលរដ្ឋដែលទទួលរងនូវភាពអយុត្តិធម៌
ចំពោះការប្រព្រឹត្តអំពើពុករលួយរបស់មន្រ្តីឃុំមកពី គណបក្សប្រជាជនខាងលើ
តំណាងឲ្យប្រជាពលរដ្ឋជាច្រើនរូបទៀតនៅក្នុងឃុំបឹងល្វា
បានប្រាប់ក្នុងល័ក្ខណ្ឌសុំមិនបញ្ចេញឈ្មោះឲ្យដឹងថា
នៅពេលដែលពួកគាត់ជាប្រជាពលរដ្ឋរស់នៅទូទាំង ឃុំបឹងល្វា
នាំគ្នាទៅធ្វើសំបុត្រកំណើតឲ្យកូន និងធ្វើលិខិតបញ្ជាក់សំបុត្រកំណើត
ដើម្បីឲ្យកូនយកមកធ្វើការងាររោងចក្រ និងសម្រាប់ប្រើប្រាស់ការងារផ្សេងៗទៀតក្នុងតម្រូវការចាំបាច់
ស្រាប់តែស្មៀនឃុំឈ្មោះ សែម ភេទ មកពីគណបក្សប្រជាជន បានតម្រូវឲ្យពួកគាត់ជាប្រជាពលរដ្ឋរស់នៅក្នុងឃុំបង់ប្រាក់ក្នុងម្នាក់ចំនួនពីរម៉ឺនរៀល
ដោយមិនប្រាប់ពីមូលហេតុគ្រាន់តែបញ្ជាក់ថានេះគឺជាការកំណត់ ប្រសិនបើពលរដ្ឋណាមិនបង់ឲ្យគេតាមការកំណត់តម្លៃខាងលើនេះទេ
គឺគេមិនធ្វើសំបុត្រកំណើត ឬលិខិតបញ្ជាក់សំបុត្រកំណើតឲ្យពលរដ្ឋនោះឡើយ ។
ប្រភពខាងលើបានបន្តទៀតថា គាត់មានកូនដល់ទៅប្រាំនាក់
ដូច្នេះគាត់ត្រូវចំណាយប្រាក់លើការធ្វើលិខិតបញ្ជាក់សំបុត្រកំណើតឲ្យកូនរបស់គាត់អស់ចំនួនដប់ម៉ឺនរៀល
ដែលតម្លៃនេះគឺថ្លៃ ណាស់សម្រាប់ពួកគាត់ដែលជាប្រជាពលរដ្ឋក្រីក្រ
ពួកគាត់មិនមានប្រាក់ពីណាសម្រាប់យកមក
ធ្វើលិខិតបញ្ជាក់សំបុត្រកំណើតឲ្យកូនរបស់គាត់ទេ ។ ហេតុដូចនេះហើយគាត់បានធ្វើឲ្យកូនតែ
ពីរនាក់ប៉ុណ្ណោះ
ព្រោះកូនស្រីរបស់ពួកគាត់ទាំងពីរត្រូវមករកការងារធ្វើជាកម្មការីនីរោងចក្រកាត់ ដេរ ។
សេចក្តីរាយការណ៏ពីប្រជាពលរដ្ឋខាងលើបានបន្តឲ្យដឹងទៀតថា
ឥឡូវគឹមានការចុះតម្លៃបន្តិច
បន្ទាប់ពីមានអន្តរាគមន៏ពីជំទប់ទី២របស់គណបក្ស សម រង្ស៊ី
គឺនៅតម្លៃមួយម៉ឺនប្រាំពាន់រៀល ។
គាត់ថាបើទោះបីជាមានការចុះតម្លៃប្រាំពាន់រៀលក្តី ក៏តម្លៃនេះនៅតែថ្លៃសម្រាប់ពួក
គាត់ដែលជាប្រជាពលរដ្ឋក្រីក្រដដែល ដែលឥឡូវនេះស្មៀនឃុំឈ្មោះ សែម ភេទ
បានផ្ទេរការងារនេះមកឲ្យក្រុមប្រឹក្សាឃុំវិញម្តងដែលជាមនុស្សរបស់គណបក្សប្រជាជនដដែលដែលមានឈ្មោះហៅក្រៅដែលគេស្គាល់គ្រប់គ្នាថា
« យាយ នី » ។
សេចក្តីរាយការណ៏ពីប្រជាពលរដ្ឋខាងលើបានឲ្យដឹងទៀតថា រហូតមកដល់ពេលនេះនៅមិនទាន់
មានសមត្ថកិច្ច ឬស្ថាប័នដែលពាក់ព័ន្ធចំពោះករណីខាងលើ ចុះប្រតិបត្តការចំពោះករណីប្រព្រឹត្ត
អំពើពុករលួយរបស់មន្រ្តីឃុំមកពីគណបក្សប្រជាជននៅឡើងទេ បើទោះបីជាមានអន្តរាគមន៏ពី
ជំទប់ទី២ឃុំបឹងល្វា របស់គណបក្ស សម រង្ស៊ី ក៏ដោយ ។ លោកថាពេលនេះប្រជាពលរដ្ឋនៅទូ
ទាំងឃុំបឹងល្វាទាំងមូល គឺនៅមិនទាន់មានលិខិតបញ្ជាក់សំបុត្រកំណើតច្រើនណាស់ ដោយសារ
តែពួកគាត់គ្មានលុយបុងឲ្យឃុំទើបពួកគាត់មិនទៅធ្វើលិខិតបញ្ជាក់សំបុត្រកំណើតបែបនេះ ។
លោកបន្តថា កាលពីរដូវដែលមន្រ្តីប៉ូលីសចុះធ្វើអត្តសញ្ញាណប័ណ្ណប្រជាពលរដ្ឋដែលមិនមាន
សំបុត្រកំណើតដើម្បីធ្វើអត្តសញ្ញាណប័ណ្ណ នៅពេលដែលពួកគាត់ទៅធ្វើនៅសាលាឃុំគឺត្រូវបាន
មន្រ្តីទាំងនោះជំរិតទារពីប្រជាពលរដ្ឋ ជាពិសេសគឺកម្មករ-កម្មការីនី
ក្នុងម្នាក់ចំនួនពីរម៉ឺនប្រាំពាន់ រៀល ។
តំណាងប្រជាពលរដ្ឋខាងលើបានបន្តថា
សព្វថ្ងៃនេះពួកគាត់អស់ជំនឿលើមន្រ្តីឃុំបឹងល្វា មកពី គណបក្សប្រជាជនទាំងអស់នោះហើយ
ព្រោះពួកគេទាំងអស់នោះធ្វើការមិនបំរើរាស្រ្តដូចជាការ
សន្យារបស់ពួកគេនៅមុនពេលបោះឆ្នោតក្រុមប្រឹក្សាឃុំ-សង្កាត់ឡើយ បែជាមកជំរិតទារប្រាក់ពី
ប្រជាពលរដ្ឋក្រីក្របែបនេះទៅវិញ ហើយពួកគាត់មិនមានជំនឿថាមានការអភិវឌ្ឍន៏នៅក្នុងឃុំ
នេះទេ បើមន្រ្តីទាំងអស់នោះនាំគ្នាប្រព្រឹត្តអំពើពុករលួយបែបនេះហើយនោះ ដែលការចូល
កាន់ដំណែងមិនបានដល់ពីរខែផងនោះ ។
ចំណែកឯជំទប់ទី២ ឃុំបឹងល្វា មកពីគណបក្ស សម រង្ស៊ី បានមានប្រសាសន៏ទាំងហួសចិត្តថា
រាល់ថ្ងៃនេះគាត់មានឈ្មោះតែជំទប់ទី២តែប៉ុណ្ណោះ រីឯការងារនៅក្នុងសាលាឃុំវិញគឺទំនេរ
ព្រោះ រឿងធ្វើលិខិតសាធារណៈ ឬសំបុត្រកំណើត និង
លិខិតបញ្ជាក់សំបុត្រកំណើតនេះគឺជាតួនាទីរបស់លោកធ្វើ
តែឥឡូវមន្រ្តីឃុំដែលកូតាមកពីគណបក្សប្រជាជនគេបានដណ្តើមការងាររបស់លោកធ្វើអស់ហើយ
ដោយមិនឲ្យលោករវីរវល់ចំពោះកិច្ចការងារនោះឡើយ ។ លោកថាមូលហេតុ គឺមកពី
ពូកគេយកតួនាទីរបស់លោកទៅធ្វើជាប្រភពចំណូលសេដ្ឋកិច្ចសម្រាប់ការប្រព្រឹត្ត
អំពើពុករលួយ ធ្វើមានបានសម្រាប់ក្រុម និងបក្ខពួករបស់ពួកគេ
ដោយមិនគិតគូរពីផលលំបាក
របស់ប្រជាពលរដ្ឋនោះឡើយ ។
ចំណែលឯមន្រ្តីក្រុមប្រឹក្សាខេត្តជាប់ឆ្នោតមកពីគណបក្ស សម រង្ស៊ី លោក ស៊ុន ធុន
បានមានប្រ
សាសន៏ពាក់ព័ន្ធទៅនិងការប្រព្រឹត្តអំពើពុករលួយរបស់មន្រ្តីឃុំបឹងល្វាមកពីគណបក្ស
ប្រជាជន ខាងលើថា នេះគឺជាការប្រព្រឹត្តអំពើពុករលួយមួយយ៉ាងខ្លាំង
ដែលមន្រ្តីទាំងអស់នោះបានធ្វើខុសទៅនិងច្បាប់ទាំងស្រុងក្នុងនាមខ្លួនជាអាជ្ញាធរឃុំ ។
ហើយចំពោះករណីខាងលើនេះលោកសុំឲ្យជំទប់ទី២ឃុំបឹងល្វា មកពីគណបក្ស សម រង្ស៊ី
និងប្រជាពលរដ្ឋដែលរស់នៅក្នុងឃុំបឹងល្វាទាំងមូលធ្វើលិខិតជាលាយល័ក្ខអក្សរ ជាពាក្យបណ្តឹងមកសាលាខេត្ត
សាលាស្រុក ជាពិសេសគឺអង្គភាពប្រឆាំងអំពើពុករលួយ ដើម្បីឲ្យស្ថាប័នប្រឆាំងអំពើពុករលួយធ្វើការស៊ើបអង្កេតចំពោះទង្វើពុករលួយរបស់មន្រ្តីឃុំបឹងល្វា
មកពីគណបក្សប្រជាជននោះ ។លោកបន្តថាបញ្ហាមួយទៀតគឺមន្រ្តី
ឃុំរបស់គណបក្សប្រជាជនទាំងនោះត្រូវតែប្រគល់តួនាទីមកជំទប់ទី២ឃុំបឹងល្វាដែលមកពីគណបក្ស
សម រង្ស៊ី វិញដើម្បីឲ្យលោកធ្វើការងារបំរើប្រជាពលរដ្ឋក្នុងតួនាទីរបស់លោក ដែលជាប់ឆ្នោតក្រោមការគាំទ្រ
និងពេញចិត្តពីសំណាក់ប្រជាពលរដ្ឋនៅក្នុងឃុំ ។ លោកថាអ្វីដែលសំខាន់
គឺមន្រ្តីឃុំមកពីគណបក្សប្រជាជនទាំងនោះត្រូវតែបិទ ឬសរសេរតារាងព័ត៌មានឲ្យមានតម្លាភាព
ចំពោះតម្លៃសេវារបស់រដ្ឋដែលបានកំណត់ដាក់នៅមុខសាលាឃុំ ក្នុងតារាងព័ត៌មានរបស់ឃុំ
ដើម្បីឲ្យប្រជាពលរដ្ឋលោកបានជ្រាបចំពោះថ្លៃសេវ៉ា និងព័ត៌មានផ្សេងៗរបស់ឃុំ ។
ដូចនេះលោក ឈុន ឈន អភិបាលខេត្តកំពង់ធំ លោក ឱម យិនទៀង ប្រធានអង្គភាពប្រឆាំង
អំពើពុករលួយ ជាពិសេសលោករដ្ឋមន្រ្តីក្រសួងមហាផៃ ស ខេង
ត្រូវតែចាត់វិធានការចំពោះការប្រព្រឹត្តអំពើរពុករលួយ
និងការប្រព្រឹត្តទង្វើប្រាសចាកខុសច្បាប់ទាំងស្រុងរបស់មន្រ្តីឃុំបឹងល្វា
មកពីគណបក្សប្រជាជន ឲ្យបានឆាប់នឹងទាន់ពេលវេលា ជៀសវាងកុំឲ្យប្រជាពលរដ្ឋទទួលរង
នូវភាពអយុត្តិធម៌ និងរងគ្រោះពីការប្រព្រឹត្តអំពើពុករលួយរបស់មន្រ្តីពុករលួយខិលខូចទាំងអស់នោះទៀត
។
ចំណែកឯអ្នកច្បាប់បានលើកឡើងថា
ប្រជាពលរដ្ឋដែលមានអាយុចាប់ពីថ្ងៃកើតដល់មួយខែ ការធ្វើសំបុត្រកំណើតមានតម្លៃសេវាមួយទំព័របួនរយរៀល
ហើយបើធ្វើអាយុលើសពីមួយខែ ត្រូវពិន័យចំនួនប្រាំពាន់រៀល
ហើយសម្រាប់សេចក្ដីចំលងសំបុត្រកំណើតមួយទំព័របីរយរៀល សេចក្តីចំលងលិខិតអាពាហ៏ពិពាហ៏មួយទំព័រតម្លៃប្រាំរយរៀល ហើយប្រសិនបើមន្ដ្រីណាដែលយកថ្លៃសេវាលើសពីនោះ គឺចាត់ទុកថាជាការប្រព្រឹត្តិអំពើពុករលួយហើយ ៕
No comments:
Post a Comment
yes