បណ្តាញសហគមន៍ព្រៃឡង់ ធ្វើដំណើរ​តាមម៉ូតូចូលព្រៃឡង់​ ដើម្បីល្បាត និងរុករកបទល្មើស

សេចក្តីប្រកាសព័ត៌មាន

បណ្តាញសហគមន៍ព្រៃឡង់ នៅក្នុងស្រុកសណ្តាន់ ខេត្តកំពង់ធំ ​រាប់រយនាក់ នឹង​ធ្វើដំណើរ​តាមម៉ូតូចូលទៅក្នុងព្រៃឡង់​ រយៈពេល៣ថ្ងៃ ចាប់ពីថ្ងៃ១៣ ខែសីហា ឆ្នាំ២០១២រហូតដល់ថ្ងៃ១៥ ខែសីហា ​ឆ្នាំ២០១២ ដើម្បីល្បាត និងរុករកបទល្មើស ប្រមូលវត្ថុតាងល្មើសច្បាប់ដាក់ជូនរដ្ឋាភិបាល ដើម្បីវែកមុខជនល្មើស​និងជួយការពារធនធានធម្មជាតិរបស់ប្រទេស។

          បទល្មើសដែលពួកគាត់បា​នដឹង គឺ​បច្ចុប្បន្ននេះ ក្នុងព្រៃឡង់ ចំណុចឃុំដងកាំបិតមានការកាប់​ព្រៃ​ស្រោង​រាប់រយហិកតា រានយកដីធ្វើចំការហើយ ជនល្មើសគឺជាមន្ត្រីប្រដាប់អាវុធក្នុងខេត្តនេះ។

          ក្រៅពីការកាប់ព្រៃរានយកដី ក៏មានបទល្មើសកាប់ឈើកំពុង​កើតឡើងយ៉ាងធ្ងន់ធ្ងរ​​ក្នុង​មួយ​ថ្ងៃៗ មានគោយន្តរ ទេះគោមិនតិចជាង៣០គ្រឿងទេ ដែល ចូលព្រៃកាប់ឈើ និងមានរណាយន្តអាឈើឮ​រំពងពេញ​ព្រៃ។ ​ទាំងអស់នេះគឺផ្ទុយគ្នាពីការបញ្ជាក់របស់អភិបាលរងខេត្តកំពង់ធំថាពុំមាន​បទល្មើស​កើត​ឡើង​នៅតំបន់នោះ។

ព័ត៌មានបន្ថែមសូមទំនាក់ទំនងៈ

លោក ឈឹម សាវុធ

ទូរសព្ទ័លេខ ០១២ ៨៩​៩៨ ៥៨ / ០៨៨ ៩៩៦ ៩២៤១

លោក ហឿន សុភាព

ទូរសព្ទ័ ០១២​ ៣៥ ៦០ ៤៣ 

លោកជុំ យ៉ិន

ទូរសព្ទ័០៧៧ ៦៩ ៥៥ ១៧