រដ្ឋមន្រ្តីក្រសួងមហាផ្ទៃ ស ខេង
អំពើពុករលួយនៅក្នុងប្រទេសកម្ពុជា កំពុងតែចាក់ឬសយ៉ាងជ្រៅនៅក្នុងសង្គមកម្ពុជាបច្ចុប្បន្ន
ដោយពុំមានការថមថយនោះឡើយ
បើទោះបីជាច្បាប់ប្រឆាំងអំពើពុករលួយបានដាក់ឲ្យប្រើប្រាស់ជាធរមានហើយក្តី ។
ជាមួយគ្នានោះការចុះធ្វើអត្តសញ្ញាណប័ណ្ណពីសំណាក់មន្រ្តីមានសមត្ថកិច្ច
ក៏បានឃុំឃិតគ្នាប្រព្រឹត្តអំពើពុករលួយផងដែរ នៅស្ទើរគ្រប់ទីកន្លែង
ដែលមានលក្ខណៈជាប្រព័ន្ធ ដោយពួកគេគ្មាន ខ្លាចញញើតនិងច្បាប់សូម្បីតែបន្តិច
ដែលករណីនេះលោករដ្ឋមន្រ្តីក្រសួងមហាផ្ទៃ ស ខេង ត្រូវ
តែចាត់វិធានការជាបន្ទាន់ចំពោះមន្រ្តីសមត្ថកិច្ចដែលឃុំឃិតគ្នាប្រព្រឹត្តអំពើពុករលួយធ្វើបាបរាស្រ្ត
បែបនេះ ។
បើយោងតាមសេចក្តីរាយការណ៏ពីប្រជាពលរដ្ឋរស់នៅក្នុងស្រុកបាភ្នំ ខេត្តព្រៃវែង មកបានឲ្យដឹងថា ការចុះធ្វើអត្តសញ្ញាណប័ណ្ណជូនពលរដ្ឋ ពីសំណាស់សមត្ថកិច្ចនៅក្នុងស្រុកបាភ្នំ ខេត្តព្រៃវែង
គឺបានប្រព្រឹត្ត អំពើពុករលួយដោយបានតម្រូវឲ្យពលរដ្ឋបង់ប្រាក់ចាប់ពីប្រាំពាន់រៀល ទៅដល់ពីរម៉ឺនរៀលក្នុងម្នាក់ៗ ។
ប្រភពខាងលើបានបន្តថា
ការប្រព្រឹត្តអំពើពុករលួយពីសំណាក់សមត្ថកិច្ចដោយជុំរិតទាលុយពីប្រ ជាពលរដ្ឋក្នុងការធ្វើអត្តសញ្ញាណប័ណ្ណនេះ គឺគេបានរៀបចំឡើងដែលមានលក្ខណៈជាប្រព័ន្ធ ដោយនៅអធិការស្រុក ដែលជាទីកន្លែងធ្វើអត្តសញ្ញាណប័ណ្ណជូនពលរដ្ឋនោះ គឺគេមិនបានជំរិតទាប្រាក់ពីប្រជាពលរដ្ឋនោះទេ ប៉ុន្តែប្រជាពលរដ្ឋដែលបានចូលទៅធ្វើអត្តសញ្ញាណប័ណ្ណនៅទី នោះបានប្រាប់ថា នៅទីតាំងដែលត្រូវធ្វើអត្តសញ្ញាណប័ណ្ណនោះ គឺមិនមានក្រដាសឯកសារគ្រប់គ្រាន់ឡើយ ហើយពួកគាត់ដែលចង់បានឯកសារ
ដូចជាក្រដាសបំពេញសំរាប់ថតរូប ឬធ្វើ
លិខិតបញ្ជាក់ផ្សេងៗ
ត្រូវទៅទិញនៅផ្ទះរបស់អធិការស្រុកបាភ្នំឈ្មោះ
កែវ សារឿន ហើយឯក
សារមួយចំនួនទៀតត្រូវទៅទិញនៅផ្ទះរបស់មន្ត្រីប៉ូលីសឈ្មោះ អ៊ុច សុខា និងផ្ទះរបស់មន្ត្រីប៉ូលីសម្នាក់ទៀត ដែលពលរដ្ឋស្គាល់ឈ្មោះថា ម៉ាប់ ។ ប្រភពខាងលើបានបន្តថា ប្រសិនបើប្រជាពលរដ្ឋរូបណា មិនទៅទិញឯកសារតាមទីតាំងផ្ទះរបស់មន្រ្តីប៉ូលីសខាងលើ
ដែលគេបានរៀបចំទុកនោះទេ ពួកគាត់មិនអាចធ្វើអត្តសញ្ញាណប័ណ្ណពលរដ្ឋខ្មែរបានឡើយ ព្រោះមូលហេតុដោយសារតែពួកគាត់មិនមាន ឯកសារគ្រប់គ្រាន់សម្រាប់ធ្វើអត្តសញ្ញាណប័ណ្ណ
។
ទាក់ទងទៅនិងការប្រព្រឹត្តអំពើពុករលួយរបស់សមត្ថកិច្ចស្រុកបាភ្នំ ខេត្តព្រៃវែង
ខាងលើនេះ ជំទប់ទី២របស់គណបក្ស សម រង្ស៊ី ឃុំស្ពឺក ស្រុកបាភ្នំ ខេត្តព្រៃវែង លោក ថៅ ថាក បានប្រាប់ឲ្យដឹងថា ប្រជាពលរដ្ឋដែលទៅទិញក្រដាសឯកសារនៅផ្ទះរបស់អធិការស្រុក
ឬផ្ទះរបស់លោក អ៊ុច សុខា ត្រូវគេតំរូវឲ្យបង់ប្រាក់
ឬហៅថាជាការទិញឯសារក្នុងការធ្វើអត្តសញ្ញាណប័ណ្ណនោះ គឺគេបានតម្រូវឲ្យបង់ចាប់ពីប្រាំពាន់រៀល
រហូតដល់ពីរម៉ឺនរៀលមែន ។
ជំទប់ទី២របស់គណបក្ស សម រង្ស៊ី បានឲ្យដឹងបន្តទៀតផងដែរថា ផ្ទះរបស់លោកអធិការស្រុក កែវ សារឿន គឺនៅក្នុងភូមិស្វាយទក ឃុំស្ពឺក ស្រុកបាភ្នំ ឯផ្ទះរបស់មន្ត្រីប៉ូលីសឈ្មោះ អ៊ុចសុខា គឺនៅភូមិស្នួល ឃុំស្ពឺក ស្រុកបាភ្នំ ដែលជាទីតាំងដាច់ដោយឡែកពីគ្នា
ពីទីតាំងធ្វើអត្តសញ្ញាណប័ណ្ណជូនពលរដ្ឋ ។លោក ថៅ ថាក
ជំទប់ទី២របស់គណបក្ស សម រង្ស៊ី បានប្រាប់ទៀតថា
ការចាប់ផ្តើមធ្វើអត្តសញ្ញាណប័ណ្ណជូនប្រជាពលរដ្ឋនៅក្នុងស្រុកបាភ្នំ ខេត្តព្រៃវែងនេះ គឺចាប់ផ្តើម
ឡើងតាំងពីខែកក្កដាមកម្លេះ ដែលពេលនេះគឺជិតចប់ទៅវិញហើយ ប៉ុន្តែដោយសារតែមានការរំខានដូចជាតំរូវឲ្យបង់ប្រាក់ និងការរងចាំយូរខាតបង់ពេលវេលារបស់ពួកគាត់ដែលជារដូវធ្វើស្រែ
ចំការ បានធ្វើឲ្យប្រជាពលរដ្ឋមួយចំនួនធំ ក៏ដូចជាកម្មកររោងចក្រកាត់ដេរ នៅមិនទាន់បានធ្វើអត្តសញ្ញាណប័ណ្ននៅឡើយទេ ។
ចំណែកឯលោក ទៀប ហឿង
សមាជិកក្រុមប្រឹក្សាស្រុកបាភ្នំ របស់គណបក្ស សម រង្ស៊ី ខេត្តព្រៃវែង ក៏បានបញ្ជាក់ប្រាប់ផងដែរថា រឿងនេះលោកក៏បានទទួលពត៌មានពីប្រជាពលរដ្ឋផងដែរ ។ ហើយវាដូចនឹងអ្វីដែលលោក ថៅ ថាត
ជំទប់ទី២
បានលើកឡើង
គឺមានការលក់ក្រដាសឯកសារនៅផ្ទះរបស់មន្ត្រីប៉ូលីសប៉ុស្តិ៏ ដែលជាសកម្មភាពផ្ទុយទៅនឹងច្បាប់បានកំណត់ ។ ជាមួយគ្នានោះលោកបានកត់សំគាល់ឃើញថា រឿងនេះហាក់បានធ្វើជាប្រព័ន្ធ ដោយមានការរៀបចំទុកជាមុន ដោយនៅអធិការស្រុក គេមិនឲ្យមានឯកសារគ្រប់គ្រាន់នោះទេ ហើយដើម្បីអាចធ្វើអត្តសញ្ញាណប័ណ្ណបានគ្រប់លក្ខណ្ឌ លុះត្រាតែទៅទិញក្រដាសឯកសារនៅផ្ទះរបស់អធិការស្រុក
ឬផ្ទះរបស់ប៉ូលីសស្រុកជាដើម ។ ដែលករណីនេះលោកចាត់ទុកថា ជាល្បិចក្នុងការប្រព្រឹត្តអំពើពុករលួយ
ដែលគេបានរៀបចំឡើង ដើម្បីជំរិតយកលុយពីប្រជាពលរដ្ឋ ។ លោកថាលោកនឹងជជែកដេញដោល ដើម្បីវែកមុខមន្ត្រីខិលខូចទាំងនោះ ដោយនឹងលើកឡើងនៅក្នុងកិច្ចប្រជុំប្រចាំខែរបស់ក្រុមប្រឹក្សាស្រុក ។
សូមជំរាបថា
ក្នុងការធ្វើអត្តសញ្ញាណប័ណ្ណជូនប្រជាពលរដ្ឋ នៅស្ទើគ្រប់ទីកន្លែង តែងធ្លាយពត៌មានថា មានការជំរិតយកលុយពីប្រជាពលរដ្ឋ តាមរូបភាពផ្សេងៗគ្នា ហើយតិចច្រើនតាមកន្លែងទាំងនោះ ។ ដូនេះក្រសួងមហាផ្ទៃដែលមានលោក ស ខេង
ជារដ្ឋមន្រ្តី ត្រូវតែតាមដាន
និងវែកមុខមន្ត្រីខិលខូចទាំងនោះ
ដើម្បីធានាថា ក្រសួងពិត ជាមានឆន្ទៈចង់ឲ្យប្រជាពលរដ្ឋគ្រប់រូបទទួលបានអត្តសញ្ញាណ័បណ្ណពលរដ្ឋខ្មែរគ្រប់គ្នា ។
ហើយមួយវិញទៀត ក្រសួងមហាផ្ទៃ គឺត្រួវតែមានសុឆន្ទៈ ប្រឆាំងដាច់ខាតការយកលុយពីប្រជាពលរដ្ឋ ក្រៅសេវា ក្នុងការធ្វើអត្តសញ្ញាណប័ណ្ណជូនប្រជាពលរដ្ឋរបៀបនេះ មានន័យថា មិនលើកទឹកចិត្តចំពោះសកម្មភាពជំរិតយកលុយពីពលរដ្ឋនោះទេ ។
សូមជំរាបជូនផងដែរថា នាពេលកន្លងមក
ជនអន្តប្រវេសន៏យួនខុសច្បាប់ដែលមករស់នៅលើទឹកដីខ្មែរ ពួកគេធ្លាប់បានអួតអាងថា ពួកគាត់បានធ្វើអត្តសញ្ញាណប័ណ្ណស្ទើគ្រប់គ្នា ហើយគ្មានការយកលុយនោះឡើយ និងរហ័សថែមទៀតផង
ហើយការចុះធ្វើអត្តសញ្ញាណប័ណ្ណរបស់សមត្ថកិច្ច គឺពួកគេត្រូវបានអាជ្ញាធរដើរប្រាប់ ឲ្យទៅធ្វើឲ្យបានគ្រប់គ្នាថែមទៀតផង
៕
No comments:
Post a Comment
yes