រាជធានីភ្នំពេញ ៖ តាមការអញ្ជើញរបស់លោកបណ្ឌិតម៉ាមូដ អាម៉ាឌី ណេចាដ ប្រធានាធិបតីនៃសាធារណរដ្ឋអុីស្លាមអីុរ៉ង់នៅព្រឹកថ្ងៃទី២៩ សីហាស្អែកនេះ សម្តេចនាយករដ្ឋមន្រ្តី ហ៊ុន សែននឹងដឹកនំាគណៈប្រតិភូជាន់ខ្ពស់អញ្ជើញទៅចូលរួមកិច្ចប្រជុំកំពូលលើកទី១៦នៃប្រទេសចលនាមិនចូលបក្សសម្ព័ន្ធ ដែលនឹងប្រព្រឹត្តទៅពីថ្ងៃទី៣០ ដល់៣១ សីហា ឆ្នាំ២០១២ នៅទីក្រុងតេអេរ៉ង់ សាធារណរដ្ឋអុីស្លាមអីុរ៉ង់ ។
យោងតាមសេចក្តីជូនព័ត៌មានរបស់ក្រសួងការបរទេស និងសហប្រតិបត្តិការអន្តរជាតិ ដែលចេញផ្សាយជាសាធារណៈកាលពីព្រឹកថ្ងៃទី២៣ សីហា ២០១២កន្លងមកនេះ បានបញ្ជាក់ឲ្យដែរ ថាគណៈប្រតិភូអមដំណើររួមមានលោកឧបនាយករដ្ឋមន្រ្តី ហោ ណាំហុង រដ្ឋមន្រ្តីក្រសួងការបរទេស និងសហប្រតិបត្តិការអន្តរជាតិ និង សមាជិកដទៃទៀតនៃរាជរដ្ឋាភិបាលកម្ពុជា ។
សេចក្តីជូនព័ត៌មានរបស់ក្រសួងការបរទេសដដែលក៏បានបញ្ជាក់ទៀតថា ក្រៅពីអញ្ជើញចូលរួមកិច្ចប្រជុំកំពូលលើកទី១៦នៃប្រទេសចលនាមិនចូលបក្សសម្ព័ន្ធ សម្តេចនាយករដ្ឋមន្ត្រីហ៊ុន សែន នឹងជួបពិភាក្សាទ្វេភាគីជាមួយលោកបណ្ឌិតម៉ាមូដ អាម៉ាឌី ណេចាដ ប្រធានាធិបតីនៃសាធារណរដ្ឋអុីស្លាមអីុរ៉ង់ និងជួបជាមួយលោកគឹម យ៉ុងណាម ប្រធានគណៈប្រធានសភាប្រជាជនជាន់ខ្ពស់នៃសាធារណរដ្ឋប្រជាមានិតប្រជាធិបតេយ្យកូរ៉េ ។
បន្ទាប់ពីការអញ្ជើញចូលរួមកិច្ចប្រជុំកំពូលខាងលើ តាមការអញ្ជើញរបស់រដ្ឋាភិបាលនៃសាធារណរដ្ឋប្រជាមានិតចិន សម្តេចនាយករដ្ឋមន្រ្តី ហ៊ុន សែន នឹងដឹកនំាគណៈប្រតិភូជាន់ខ្ពស់អញ្ជើញទៅចូលរួមពិព័រណ៏ចិន-អាស៊ីអឺរ៉ុបលើកទី២ ដែលនឹងប្រព្រឹត្តទៅពីថ្ងៃទី ០១ដល់ ០៥ ខែ កញ្ញា ឆ្នាំ ២០១២ នៅទីក្រុងអ៊ូរុំឈី តំបន់ស្វ័ត ស៊ីនជាំងអ៊ុយហ្គ័រ សាធារណរដ្ឋប្រជាមានិតចិន។
សេចក្តីជូនព័ត៌មានរបស់ក្រសួងការបរទេសកម្ពុជាក៏បានបន្តទៀតថា ក្នុងអំឡុងពេលស្នាក់នៅទីក្រុងអ៊ូរុំឈី សម្តេចអគ្គមហាសេនាបតីតេជោ ហ៊ុន សែន នឹងជួបពិភាក្សាទ្វេ ភាគី ជាមួយ លោក វេន ជាបាវ នាយករដ្ឋមន្រ្តី នៃក្រុមប្រឹក្សារដ្ឋនៃសាធារណរដ្ឋប្រជាមានិតចិន។
សេចក្តីជូនព័ត៌មានរបស់ក្រសួងការបរទេសកម្ពុជាក៏បានបន្តទៀតថា ក្នុងអំឡុងពេលស្នាក់នៅទីក្រុងអ៊ូរុំឈី សម្តេចអគ្គមហាសេនាបតីតេជោ ហ៊ុន សែន នឹងជួបពិភាក្សាទ្វេ ភាគី ជាមួយ លោក វេន ជាបាវ នាយករដ្ឋមន្រ្តី នៃក្រុមប្រឹក្សារដ្ឋនៃសាធារណរដ្ឋប្រជាមានិតចិន។
ដោយឡែក តាមការអញ្ចើញរបស់ លោក អេស អេវ គ្រីស្នា រដ្ឋមន្រ្តីការបរទេស នៃសាធារណរដ្ឋឥណ្ឌា លោកឧបនាយករដ្ឋមន្រ្តី ហោ ណាំហុង រដ្ឋមន្រ្តីការបរទេសនិងសហប្រតិបត្តិការអន្តរជាតិនឹងដឹកនាំគណៈប្រតិភូអញ្ចើញទៅចូលរួមកិច្ចប្រជុំថ្នាក់រដ្ឋមន្រ្តីនៃកិច្ចសហប្រតិបត្តិការមេគង្គ-គង្គាលើកទី៦ ដែលនឹងប្រព្រឹត្តពី ថ្ងៃទី៣-៤ខែកញ្ញា ឆ្នាំ២០១២ នៅទីក្រុងញូឌែលី សាធារណរដ្ឋឥណ្ឌាផងដែរ ៕
No comments:
Post a Comment
yes