លោក សម រង្ស៊ី ប្រធានគណបក្ស សង្គ្រោះជាតិ
លោក សម រង្ស៊ី ប្រធានគណបក្ស សង្គ្រោះជាតិ
បានធ្វើការប្រកាសជាសារធារណៈពីប្រទេសហ្វី លីពីន នៅក្នុងពិធីបើកសម្ភោធទីស្នាក់ការកណ្តាល
និងលើកស្លាករបស់គណបក្ស សង្គ្រោះជាតិ
កាលពីថ្ងៃទី១១ ខែកញ្ញា ឆ្នាំ២០១២ កន្លងទៅថ្មីៗនេះថា
លោកនិងវិលត្រឡប់មកកាន់ប្រទេស កម្ពុជាវិញនៅពេលឆាប់ៗខាងមុខ ដើម្បីដឹកនាំគណបក្ស
សង្គ្រោះជាតិ ក្នុងការចូលរួមបោះឆ្នោត នៅឆ្នាំ២០១៣ ក្នុងការតតាំងជាមួយនិងគណបក្សកាន់អំណាចសព្វថ្ងៃដែលដឹកនាំប្រទេសជាតិទៅដល់រណ្តៅមរណៈហើយនោះ
។
លោក សម រង្ស៊ី បានបញ្ជាក់មកកាន់សមាជិក សមាជិការរបស់គណបក្ស សង្គ្រោះជាតិ
និងអ្នក គាំទ្រថា
គណបក្សនយោបាយនៅក្នុងប្រទេសកម្ពុជានៅពេលនេះដែលសំខាន់គឺមានតែពីរប៉ុណ្ណោះនោះគឺគណបក្សរបស់អ្នកប្រជាធិបតេយ្យដែលតំណាងដោយគណបក្ស
សង្គ្រោះជាតិ និងគណបក្សកាន់អំណាចសព្វថ្ងៃតំណាងដោយគណបក្សប្រជាជន ។
លោកថា គណបក្សប្រជាជន
ក្រោមការគ្រប់គ្រងប្រទេសអស់រយៈពេលជិត៣០មកនេះ
បានធ្វើឲ្យប្រទេសជាតិវិនាសហិនហោចស្ទើរតែអស់ទៅហើយ
ក្នុងនោះការគោរពសិទ្ធិមនុស្សក៏មានការធ្លាក់ចុះយ៉ាងខ្លាំង ប្រជាធិ បតេយ្យបាននិងកំពុងតែដើរថយក្រោយ
ទ្រព្យសម្បត្តិជាតិត្រូវវិនាសហិនហោចស្ទើរតែក្លាយទៅ ជាសូន្យ
ជនអន្តប្រវេសន៏បានហូរចូលមកកាន់តែច្រើនឡើងៗ ទឹកដីត្រូវបានបាត់បង់ទៅប្រទេសជិតខាងបន្តិចម្តងៗ
តាមរយៈការបោះបង្គោលព្រំដែន នឹងសម្បទានដីសេដ្ឋកិច្ចដែលមានរយៈពេលយូររហូតដល់៩៩ឆ្នាំ
។
លោក សម រង្ស៊ី បានមានប្រសាសន៏បន្តថា
តែប្រសិនបើប្រទេសកម្ពុជាដឹកនាំដោយអ្នកប្រជាធិ បតេយ្យវិញ
នោះប្រទេសជាតិនិងមានការរីកចំរើនលើគ្រប់វិស័យ ការគោរពសិទ្ធិមនុស្សនិងប្រជា
ធិបតេយ្យត្រូវបានការពារ និងលើកតំកើន ហើយយើងគោរពប្រជារាស្រ្ត និងយកច្បាប់ជាធំ មិនមែនច្បាប់
និងអំណាចស្ថិតនៅលើមនុស្សតែម្នាក់ដូចសព្វថ្ងៃនេះឡើយ ។
ប្រទេសកម្ពុជាដឹកនាំដោយអ្នកប្រជាធិបតេយ្យ និងធ្វើឲ្យអ្វីៗមានភាពល្អប្រសើរឡើង
ទាំងនៅលើឆាកអន្តរជាតិផងដែរ ហើយលោកមានជំនឿយ៉ាងមុតមាំថា នៅឆ្នាំ២០១៣ខាងមុខនេះគណបក្ស
សង្គ្រោះជាតិ និងទទួលបានជោគជ័យនៅក្នុងការបោះឆ្នោត ព្រោះប្រជាពលរដ្ឋលោកបានដឹងអស់ហើយថា
ពួកគាត់រស់នៅអស់រយៈពេលជិត៣០ឆ្នាំក្រោមការគ្រប់គ្រងប្រទេសរបស់គណបក្សប្រជាជនមក នេះ ពួកគាត់ទទួលបានអ្វីខ្លះ
ក្រៅតែពីការឆក់ប្លន់ដីធ្លីរបស់ពួកគាត់យកទៅឲ្យក្រុមហ៊ុនទុច្ចរឹត អ្នកមានលុយមានអំណាច
និងក្រុមខ្លួនតែប៉ុណ្ណោះ រួមជាមួយនិងការកាប់បំផ្លាញព្រៃឈើដែលជា
សម្បត្តិធនធានធម្មជាតិដ៏មានតម្លៃរបស់កម្ពុជា
និងបញ្ហាប្រឈមជាច្រើនទៀតដែលប្រជាពលរដ្ឋ ខ្មែរ
និងប្រទេសជាតិរបស់យើងទទួលរងគ្រោះក្រោមការដឹកនាំរបស់គណបក្សប្រជាជននោះ ។
ដោយមើលឃើញនូវបញ្ហាទាំងអស់នេះហើយបានជាប្រជាពលរដ្ឋ ពួកគាត់ងាកមកចូលរួមជាមួយនិងគណបក្ស
សង្គ្រោះជាតិ ក្នុងនោះរួមទាំងសមាជិករបស់គណបក្សកាន់អំណាចសព្វថ្ងៃ ផងដែរ
ព្រោះពួកគាត់អស់សង្ឃឹមលើការដឹកនាំរបស់គណបក្សប្រជាជនហើយ ដោយពួកគាត់
ទាំងអស់គ្នាផ្ញើរក្តីសង្ឃឹមមកលើតែគណបក្ស សង្គ្រោះជាតិ
តែមួយប៉ុណ្ណោះក្នុងការសង្គ្រោះពួកគាត់ និងប្រទេសជាតិរបស់យើង ។
សូមជំរាបជូនផងដែរថាគណបក្ស សង្គ្រោះជាតិ គឺជាគណបក្សមួយដែលប្រមូលផ្តុំទៅដោយអ្នក
ស្នេហាជាតិ និងស្រលាញ់របបប្រជាធិបតេយ្យ ដែលក្នុងនោះគឺមានលោក សម រង្ស៊ី ជាប្រធាន
និងលោក កឹម សុខា ជាអនុប្រធាននៅពេលដ៏ខ្លីខាងមុខនេះ ។
ដែលមេដឹកនាំកុំពូលទាំងពីររូបនេះគឺមានប្រជាប្រិយភាព
និងទទួលបានការគាំទ្រយ៉ាងខ្លាំងពីប្រជាពលរដ្ឋទាំងនៅក្នុងប្រទេស និងក្រៅប្រទេស ជាមួយគ្នានោះសូម្បីតែអង្គការជាតិ-អន្តរជាតិ
រួមជាមួយនិងមេដឹកនាំប្រទេសដែលប្រកាន់យករបបប្រជាធិបតេយ្យក៏បានសម្តែងការគាំទ្រមកលើគណបក្ស
សង្គ្រោះជាតិ ផងដែរ ។
គណបក្ស សង្គ្រោះជាតិ
គឺបានស្រសូត្រឡើងពីការរួមបញ្ចូលគ្នាជាសម្លេងតែមួយរវាងគណបក្ស សម រង្ស៊ី និងគណបក្ស
សិទ្ធិមនុស្ស កាលពីថ្ងៃទី១៧ ខែកក្កដា ឆ្នាំ២០១២ ដែលជាជំហ៊ានដំបូង បានបង្កើត
ចលនាប្រជាធិបតេយ្យសង្គ្រោះជាតិ ។ ក្រោមការខិតខំប្រឹងប្រែងយ៉ាងខ្លាំងរបស់ថ្នាក់
ដឹកនាំ ចលនាប្រជាធិបតេយ្យសង្គ្រោះជាតិ ទើបឈានដល់ការបង្កើតគណបក្ស សង្គ្រោះជាតិ
នេះឡើង ដែលមានការទទួលស្គាល់ពីក្រសួងមហាផ្ទៃការពីថ្ងៃទី៣០ ខែសីហា ឆ្នាំ២០១២ ហើយ
គណបក្ស សម រង្ស៊ី និងគណបក្ស សិទ្ធិមនុស្ស
ក៏បានត្រៀមរួចជាស្រេចក្នុងការដាក់បញ្ជីរឈ្មោះ របស់សមាជិកគណបក្សទាំងពីរក្នុងបញ្ជីតែមួយផងដែរ
ដើម្បីរៀបចំឈ្មោះបេក្ខជនក្នុងការបោះ ឆ្នោតថ្នាក់ជាតិអាណត្តិទី៥នេះ ។
គួរជំរាបជូនផងដែរថា ប្រជាពលរដ្ឋអ្នកគាំទ្រ ក៏ដូចជាសមាជិក-សមាជិការរបស់គណបក្ស
សង្គ្រោះជាតិ នៅបន្ទាប់ពីបានឮការប្រកាស់របស់លោក សម រង្ស៊ី ជាសាធារណៈថាលោកនិង
វិលចូលមកក្នុងប្រទេសកម្ពុជាវិញនៅពេលដ៏ខ្លីខាងមុខនេះ បានធ្វើឲ្យពូកគាត់មានការសប្បាយ
ចិត្តនឹងត្រែកអរឥតឧបមារកអ្វីប្រៀបផ្ទឹមពុំបានឡើយ ព្រោះពួកគាត់ចង់ឃើញវត្តមានរបស់លោក
សម រង្ស៊ី នៅលើទឹកដីនៃប្រទេសកម្ពុជាដើម្បីធ្វើការងារបំរើជាតិ និងដឹកនាំគណបក្ស
សង្គ្រោះជាតិ ដោយផ្ទាល់នោះ ។ ហើយមួយវិញទៀតប្រជាពលរដ្ឋមួយចំនួនដែលកាលពីមុនមកពុំទាន់
បានសម្រេចចិត្តឲ្យបានច្បាស់លាស់នោះ ឥឡូវនេះគឺពួកគាត់ប្រាកដ ហើយច្បាស់លាស់នៅក្នុង
ចិត្តយ៉ាងខ្លាំងក្នុងការមកចូលរួមជាមួយគណបក្ស សង្គ្រោះជាតិ ។
នៅក្នុងពិធីបើកសម្ភោធទីស្នាក់ការ និងលើកស្លាករបស់គណបក្ស សង្គ្រោះជាតិនោះ លោក
សម រង្ស៊ី ក៏បានឲ្យដឹងផងដែរថា
ឥឡូវនេះគណបក្សគឺមានសម្លេងរបស់ស្ថាបនិកចំនួនប្រាំពាន់នាក់នៅថ្ងៃនេះ
តែលោកជឿថានៅមុនពេលបោះឆ្នោតគណបក្ស សង្គ្រោះជាតិ និងមានចំនួនអ្នកគាំទ្រកើនឡើងរហូតដល់ប្រាំលាននាក់
។ ហើយលោក ក៏ដូចជាថ្នាក់ដឹកនាំរបស់គណបក្ស សង្គ្រោះជាតិ
និងខិតខំប្រឹងប្រែងបំពេញបេសកកម្មនេះឲ្យទទួលបានជោគជ័យ
ព្រោះជ័យជំនះនៅក្នុងការបោះឆ្នោតឆ្នាំ២០១៣ខាងមុខនេះមិនមែនតែជាជ័យជំនះរបស់គណបក្ស
សង្គ្រោះជាតិ តែមួយនោះឡើយ តែវាជាជ័យជំនះរបស់ប្រជាពលរដ្ឋខ្មែរទាំងអស់គ្នា
ក៏ដូចជាប្រទេសជាតិរបស់យើងផងដែរ ។ ការទទួលបានជោគជ័យនៅឆ្នាំ២០១៣ខាងមុខនេះ
គឺជាមោទនភាពរបស់ អ្នកប្រជាធិបតេយ្យ ព្រោះការកើតមានគណបក្ស សង្គ្រោះជាតិ
នេះឡើងក៏ដោយសារឆន្ទះរបស់ ប្រជាពលរដ្ឋខ្មែរអ្នកស្នេហាជាតិផងដែរ ។
ដូចនេះសូមបងប្អូនប្រជាពលរដ្ឋខ្មែរទាំងអស់ចូលរួម ជាមួយនិងគណបក្ស សង្គ្រោះជាតិ
ឲ្យបានច្រើនឡើងៗជាអតិបរមា ព្រោះមានតែគណបក្ស សង្គ្រោះជាតិ តែមួយប៉ុណ្ណោះដែលជាក្តីសង្ឃឹមចុងក្រោយបង្អស់របស់យើងទាំងអស់គ្នា
និងប្រទេសជាតិដ៏កំសត់របស់យើងនេះផងដែរ ៕
No comments:
Post a Comment
yes