ករណីដុះ “កន្ទុយ” ដែលកើតឡើងមកលើមនុស្សខុសប្លែកធម្មតានេះ ត្រូវបានគេយកមកចុះផ្សាយជាច្រើនលើកផងដែរ នៅលើបណ្តាញសារព័ត៌មានសង្គម។ ទោះជាយ៉ាងណា ករណីទាំងនេះ ភាគច្រើនកើតឡើងមកលើទារកដែលទើបចាប់កំណើតមកម្ល៉េះនិងត្រូវបានវះកាត់យកចេញជាស្ថាពរភ្លាមៗផងដែរ។
ដូច្នេះ នៅពេលរូបភាពស្ត្រីវ័យក្មេងម្នាក់នេះ ដែលភ្ជាប់រាងកាយជាមួយ “កន្ទុយ” ប្រវែងជាង ៣០ សង់ទីម៉ែត្រ ដែលត្រូវបានចុះផ្សាយនៅក្នុងមាតិកាប្លែកៗរបស់គេហទំព័រសារព័ត៌មានចិន “Qiqu” បានធ្វើឲ្យបណ្តាអ្នកនិយមលេងអ៊ិនធើរណេតចិន មិនអាចជួយបាន និងស្លុតរន្ធត់ជាខ្លាំង។
ក្នុងរូបភាពលុតជង្គង់បត់ជើងក្រាបនៅលើកម្រាលបង្ហាញ “កន្លុយ” ដុះភ្ជាប់ពីឆ្អឹងខ្នងចាប់ត្រឹមកំប៉េះគូថធ្លាក់ចុះក្រោមប្រវែងកន្លុយ “ជ្រូក” នេះ គឺជាហេតុការណ៍មួយដែលយើងពុំធ្លាប់បានឃើញពីមុនមក ប៉ុន្តែបានឃើញត្រឹមតិចតិចប៉ុណ្ណោះ ចំពោះជាទារកនៅប្រទេសចិន ឬឥណ្ឌា។
បណ្តាប្រិយមិត្តអ្នកអានរបស់ Qiqu មួយចំនួន បានធ្វើការអត្ថាធិប្បាយថា រូបភាពនេះ ត្រូវបានគេយកមកកែ (edit) ក្នុងកម្មវិធីជំនាញរូបភាព Photoshop តែម្តង។ ទស្សនៈដទៃទៀត បានយល់ឃើញថា នេះ គឺជាលក្ខណៈរូបពិតណា ដែលករណីនេះ ពុំត្រូវបានគេវះកាត់យកចេញតាំងពី “កន្ទុយ” នេះនៅតូចមកម្ល៉េះ។
យោងតាមការណែនាំ បានឲ្យដឹងថា “កន្ទុយ” ដែលផុសចេញនេះ គឺដោយសារដំណើរខូចទ្រង់ទ្រាយនៃប្រព័ន្ធសរសៃប្រសាទរបស់មនុស្ស ហើយករណីនេះដែរបានកើតឡើង ១ ក្នុង ១ លាន នៃទារកទើបនឹងកើតតែប៉ុណ្ណោះ។
បាតុភូតចម្លែកនេះ ភាគច្រើនកើតឡើងមកលើក្មេងប្រុស ហើយប្រសិនបើមិនរួតរះព្យាបាលភ្លាមៗនោះទេ “កន្ទុយ” ដែលដុះវែងនេះ នឹងប៉ះពាល់ដល់សុខភាព។ ទោះជាងយ៉ាងណា ការវះកាត់យកចេញក៏អាចបណ្តាលឲ្យកើតមានគ្រោះថ្នាក់ដល់អាយុជីវិតផងដែរ៕
No comments:
Post a Comment
yes