ភ្នំពេញៈ កំណើនសេដ្ឋកិច្ចកម្ពុជា ស្ថិតនៅលើទំនាក់ទំនងរវាងបាងកក និងហូជីមិញ មិនមែនស្ថិតនៅដាច់តែឯងនោះទេ។
ការធ្វើពិពិធកម្មសេដ្ឋកិច្ច គឺការកាត់បន្ថយហានិភ័យ និងបង្កើនគុណតម្លៃបន្ថែមដល់សេដ្ឋកិច្ច។
លោក ម៉ី កល្យាណ បានចាកចេញពីប្រទេសកម្ពុជា ទៅសិក្សានៅប្រទេសជប៉ុន មួយឆ្នាំមុនពេលខ្មែរក្រហមឡើងកាន់អំណាច។
បន្ទាប់ ពីទទួលបានសញ្ញាបត្របណ្ឌិត និងបម្រើការងារយូរអង្វែងនៅអង្គការសហប្រជាជាតិប្រចាំក្រុង រ៉ូម ក្នុងនាមជាសេដ្ឋវិទូកសិកម្ម លោកបានវិលត្រឡប់មកកាន់ប្រទេសកម្ពុជាដែលជាស្រុកកំណើតរបស់លោក កាលពីឆ្នាំ១៩៩៣ ពោរពេញដោយគំនិតវិជ្ជមានដើម្បីជួយប្រជាជនរបស់លោក។
បច្ចុប្បន្ន លោកធ្វើការងារជាទីប្រឹក្សារាជរដ្ឋាភិបាលកម្ពុជា និងជាសំឡេងដ៏សំខាន់ក្នុងការសម្រួចគោលនយោបាយស្រូវ អង្កររបស់កម្ពុជា។ ចំពោះលោកបណ្ឌិត ម៉ី កល្យាណ ជោគជ័យ ជាការចែករំលែកចំណេះដឹងជាមួយជនរួមជាតិកម្ពុជា ជាពិសេសកសិករក្រីក្រ។
ពេលដែលលោកមិនបានធ្វើដំណើរជាមួយអ្នក ផ្គត់ផ្គង់អង្ករពីជប៉ុន មកបង្កើតទំនាក់ទំនងរវាងកសិករ និងម្ចាស់រោងម៉ាស៊ីនកិនស្រូវ លោកបានធ្វើការលើការអភិវឌ្ឍឧស្សាហកម្មសូត្រនៅកម្ពុជា។
ក្នុង អំឡុងប៉ុន្មានឆ្នាំក្នុងការបម្រើការជាមួយអង្គការសហប្រជាជាតិ ការផ្តល់ប្រឹក្សាដល់រដ្ឋាភិបាលនៅលើពិភពលោក រាប់បញ្ចូលទាំងអាហ្វ្រិកសាហារ៉ា ដែលមិនមានទឹកគ្រប់គ្រាន់សម្រាប់ធ្វើការដាំដុះលោកបានយល់ ដឹងអំពីគុណប្រយោជន៍ធនធានធម្មជាតិរបស់កម្ពុជា។
លោកបានចូលនិវត្តន៍ដោយទទួលបានប្រាក់ចូលនិវត្តន៍។
ការងារដែលលោកធ្វើជាទីប្រឹក្សារាជរដ្ឋាភិបាលកម្ពុជា មិនមែនដើម្បីប្រាក់ឡើយ គឺដោយសារលោកចង់ប្រើចំណេះដឹងដែលលោកទទួលបានទាក់ទងនឹង សេដ្ឋកិច្ចកសិកម្ម ដើម្បីផ្លាស់ប្តូរកម្ពុជាទៅជាទីកន្លែងដែលលោកសុបិនចង់បាន។ លោកបានអំពាវនាវឲ្យថ្នាក់ដឹកនាំកម្ពុជា ដើរតួជាគំរូសម្រាប់ប្រជាជនវ័យក្មេង និងមិនត្រូវផ្តោតជាសំខាន់លើសម្ភារ ប៉ុន្តែត្រូវផ្តោតជាសំខាន់លើសុខុមាលភាពរបស់អ្នកដទៃ។
លោកបាន លើកឡើងថា គុណប្រយោជន៍ធម្មជាតិរបស់កម្ពុជា គឺពិតជាអស្ចារ្យ និងមានគុណតម្លៃដែលមិនអាចបំភ្លេច។ ប្រសិនបើមិនគិតពីបញ្ហានេះទេ កម្ពុជា មិនអាចចាប់ត្រីនៅក្នុងវាលស្រែ និងចិញ្ចឹមវាឲ្យធំធាត់បាននោះទេ។
លោកលើកឡើងថា៖ «លោកអាចបណ្តុះគ្រាប់ពូជបានគ្រប់ទីកន្លែង នោះគ្រាប់ពូជ នឹងដុះលូតលាស់។ នោះមិនមែនជាបញ្ហាដែលកើតឡើងនៅក្នុងប្រទេសជាច្រើននៅលើពិភពលោកឡើយ។
លោកបានលើកឡើងថា៖ «ប្រជាជនកម្ពុជា ត្រូវរៀនសូត្រអំពីអ្វីដែលជាគុណប្រយោជន៍នៃការប្រកួតប្រជែង អ្វីដែលល្អប្រសើរបំផុតសម្រាប់ពួកគេ។ ប្រសិនបើអ្នកតូច អ្នកត្រូវគិតអំពីរបៀបឈ្នះមេដាយ មិនមែនបាល់បោះ ឬតឺនីសឡើយ ប៉ុន្តែអាចជាអ្វីផ្សេង ដូចជា ការមុជទឹកជាដើម»។
លោកគិតថា គន្លឹះផ្សេងទៀតសម្រាប់ការអភិវឌ្ឍរបស់កម្ពុជា គឺប្រជាជនត្រូវបង្ហាញភាពជាម្ចាស់សម្រាប់គម្រោងរបស់ខ្លួន។
លោក បន្តថា៖ «ទំនុកចិត្ត មានទំនាក់ទំនងទៅនឹងសេរីភាពបុគ្គល។ ប្រសិនបើបុគ្គលម្នាក់អាចសម្រេចបានវត្ថុបំណង ប្រសិនគាត់អាចជួសជុលកង់បាន គឺគាត់មានទំនុកចិត្ត។ ប្រសិនបើមនុស្សមិនមានចំណេះដឹង ប្រសិនបើពួកគេមិនអាចអាន និងសរសេរបានពួកគេពឹងលើប្រព័ន្ធ និងចៅហ្វាយនាយ។ ប៉ុន្តែប្រសិនបើបុគ្គលម្នាក់នោះ មានប្រាក់ចំណូលគ្រប់គ្រាន់ អ្នកមានមោទនភាពចំពោះការងាររបស់អ្នក និងសប្បាយរីករាយចំពោះការងាររបស់ខ្លួន»។
ជោគជ័យរបស់ខ្ញុំ គឺអាចប្រើចំណេះដឹង និងបទពិសោធរបស់ខ្ញុំ ដែលទទួលបានពីក្រៅប្រទេស ដូចជា ជប៉ុន សហរដ្ឋអាមេរិក អង្គការសហប្រជាជាតិ ប្រទេសផ្សេងៗទៀត ដោយប្រើចំណេះដឹង និងបទពិសោធទាំងនោះ មកអនុវត្តនៅកម្ពុជា។
លោកបណ្ឌិត ម៉ី កល្យាណ សង្កេតឃើញការតភ្ជាប់រវាងការដឹកជញ្ជូន និងហេដ្ឋារចនាសម្ព័ន្ធ រវាងបាងកក និងហូជីមិញ ជាកត្តាសំខាន់សម្រាប់អភិវឌ្ឍន៍សេដ្ឋកិច្ចកម្ពុជា។
លោកបានលើកឡើង ថា៖ «សេដ្ឋកិច្ចកម្ពុជា គឺពីបាងកក ទៅហូជីមិញ ដោយសារកម្ពុជា ស្ថិតនៅចន្លោះសេដ្ឋកិច្ចទាំងពីរ។ ប្រទេសថៃ និងវៀតណាម មានការអភិវឌ្ឍជាង ដូច្នេះការតភ្ជាប់រវាងកម្ពុជា និងប្រទេសទាំងពីរ នឹងផ្តល់អត្ថប្រយោជន៍ជាច្រើន ដល់ប្រទេសកម្ពុជា»។ លោកបានឲ្យដឹងថា កម្ពុជា ត្រូវតែក្លាយទៅជាធាតុផ្សំដ៏សំខាន់សម្រាប់បណ្តាញផលិតកម្ម។
លោក បានលើកឡើងថា៖ «ដើម្បីសម្រេចកិច្ចការនេះបាន យើងត្រូវលើកកម្ពស់ហេដ្ឋារចនាសម្ព័ន្ធប្រព័ន្ធផ្លូវថ្នល់ និងការឆ្លងកាត់ព្រំដែន ដើម្បីធ្វើឲ្យលំហូរកាន់តែប្រសើរ ដូចជាទឹកទន្លេអ៊ីចឹងដែរ»។
លោកបានបន្ថែមថា៖ «បញ្ហានេះ មានទំនាក់ទំនងទៅនឹងអាស៊ាន។ នាពេលអនាគត យើងនឹងលើកកម្ពស់សេដ្ឋកិច្ចរបស់យើង ហើយយើងអាចលើកកម្ពស់ហេដ្ឋារចនាសម្ព័ន្ធសេដ្ឋកិច្ចរបស់យើង ដោយមិនត្រឹមតែពឹងផ្អែកលើកសិកម្មទេ គឺទាំងឧស្សាហកម្ម។ នេះជាអ្វីដែលរដ្ឋាភិបាលកំពុងរង់ចាំ។ ដោយមានឧស្សាហកម្ម យើងអាចមានទំនាក់ទំនងជាមួយកសិកម្ម»។
លោក បន្តថា កាលពីអតីតកាលផលិតផលកសិកម្មមិនអាចលក់បានគ្រប់តែទាំងអស់នោះទេ ដោយសារតែទីផ្សារមានកម្រិត ប៉ុន្តែបច្ចុប្បន្ន ប្រសិនបើអ្នកដាំដំណាំផ្លែឈើ អ្នកអាចមានឧស្សហកម្មកែច្នៃទឹកក្រូចដោយស្វ័យប្រវត្តិ។
ខណៈដែលអង្ករជាគន្លឹះមួយយ៉ាងសំខាន់នោះលោក ម៉ី កល្យាណបានមើលឃើញថាអង្ករជាជំហាននៃការអភិវឌ្ឍមួយ។ លោកបន្តថា៖«នៅខណៈពេលដែលយើងសង្កត់ធ្ងន់ទៅលើវិស័យកសិកម្ម ហើយនឹងឆ្ពោះទៅរកដំណាំដែលមានតម្លៃកាន់តែខ្ពស់ ដូចស្វាយចន្ទី សណ្តែកសៀង និងដំណាំផ្សេងៗទៀតនោះ យើងត្រូវតែធ្វើពិពិធកម្ម»។ លោកបានអះអាងថា នៅពេលផលដំណាំទាំងនោះមានវត្តមាននៅទីនេះ រោងចក្រនឹងកើតមានតាមក្រោយ។
លោកបានលើកឡើងទៀតថា ៖«នៅពេលអ្នកដាំសណ្តែកសៀង អ្នកអាចបង្កើតតម្រូវការសម្រាប់សណ្តែកសៀង ហើយកសិកម្មនិងរីកចម្រើន ។ យើងចាប់ផ្តើមពីកសិកម្ម យើងត្រូវប្រាកដថា យើងមានស្ថិរភាព នៅពេលយើងឈានទៅរកឧស្សាហកម្មធុនធ្ងន់។
លោកបន្តបន្ថែមថា៖ «ខ្ញុំមិនបារម្ភខ្លាំងពីវិស័យសេវាកម្មទេ។ យើងមានការប្រកួតប្រជែងប្រកបដោយអត្ថប្រយោជន៍សម្រាប់វិស័យសេវាកម្ម។ បើយើងមានផលិតផលកសិកម្មដ៏ខ្លាំង ហើយយើងបានរួមបញ្ចូលគ្រប់ឧស្សាហកម្មទាំងអស់ដែលបម្រើដោយវិស័យ កសិកម្ម ខ្ញុំមើលឃើញថាបណ្តាញផលិតកម្មរបស់អាស៊ាននឹងទាក់ទាញ វិនិយោគផ្ទាល់ពីបរទេសល្អៗកាន់តែច្រើន»។
ក្នុងនាមជាសេដ្ឋវិទូម្នាក់ លោក ម៉ី កល្យាណ បានឲ្យដឹងថា ទីផ្សារកាន់តែធំដែលផ្តល់តាមរយៈបណ្តាញអាស៊ាន នឹងក្លាយទៅជាគុណប្រយោជន៍ដ៏សំខាន់សម្រាប់កម្ពុជា៕
No comments:
Post a Comment
yes