ភ្នំពេញ៖ អស់រយៈពេលជាង ១ សប្តាហ៍មកហើយ ដែលកម្មកររោងចក្រ ថបហ្វម មានទីតាំងនៅខាងក្រោយឃ្លាំងសូគីមិច ស្ថិតនៅភូមិឃ្លាំងសាំង សង្កាត់ខណ្ឌ ឬស្សីកែវ មានចំនួនជាង ៦០០ នាក់ នាំគ្នាធ្វើកូដកម្ម ដើម្បីទាមទារគោលការណ៍ចំនួន ១៦ ចំណុច អោយថៅកែរោងចក្រដោះស្រាយ តែថៅកែរោងចក្រពុំមានជំហរដោះស្រាយជាមួយ នឹងសហជីពខាងក្រៅ។
ប៉ុន្តែបើដោះស្រាយ ជាមួយកម្មករ គឺOKហើយ ប៉ុន្តែខាងកម្មករជឿតាមការញុះញង់ របស់សហជីពមិនព្រមចូលដោះស្រាយឡើយ ហើយបាននាំគ្នាដើរដង្ហែក្បូនតាមផ្លូវជាតិលេខ៥ ទៀតផង ក្នុងគោលបំណងទៅសាលាក្រុង និងក្រសួងកាងារ។
កម្មករនាំគ្នាមកតវ៉ា នៅមុខឃ្លាំងសាំងតាមផ្លូវជាតិលេខ៥ នេះ កាលវេលាម៉ោង ៧ ព្រឹកថ្ងៃទី០៦ ខែកញ្ញា ឆ្នាំ២០១២ ហើយនៅវេលាម៉ោង ១០ ថ្ងៃដដែលកម្មករទាំងអស់ បាននាំគ្នាដើរដង្ហែតាមផ្លូវជាតិលេខ៥ សំដៅទិសខាងត្បូងគោលបំណងទៅមុខសាលាក្រុងភ្នំពេញ និងក្រសួងការងារដើម្បីរកដំណោះស្រាយណាមួយ ដែលអាចទទួលយកបាន។
ការនាំគ្នាមកធ្វើកូដកម្ម និងដើរដង្ហែរ តាមផ្លូវជាតិនេះ គឺដើម្បីអោយមន្ត្រីពាក់ព័ន្ធចាប់អារម្មរណ៍ បន្ទាប់ពីកម្មករនាំគ្នាធ្វើកូដកម្មនៅមុខរោងចក្រជាច្រើនថ្ងៃ តែគ្មានដំណោះស្រាយ បើទោះបីជាធ្វើកូដកម្មនោះ មានទាំងដុតកង់ឡានទៀត។
បើតាមតំណាងសហព័ន្ធសហជីពសិទ្ធិប្រយោជន៍កម្មករ បានអោយដឹងថា យើងនិងដឹកនាំកម្មករធ្វើកូដកម្ម លុះត្រាតែបានសំរេច ឬ មានដំណោះស្រាយ ប៉ុន្តែបើនៅតែគ្មានដំណោះស្រាយ ដែលអាចទទួលយកបានទេ យើងនឹងបន្តធ្វើកូដកម្មបន្តទៀត ព្រមទាំងបន្តទៅមុខសាលក្រុង និងក្រសួងការងារទៀតផង។
លោក កូបស្លេះ អភិបានរងខណ្ឌឬស្សីកែវ កាលពីព្រឹកថ្ងៃទី០៦ ខែកញ្ញា ឆ្នាំ២០១២ បាននាំតំណាងសហជីព និងសមត្ថកិច្ច ទៅចូលជួបនាយកក្រុមហ៊ុនរោងចក្រនោះ ដើម្បីរកដំណោះស្រាយផ្លូវកណ្តាលណាមួយ ដែលទទួលយកបានទាំងអស់គ្នា ប៉ុន្តែខាងតំណាងក្រុមហ៊ុន មិនយល់ព្រមឡើយ បើការចរចាណាមួយមានសហជីពសិទ្ធិផលប្រយោជន៍កម្មករចូលរួម ផ្ទុយទៅវិញប្រសិនបើតំណាងកម្មករ។
បើទោះ បើមកចូលជួបមានប៉ុន្មាននាក់ក៏ដោយ ក៏ខាងក្រុមហ៊ុនយល់ព្រមដែរ ព្រោះការជាប់គាំងគ្មានដំណោះស្រាយអស់រយៈពេល ១ សប្តាហ៍មកហើយ ក៏ព្រោះតែមានសហព័ន្ធ សហជីពសិទ្ធិផលប្រយោជន៍កម្មករនេះ ចូលលូដៃញុំញង់។ លោក កូបស្លេះ បានអោយដឹងទៀតថា ក្រោយពីខាងក្រសួង និងអាជ្ញាធរពន្យល់ និងសន្យាថានៅថ្ងៃទី០៧ ខែកញ្ញា ត្រូវដោះស្រាយគ្នានៅក្រសួង ទើបកម្មករនាំគ្នារំសាយ។
No comments:
Post a Comment
yes