ក្រុងឌីលីៈ រដ្ឋមន្រ្តីការបរទេសអាមេរិក លោកស្រី ហ៊ីឡារី គ្លីនតុន បានបំពេញទស្សនកិច្ចខ្លីមួយទៅទីម័រខាងកើតកាលពីថ្ងៃព្រហស្បតិ៍ ដោយដាក់ទម្ងន់ការទូតយ៉ាងសម្បើមរបស់លោកស្រីពីក្រោយរដ្ឋាភិបាលក្មេងខ្ចី ដោយព្យាយាមនាំប្រទេសថ្មីបំផុតនៅអាស៊ីទៅកាន់តែគៀកនឹងប្រទេសជិតខាងនៅអាស៊ីអាគ្នេយ៍របស់ខ្លួន ដែលកំពុងតែលូតលាស់។
លោកស្រី ហ៊ីឡារី បានជួបជាមួយលោកប្រធានាធិបតី តាអួរ ម៉ាតាន់ រួក និងលោកនាយករដ្ឋមន្រ្តី សាណា ហ្គូស្មៅ ក្នុងអំឡុងដំណើរទស្សនកិច្ចខ្លីមួយទៅរដ្ឋធានីឌីលី បន្ទាប់ពីកិច្ចចរចាមួយថ្ងៃនៅចិន។ លោកស្រី បានចេញដំណើរទៅប្រ៊ុយណេពីថ្ងៃព្រហស្បតិ៍។
ក្រុមមន្រ្តីអាមេរិក បាននិយាយថា នេះគឺជាដំណើរទស្សនកិច្ចលើកទីមួយរបស់រដ្ឋមន្រ្តីការបរទេសអាមេរិក ចាប់តាំងពីទីម័រខាងកើត ទទួលបានឯករាជ្យពីឥណ្ឌូនេស៊ីកាលពីឆ្នាំ២០០២ ជាកិច្ចប្រឹងប្រែងមួយដើម្បីជួយដល់ស្ថិរភាព និងកំណើន។
លោកស្រី គ្លីន បានប្រាប់សន្និសីទកាសែតមួយជាមួយនឹងលោក ហ្គូស្មៅ ថា៖« តាមរយៈការអនុវត្តជាយូរមកហើយ យើងដឹងថា បណ្តាប្រទេសកាន់លទ្ធិប្រជាធិបតេយ្យរឹងមាំ ធ្វើឲ្យប្រទេស ជិតខាងមានស្ថិរភាព និងជាដៃគូដែលមានសមត្ថភាព»។
No comments:
Post a Comment
yes