ប៉េកាំង៖ យោងតាមសារព័ត៌មាន បានធ្វើសេចក្តីរាយការណ៍ឱ្យដឹងកាលពីថ្ងៃព្រហស្បតិ៍ កន្លងទៅនេះថា រដ្ឋាភិបាលសហព័ន្ធសហរដ្ឋអាមេរិក តម្រូវឱ្យក្រុមហ៊ុនហ្វេសប៊ុក គោរពសិទ្ធិឯកជនរបស់អ្នកប្រើប្រាស់ ហើយដោះស្រាយរាល់បញ្ហាពាក់ព័ន្ធនានា។
នៅក្នុងសេចក្តីថ្លែងការណ៍មួយរបស់គណៈកម្មការពាណិជ្ជកម្មសហព័ន្ធ បានចោទប្រកាន់ក្រុមហ៊ុនហ្វេសប៊ុក ពីបទជាប់ពាក់ព័ន្ធនឹងការអនុវត្តន៍មិនស្មោះត្រង់ និងឆបោក។ គណៈកម្មការ បានទាញហេតុសំអាងចំពោះអំពើល្មើសទាំង ៨ របស់ក្រុមហ៊ុនហ្វេសប៊ុក។
អំពើមួយ នៅក្នុងចំណោមអំពើទាំងនោះ គឺមិនជូនដំណឹងដល់អ្នកប្រើប្រាស់របស់ខ្លួន នៅក្នុងការបង្កើតទិន្នន័យឯកជនរបស់ពួកគេជាសាធារណៈនៅតាម online។ វាមិនមែនជាការផាកពិន័យលើក្រុមហ៊ុននោះទេ ហើយក្រុមហ៊ុនក៏មិនរំលោភលើច្បាប់នោះដែរ។
ទោះជាយ៉ាងនេះក្តី គណៈកម្មាការ បាននិយាយថា ប្រសិនបើក្រុមហ៊ុនហ្វេសប៊ុក រំលោភលើច្បាប់នៅពេលក្រោយនោះ ក្រុមហ៊ុននេះ នឹងត្រូវពិន័យប្រាក់ ១៦,០០០ ដុល្លារអាមេរិក ក្នុងមួយថ្ងៃ។
លោក ម៉ាក ហ្សូកឃើបើហ្គ (Mark Zuckerberg) អគ្គនាយកក្រុមហ៊ុនហ្វេសប៊ុក បានទទួលស្កាល់ថា ក្រុមហ៊ុនលោកបានបង្កើតកំហុសជាច្រើន ហើយក្រុមហ៊ុនបានធ្វើការកែប្រែតាមសេចក្តីថ្លែងការណ៍មួយចំនួន ដែលត្រូវបានសម្រង់ដោយរដ្ឋាភិបាលសហពន្ធ័៕
No comments:
Post a Comment
yes