លោក វង្ស សូត្រ រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ
ភ្នំពេញ៖កម្ពុជានឹងធ្វើជាម្ចាស់រៀបចំវេទិកាអាស៊ានស្ដីពីការការពារជនទេសន្តប្រវេសន៍នៅខែតុលាខាងមុខនេះដើម្បីជំរុញសមាជិករដ្ឋមន្ត្រីការងារអាស៊ានចេញសេចក្ដីថ្លែងការរួមពីការការពារជនចំណាកស្រុក។
លោក វង្ស សូត្រ រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈបានមានប្រសាសន៍នៅក្នុងសន្និសីទតំបន់ស្ដីពីលិខិតូបរណ៍សិទ្ធិមនុស្ស ស្ដង់ដារការងារអន្តរជាតិ និងសិទ្ធិពលករចំណាកស្រុកដែលមានសមាជិក១៣ប្រទេសជួបជុំគ្នានៅក្នុងរាជធានីភ្នំពេញថា កម្ពុជានឹងធ្វើជាម្ចាស់រៀបចំវេទិកាអាស៊ានស្ដីពីការការពារកម្មករទេសន្តប្រវេសន៍នៅខែតុលា។
លោកបានមើលទិដ្ឋភាពពីមុន ពលករកម្ពុជាមានទម្លាប់ចំណាកស្រុកទៅកាន់ប្រទេសផ្សេងទៀតដែលមានព្រំដែនជាប់នឹងគ្នាតែប៉ុណ្ណោះ តែសព្វថ្ងៃនេះ ពួកគេបានធ្វើចំណាកស្រុកទៅធ្វើការនៅប្រទេសឆ្ងាយៗដោយសារតែមានទំនើបភាពនៃការមធ្យោបាយដឹកជញ្ជូន ជីវភាពខ្វះខាត និងការអូសទាញពីមេខ្យល់។
លោករដ្ឋមន្ត្រីបានថ្លែងថា៖«ក្រសួងនឹងរៀបចំវេទិកាអាស៊ាននៅខែតុលាដើម្បីរកយន្តការការពារកម្មករទេសន្តប្រវេសន៍។ ខ្ញុំធ្លាប់បានជំរុញសមាជិករដ្ឋមន្ត្រីការងារអាស៊ានទាំងអស់ដែលជួបប្រជុំគ្នាកាលពីខែឧសភាម្ដងហើយដែរដើម្បីប្រញាប់រៀបចំឯកសារមួយចំនួនឲ្យបានកាន់តែឆាប់ដើម្បីចេញសេចក្ដីប្រកាសមួយស្ដីពីការការពារកម្មករទេសន្តប្រវេសន៍»។
ក្រៅពីនេះ កម្ពុជាត្រូវការលិខិតូបករណ៍សិទ្ធិមនុស្ស ដូចជាការពង្រឹងច្បាប់ និងអនុស្សារណៈដែលធ្វើឡើងដោយក្រសួងក្រសួងពាក់ព័ន្ធទាំងអស់ខិតខំធ្វើការ។
No comments:
Post a Comment
yes