នៅថ្ងៃច័ន្ទ ទី១៧ កញ្ញាម្សិលមិញ រដ្ឋបាលអាមេរិកំាងបានប្រកាសឲ្យដឹង ពីការដាក់ពាក្យបណ្តឹងថ្មីប្រឆំាងចិននៅអង្គការពាណិជ្ជកម្មពិភពលោកពាក់ព័ន្ធនឹងការនំាគ្រឿងបន្លាស់រថយន្តពីប្រទេសចិន ចូលសហរដ្ឋអាមេរិក។ ទីក្រុងវ៉ាស៊ីនតោនបានចោទទីក្រុងប៉េកំាងពីបទបានជួយផ្តល់ឧបត្ថម្ភកធនឲ្យរោងចក្រ សហគ្រាសរបស់ខ្លួន។ ជាការឆ្លើយតបវិញ ទីក្រុងប៉េកំាងបានសន្យានឹងចាត់វិធានការប្រឆំាងនឹង " dumping " អាមេរិកំាង។
បញ្ហា « ឧបត្ថម្ភកធន » ជាគឺជម្លោះដ៏ប្រទាញប្រទង់គ្នារវាងសហរដ្ឋអាមេរិក និងប្រទេសចិន។ ប៉ុន្តែក្នុងឆ្នំា ២០០១ ពោលឆ្នំាដែលចិនបានចូលជាសមាជិករបស់អង្គការពាណិជ្ជកម្មពិភពលោក ទីក្រុងប៉េកំាងបានសន្យាបញ្ឈប់ផ្តល់ប្រាក់ជំនួយនេះឲ្យរោងចក្រ សហគ្រាសរបស់ខ្លួន នេះជាការរំលឹកឡើងវិញរបស់លោក Ron Kirk ប្រតិភូអាមេរិកំាងនៃក្រសួងពាណិជ្ជកម្មនៅក្នុងសេចក្តីជូនដំណឹងមួយចេញផ្សាយកាលពីថ្ងៃច័ន្ទ ទី១៧ កញ្ញាម្សិលមិញក្នុងទីក្រុងវ៉ាស៊ីនតោន។
ភាគីអាមេរិកំាងបានកត់សម្គាល់ឃើញថា រោងចក្រ សហគ្រាសផលិតគ្រឿងបន្លាស់រថយន្តនៅក្នុងប្រទេសចិនបានទទួលប្រាក់ឧបត្ថម្ភកធនពីរដ្ឋាភិបាលចិនយ៉ាងតិច ១ ០០០លានដុល្លារ ក្នុងចន្លោះឆ្នំា ២០០៩ និង២០១១។ ចំពោះលោក Rok Kirk ការផ្តល់ប្រាក់ជំនួយនេះ គឺជាទង្វើរំលោភបំពានលើច្បាប់ដោះដូរពាណិជ្ជកម្មអន្តរជាតិ។
ឃើញថា សង្រ្គាមពាណិជ្ជកម្មបាន និងកំពុងបន្តមានរវាងមហាអំណាចសេដ្ឋកិច្ចក្នុងលោកទំាងពីរ អាមេរិកំាង និងចិន។ ទីក្រុងវ៉ាស៊ីតោនបានលើកយកសំណុំរឿងនេះទៅប្តឹងជាថ្មីនៅអង្គការពាណិជ្ជកម្មពិភពលោក។ ជាការឆ្លើយតបវិញ ទីក្រុងប៉េកំាងក៏បានប្តឹងទៅអង្គការពាណិជ្ជកម្មពិភពលោកប្រឆំាងនឹងច្បាប់ថ្មីរបស់អាមេរិកដែលបានអនុញ្ញាតឲ្យក្រុមហ៊ុនអាមេរិកំាងក្នុងស្រុកទទួលបានប្រាក់សំណងវិញ។ ចំពោះទីក្រុងប៉េកំាង ច្បាប់ថ្មីនេះមានគោលដៅប្រឆំាងនឹងនយោបាយឧបត្ថម្ភកធនរបស់ចិនតែម្តង។
អ្វីជាការកត់សម្គាល់ សេចក្តីជូនដំណឹងរបស់ទីក្រុងវ៉ាស៊ីនតោនក្នុងការប្តឹងទៅអង្គការពាណិជ្ជកម្មពិភពលោកប្រឆំាងចិនពេលនេះបានកើតមានឡើង ចំពេលដែលលោកប្រធានាធិបតីអាមេរិក អូបាម៉ាកំពុងចុះធ្វើយុទ្ធនាការឃោសនាសម្រាប់ការបោះឆ្នោតជ្រើសរើសប្រធានាធិបតីថ្មីនៅខែវិច្ឆិកាខាងមុខ។ នេះពិតជាឱកាសដ៏ល្អ និងដ៏កម្រមួយសម្រាប់លោកប្រធានាធិបតី និងជាបេក្ខជនគណបក្សប្រជាធិបតេយ្យ ដើម្បីវាយប្រហារចិន និងគូប្រជែងរបស់គាត់ គឺលោក Mitt Romney មកពីគណបក្សសាធារណៈរដ្ឋ។ លោក Mitt Romney ដែលបានចោទលោក អូបាម៉ា ថាជាអ្នកដែលបានបញ្ជូនការងារពីអាមេរិក ទៅកាន់ប្រទេសចិន៕
No comments:
Post a Comment
yes