ការធ្វើសន្និសីទកាសែតរបស់គណបក្ស សង្គ្រោះជាតិ នាពេលកន្លងទៅ
ប្រជាពលរដ្ឋមកចូលរួមជាមួយគណបក្ស សង្ក្រោះជាតិ
រចន្តនយោបាយនៅក្នុងប្រទេសកម្ពុជាពីមួយថ្ងៃទៅមួយថ្ងៃ
កាន់តែមានការប្រែប្រួលនិងផ្លាស់ប្តូរ មិនទៀងទាត់នោះឡើយ យ៉ាងណាម៉ិញទឹកចិត្តរបស់ប្រជាពលរដ្ឋក៏មានការប្រែប្រួលទៅតាមនោះផងដែរ
ដែលធ្វើឲ្យគណបក្សកាន់អំណាចមានការភ័យខ្លាចពីសន្ទុះនៃការគាំទ្ររបស់ប្រជា ពលរដ្ឋកាន់តែខ្លាំងឡើងៗមកលើគណបក្សប្រឆាំង
។
ហេតុដូចនេះហើយបានជាគណបក្សកាន់អំណាច ពួកគេខំប្រឹងរកគ្រប់វិធីដោយធ្វើយ៉ាងណា យកឈ្នះការបោះឆ្នោតលើគណបក្សប្រឆាំង
ដោយលេងល្បែងប្រជាភិថុតិតាមគ្រប់រូបភាព ដើម្បីទទួលបានការគាំទ្រពីប្រជាពលរដ្ឋ
ដូចជាការកាត់ដីសប្បទានជូនប្រជាពលរដ្ឋ ការដោះស្រាយវិវាទដីធ្លីដ៏រាំរៃរវាងប្រជាពលរដ្ឋ
និងក្រុមហ៊ុន ជាដើម ។
ជាមួយគ្នានោះអ្វីដែលជាការព្រួយបារម្ភធំបំផុតរបស់គណបក្សប្រជាជនជាងនេះទៅទៀត
គឺនៅបន្ទាប់ពីគណបក្សប្រឆាំងពីរ គណបក្ស សម រង្ស៊ី និងគណបក្ស សិទ្ធិមនុស្ស បានធ្វើការប្រកាស ជាសារធារណៈនៅទីក្រុងម៉ានីល
ប្រទេសហ្វីលីពីន កាលពីថ្ងៃទី១៧ ខែកក្កដា ឆ្នាំ២០១២កន្លងមកនេះ ពីការរួមបញ្ចូលគ្នាជាសម្លេងតែមួយ
និងការបង្កើ់ត ចលនាប្រជាធិបតេយ្យសង្គ្រោះជាតិ
ហើយបន្ទាប់មកទៀតក៏បានបង្កើតគណបក្សថ្មីរួមគ្នាដែលមានឈ្មោះថាគណបក្ស សង្គ្រោះជាតិ
ដោយមានការទួលស្គាល់ជាផ្លូវការហើយផងដែរពីក្រសួងមហាផ្ទៃ គឺនៅរងចាំតែថ្ងៃធ្វើសមាជគណបក្សប៉ុណ្ណោះ
ដើម្បីចូលរួមប្រគួតប្រជែងជាមួយគណប្សប្រជាជន នៅពេលបោះឆ្នោតជាតិ ថ្ងៃទី២៨
ខែកក្កដា ឆ្នាំ២០១៣ ដែលយើងត្រូវតែបញ្ចប់អំណាចអ្នកដឹកនាំសព្វថ្ងៃ ដែលដឹកនាំប្រទេសតាមរបៀបផ្តាច់ការនោះ
។
នាពេលកន្លងមកយើងបានដឹងហើយថា លទ្ធផលនៃការបោះឆ្នោតឃុំ-សង្កាត់អាណត្តិទី៣ បានបង្ហាញឲ្យឃើញយ៉ាងច្បាស់ថា គឺមានតែការបង្រួបបង្រួមគ្នាទេ ទើបអាចធ្វើឲ្យកម្លាំងអ្នកប្រជាធិបតេយ្យ ក្លាយជាកម្លាំងស្នូលមួយដ៏រឹងមាំសំរាប់ការដណ្តើមយកជ័យជំនះ ពីគណបក្សកាន់អំណាចសព្វថ្ងៃ
ដើម្បីធ្វើការផ្លាស់ប្តូរមុខមាត់ប្រទេសកម្ពុជា ឲ្យមានឈ្មោះបោះសម្លេងនៅលើឆាក
អន្តរជាតិ តាមរយៈការបោះឆ្នោតឆ្នាំ២០១៣ ខាងមុខនេះ ។
ជាមួយគ្នានោះដើម្បីឲ្យបំណងរបស់យើងបានសម្រេចដូចក្តីប៉ងប្រាថ្នា ពេលវេលាបានមកដល់ហើយ
នោះគឺការទៅចុះឈ្មោះបោះឆ្នោតឲ្យបានគ្រប់គ្នា ទាំងអ្នកដែលដល់វ័យត្រូវបោះឆ្នោត
ក៏ដូចជាប្រជាពលរដ្ឋរបស់យើងដែលមិនបានបោះឆ្នោតកាលពីពេលមុនៗ និងប្រជាពលរដ្ឋដែល
មានឈ្មោះស្រាប់ហើយនោះក៏ត្រូវតែអញ្ជើញទៅពិនិត្យមើលបញ្ជីឈ្មោះជាថ្មីម្តងទៀតផងដែរ
ខ្លាចក្រែងមានការខុសឆ្គងដោយប្រការណាមួយ ព្រោះនេះគឺជាការចុះឈ្មោះចុងក្រោយហើយ
សម្រាប់ការចុះឈ្មោះបោះឆ្នោតឆ្នាំ២០១២ ដើម្បីបានចូលរួមបោះឆ្នោតថ្នាក់ជាតិនៅឆ្នាំ២០១៣
នោះ ។ ដូចនេះសូមបងប្អូនប្រជាពលរដ្ឋទាំងអស់គ្នា អញ្ជើញទៅពិនិត្យមើលឈ្មោះ និងចុះឈ្មោះឲ្យបានគ្រប់ៗគ្នាចាប់ពីថ្ងៃនេះតទៅ
រហូតដល់ថ្ងៃទី១២ ខែតុលា ឆ្នាំ២០១២ ។
ដើម្បីធ្វើការផ្សព្វផ្សាយពីគោលជំហ៊ររបស់ ចលនាប្រជាធិបតេយ្យសង្គ្រោះជាតិ
ក៏ដូចជាគោល ជំហ៊ររបស់គណបក្ស សង្គ្រោះជាតិ
មានប្រសាសន៏ទៅកាន់ប្រជាពលរដ្ឋដែលជាអ្នកគាំទ្រ ចលនាប្រជាធិបតេយ្យសង្គ្រោះជាតិ
ក៏ដូចជាគណបក្ស សង្គ្រោះជាតិនោះ ប្រធានស្តីទីរបស់គណបក្ស សម រង្ស៊ី លោក គង់ គាំ បានឲ្យដឹងថា
ការរួបរួមគ្នារវាងអ្នកប្រជាធិបតេយ្យពិតជាមានសារសំខាន់ខ្លាំងណាស់
ព្រោះកម្លាំងនិងសន្ទុះនៃការគាំទ្រ បន្ទាប់ពីមានការបោះឆ្នោតឃុំ-សង្កាត់រួចមកសបញ្ជាក់ឲ្យឃើញថា
ជាផ្លូវមួយអាចឲ្យអ្នកប្រជាធិបតេយ្យទទួលបានជោគជ័យលើគណបក្សកាន់អំណាចបាន នៅពេលបោះឆ្នោតថ្នាក់ជាតិខាងមុខនេះ
។
លោក គង់ គាំ បានមានប្រសាសន៏ទៀតថា ជាតិត្រូវការយើង ដូច្នេះអ្នកប្រជាធិបតេយ្យត្រូវតែរួបរួមគ្នា
ដែលការរួបរួមអ្នកប្រជាធិបតេយ្យរវាង អ្នកប្រជាធិបតេយ្យនេះក៏ជាឆន្ទះរបស់ប្រជាពលរដ្ឋខ្មែររបស់យើងផងដែរ
ដើម្បីបញ្ចប់អំណាចផ្តាប់ការនៅកម្ពុជាឲ្យខានតែបាន ។ ជាមួយគ្នានោះ លោក គង់ គាំ
ក៏បានជំរាបដោយស្នើសុំឲ្យថ្នាក់ដឹកនាំនៅមូលដ្ឋានទាំងអស់របស់គណបក្ស សម រង្ស៊ី
និងគណបក្ស សិទ្ធិមនុស្ស ធ្វើការងាររួមបញ្ចូលគ្នាដើម្បីជាសម្លេងតែមួយ ក្នុងការតទល់ជាមួយ
និងគណបក្សកាន់អំណាចសព្វថ្ងៃនេះ ។ លោកថាយើងបានឃើញហើយ រដ្ឋាភិបាលសព្វថ្ងៃ
គឺគេមិនបានគិតគូប្រជាពលរដ្ឋខ្លួនជាធំនោះទេ គឺគេគិតតែពីអំណាចរបស់ពួកគេជាធំតែប៉ុណ្ណោះ
។ ជាមួយគ្នានោះប្រជាពលរដ្ឋខ្លះរកព្រឹកខ្វះល្ងាច រកល្ងាចខ្វះព្រឹក ហើយអ្នកខ្លះទៀតមានដីតែមួយដុំក៏ត្រូវបានរដ្ឋអំណាចរបស់គណបក្សប្រជាជនរំលោភយកគ្មានសល់ផងដែរ
រីឯ ព្រៃឈើ រ៉ែ ដែលជាសម្បត្តិដ៏មានតម្លៃរបស់ជាតិ ក៏ត្រូវបានអ្នកមានអំណាចសព្វថ្ងៃបំផ្លាញខ្ទិចបំផ្លាញខ្ទី
ហើយប្រជាពលរដ្ឋរស់នៅក្នុងសភាព ខ្លាច ខ្លៅ ហើយនិងឃ្លានតែប៉ុណ្ណោះ ។
ប្រធានស្តីទីរបស់គណបក្ស សម រង្ស៊ី លោក គង់ គាំ ក៏បានជំរាបជូនទៅប្រជាពលរដ្ឋដែលជាអ្នក
គាំទ្រគណបក្ស សង្គ្រោះជាតិ ទៀតផងដែរថា សេចក្តីទុក្ខលំបាករបស់ប្រជាពលរដ្ឋខ្មែររាប់សិបឆ្នាំមកនេះ គឺសមល្មមដល់ពេលត្រូវតែបញ្ចប់នៅឆ្នាំ២០១៣នេះហើយ ។ ពីព្រោះប្រជាពលរដ្ឋខ្មែរ ធ្លាប់ទទួលរងការជិះជាន់ធ្វើបាប ការបណ្តេញចេញទាំងបង្ខំ ដើម្បីរំលោភយកដីធ្លី
ការកើតមានសង្គ្រាមរាំរ៉ៃ
ការរស់នៅក្រោមឥទ្ធិពលគ្រប់គ្រងរបស់បរទេសឈ្លានពាន និងការទទួលរងភាពអយុត្តិធម៌ ដោយសារប្រព័ន្ធតុលាការមិនឯករាជ្យច្រើនណាស់ទៅហើយផងដែរ
។ ហើយលោក
សូមកោតសរសើរប្រជាពលរដ្ឋទាំអស់ដែលបានអញ្ជើញមកចូលរួម និងរួមរស់ជាមួយនិងគណ
បក្សសង្គ្រោះជាតិ ហើយលោកជឿថាបងប្អូនប្រជាពលរដ្ឋទាំងអស់ដែលបានមកចូលរួមជាមួយ
និង គណបក្ស សង្គ្រោះជាតិ គឺជាអ្នកស្នេហាជាតិយ៉ាងពិតប្រាកដ
ព្រោះយើងគ្មានជំរើសអ្វីក្រៅតែអំពីគណបក្ស សង្គ្រោះជាតិទេ ហើយមានតែគណបក្ស
សង្គ្រោះជាតិ តែមួយប៉ុណ្ណោះដែលជាគូរប្រជែងជាមួយនិងគណបក្សប្រជាជនកាន់អំណាចសព្វថ្ងៃ
ក្នុងការបោះឆ្នោតជាតិនៅឆ្នាំ២០១៣ខាងមុខនេះ ។
ព្រោះប៉ូលនៅឆ្នាំ២០១៣នេះគឺមានតែពីរប៉ុណ្ណោះ គឺប៉ូលរបស់អ្នកប្រជាធិបតេ យ្យ គណបក្ស
សង្គ្រោះជាតិ និងប៉ូលរបស់គណបក្សកាន់អំណាចសព្វថ្ងៃដែលដឹកនាំប្រទេសធ្វើ
ឈានទៅរករណ្តៅមរណៈនោះ ។
ហេតុដូចនេះ ដូចអ្វីដែលបានរៀបរាប់មកខាងលើ គណបក្ស សង្គ្រោះជាតិ សូមអំអំពាវនាវឲ្យអ្នកប្រជាធិបតេយ្យទាំងអស់ឈប់រេរៀទៀតសូមអញ្ជើញមកចូលរួមជាមួយនិងគណបក្ស
សង្គ្រោះជាតិ ដែលមានលោក សម រង្ស៊ី ជាប្រធាន និងលោក កឹម សុខា ជាអនុប្រធាន ដើម្បីយើងទាំងអស់គ្នាធ្វើការស្រោចស្រងប្រទេសជាតិរបស់យើង
និងបញ្ចប់អំណាចផ្តាប់ការនៅកម្ពុជាពីគណបក្សប្រជាជនរបស់លោក ហ៊ុន សែន
ឲ្យបាននៅឆ្នាំ២០១៣ ។ ដែលឆ្នាំ២០១៣ អ្នកប្រជាធិបតេយ្យបានដៅរួចហើយថា ត្រូវតែធ្វើការសង្គ្រោះប្រជាពលរដ្ឋ
និងប្រទេសកម្ពុជារបស់យើងឲ្យ បានជាដាច់ខាត ៕
No comments:
Post a Comment
yes