ក្រុមហ៊ុន Apple ប្រហែលជាប្រឈមមុខនឹងការងារលំបាកមួយទៀតក្នុងមោឃៈភាពប៉ាតង់ពីរសម្រាប់បច្ចេកវិទ្យាបញ្ជូនទិន្នន័យដោយឧបរណ៍មិនប្រើខ្សែរបស់ក្រុមហ៊ុន HTC ។ តុលាការពាណិជ្ជកម្មរបស់អាមេរិក បាននិយាយក្នុងសវនការថា រឿងនេះអាចនាំទៅការហាមប្រាមលើការនាំចូលផលិតផល iPad និង iPhone ស៊េរីថ្មីចុងក្រោយ។
ចៅក្រមពាណិជ្ជកម្មអន្តរជាតិរបស់អាមេរិកលោក Thomas Pender បាននិយាយកាលពីថ្ងៃម្សិលមិញក្នុងទីក្រុងវ៉ាស៊ីនតោនថា «ភាពច្បាស់លាស់និងការជឿ គឺត្រូវជាមួយខ្ញុំ ក្នុងន័យសំដៅដល់បទដ្ឋានច្បាប់សម្រាប់កំណត់ថាប៉ាតង់នឹងមិនគួរត្រូវបានគេចេញឲ្យនោះទេ។ ខ្ញុំត្រូវច្បាស់ប្រាកដចំពោះប៉ាតង់នៅអាមេរិក គឺមោឃៈភាព»។
ក្រុមហ៊ុន HTC បានចោទប្រកាន់ក្រុមហ៊ុន Apple ថាបានរំលោភប៉ាតង់ពីររបស់ខ្លួន លើបច្ចេកវិទ្យាបញ្ជូនទិន្នន័យទំហំធំ។ ក្រុមហ៊ុនតៃវ៉ាន់មួយនេះបាន និយាយថាបច្ចេកវិទ្យានោះគឺឡើងដល់ កម្រិត បច្ចេកវិទ្យា ៤G ដែលគេស្គាល់ថាជា LTE ដែលអនុញ្ញាតឲ្យមានការ ទាញយកទិន្នន័យបានកាន់តែលឿន»។
ភាពជោគជ័យនេះអាចអនុញ្ញាតឲ្យ HTC អាចស្វែងរក ការហាមនាំចូលឧបករណ៍ iPad និង iPhone ស៊េរីចុងក្រោយគេ ប្រសិនបើឧបករណ៍ទាំងពីរនោះប្រើប្រាស់បច្ចេកវិទ្យា ៤G LTE នៅពេលពួកវាត្រូវបានដាក់បង្ហាញនៅដើមសប្តាហ៍ក្រោយ។
No comments:
Post a Comment
yes