លោក សម រង្ស៊ី ប្រធានគណបក្សសង្រ្គោះជាតិដែលកំពុងនិរទេសខ្លួននៅក្រៅប្រទេស កាលពីថ្ងៃទី១៧ ខែតុលា ថ្មីៗនេះ បានសរសេរលិខិតមួយច្បាប់មកកាន់លោកនាយករដ្ឋមន្រ្តី ហ៊ុន សែន ដោយស្នើសុំអន្តរាគមន៍ឲ្យលោកបានចូលមកគោរពព្រះវិញ្ញាណក្ខន្ធ ព្រះបរមសព សម្តេចព្រះ នរោត្តម សីហនុ ជាលើកចុងក្រោយ។
លោក សម រង្ស៊ី ប្រធានគណបក្សសង្រ្គោះជាតិ
លិខិតរបស់លោក សម រង្ស៊ី ផ្ញើមកកាន់លោកនាយករដ្ឋមន្រ្តី ហ៊ុន សែន បានសរសេរថា «ខ្ញុំមានសេចក្តីរន្ធត់ និងក្រៀមក្រំយ៉ាងខ្លាំង ដោយព្រះករុណាព្រះបាទសម្តេចព្រះ នរោត្តម សីហនុ ព្រះមហាវីរក្សត្រ ព្រះវររាជបិតា ឯករាជ្យ បូរណភាពទឹកដី និងឯកភាពជាតិខ្មែរ ព្រះអង្គបានយាងចូលព្រះទិវង្គត នៅថ្ងៃទី១៥ រោច ខែភទ្របទ ឆ្នាំរោង ចត្វាស័ក ព.ស ២៥៥៦ ត្រូវនឹងថ្ងៃទី១៥ ខែតុលា ឆ្នាំ២០១២ ក្នុងព្រះជន្មាយុ៩០ព្រះវស្សា ដោយព្រះជរាពាធ។ នៅក្នុងមហាមរណៈទុក្ខនេះ ខ្ញុំសូមសម្តេចមេត្តាជួយធ្វើអន្តរាគមន៍ដោយទឹកចិត្តយោគយល់ដ៏ខ្ពង់ខ្ពស់ ដើម្បីឲ្យរូបខ្ញុំបានទៅគោរពព្រះវិញ្ញាណក្ខន្ធព្រះបរមសព និងបានឃើញព្រះភក្រ្តព្រះអង្គជាចុងក្រោយនៅរាជធានីភ្នំពេញ»។
លិខិតបន្តថា «ជាមួយគ្នានេះ ក្នុងស្ថានភាពដែលព្រះរាជាណាចក្រកម្ពុជារងនូវព្រះអវត្តមានជារៀងរហូត នៃព្រះករុណា ព្រះបាទសម្តេចព្រះ នរោត្តម សីហនុ ព្រះមហាវីរក្សត្រ ព្រះវររាជបិតាឯករាជ្យ បូរណភាពទឹកដី និងឯកភាពជាតិខ្មែរ។ ក្នុងនាមខ្ញុំជាកូនខ្មែរមួយរូប ខ្ញុំយល់ឃើញថា ចាំបាច់ត្រូវតែខ្ញុំខិតខំជួយពង្រឹងការផ្សះផ្សាជាតិ រួបរួមជាតិ ឯកភាពជាតិ និងជួយដោះស្រាយបញ្ហាខ្មែរដោយខ្មែរគ្នាឯង ស្របតាមព្រះរាជតំរិះដ៏ខ្ពង់ខ្ពស់របស់ព្រះអង្គ កាលពីព្រះអង្គនៅមានព្រះជន្ម៕
No comments:
Post a Comment
yes