លោកស្រី អ៊ុងសាន ស៊ូជី កាន់ពានរង្វាន់ Vaclav Havel សម្រាប់ជនប្រឆាំងមានការច្នៃប្រឌិត ពីមូលនិធិសិទ្ធិមនុស្សនៅក្រុងសាន់ ហ្វ្រាន់ស៊ីស្កូ
ក្រុងឡូសអេនចឺលេសៈ និមិត្តរូបក្រុមប្រឆាំងមីយ៉ាន់ម៉ា លោកស្រីអ៊ុងសាន ស៊ូជី បានសម្តែងការ គោរពចំពោះបុគ្គលគំរូអតីតកាលអំពីការផ្លាស់ប្តូរលទ្ធិប្រជាធិបតេយ្យនៅអឺរ៉ុបខាងកើត អាហ្វ្រិកខាងត្បូង និងអាមេរិកឡាទីន នៅ ពេលលោកស្រី បញ្ចប់ទស្សនកិច្ចពីរសប្តាហ៍ នៅអាមេរិក។
ប៉ុន្តែ លោកស្រីបានថ្លែងកាលពីថ្ងៃពុធថា មីយ៉ាន់ម៉ា ត្រូវតែបង្កើតទម្រង់លទ្ធិប្រជាធិបតេយ្យផ្ទាល់ខ្លួន ហើយប្រហែលជានឹងមិនដូចលទ្ធិប្រជាធិបតេយ្យនៅអាមេរិក ដែលកំពុងត្រៀមខ្លួនសម្រាប់ការបោះឆ្នោតប្រធានាធិបតីដែលនៅសល់ ពេលត្រឹមតែប៉ុន្មានសប្តាហ៍ទៀតប៉ុណ្ណោះ។
នៅចំពោះមុខអ្នក គាំទ្ររាប់ពាន់នាក់នៅក្នុងក្រុងឡូស អេនចឺលេស សម្រាប់ការបង្ហាញមុខជាសាធារណៈចុងក្រោយរបស់លោកស្រី មុនពេលលោកស្រីត្រឡប់មកស្រុកវិញពីថ្ងៃពុធ លោកស្រី បានមានប្រសាសន៍ថា៖ «វាមិនអាចដូចលទ្ធិប្រជាធិបតេយ្យអាមេរិកទេ ព្រោះ មីយ៉ាន់ម៉ាមិនមែនអាមេរិក»។
លោកស្រីបានថ្លែងថា៖«រដ្ឋនីមួយៗ មានលទ្ធិប្រជាធិបតេយ្យផ្ទាល់របស់គេ មិនមែនជាអ្វីដែលគេនឹងកំណត់ពីលើមេឃមកទេ។ ខ្ញុំប្រឆាំងជានិច្ចកាលនឹងអ្វីដែលហៅថាលទ្ធិប្រជាធិបតេយ្យមានវិន័យដែលគាំទ្រដោយយោធា»។
លោកស្រីស៊ូជី ដែលបានចំណាយពេល១៥ឆ្នាំស្ថិតក្រោមការឃុំខ្លួននៅក្នុងផ្ទះរហូតដល់មាន ការដោះលែង កាលពីឆ្នាំ២០១០ បានមកដល់អាមេរិកកាលពីថ្ងៃទី១៧ កញ្ញា សម្រាប់ដំណើរការប្រវត្តិសាស្រ្ត ដែលមានជំនួបជាមួយលោកប្រធានាធិបតី បារ៉ាក់ អូបាម៉ា នៅសេតវិមានផងដែរ។
លោកស្រី វ័យ៦៧ឆ្នាំដែលបានទទួលពានរង្វាន់ណូបែលសន្តិភាពឆ្នាំ១៩៩១ ថ្វីបើលោកស្រី បានទទួលវាដោយផ្ទាល់កាលពីខែមិថុនាក្នុងឆ្នាំនេះក្តី ក៏បានជួបរដ្ឋមន្រ្តីការបរទេសអាមេរិក លោកស្រី ហ៊ីឡារី គ្លីនតុនផងដែរ។
បន្ទាប់ពីនួបនៅវ៉ាស៊ីនតោន និងនៅបុរីញូវយ៉ក លោកស្រី ក៏បានធ្វើដំណើរទៅរដ្ឋកេនតាក់គី និងរដ្ឋអ៊ីនដាយអាណា និងបានបំពេញទស្សនកិច្ចនៅសាកលវិទ្យាល័យ យែល និង ហាវើដ ផងដែរ មុនពេលព្រឹត្តិការណ៍សាធារណៈនៅ San Franciscoពីចុងសប្តាហ៍។
ក្នុងអំឡុងទស្សនកិច្ចទៅអាមេរិក មេដឹកនាំមីយ៉ាន់ម៉ាលោក ថេន សេន បានថ្លែងក្នុងបទសម្ភាសជាមួយនឹងទូរទស្សន៍ប៊ីប៊ីស៊ីថា លោក នឹងទទួលយកលោកស្រី ស៊ូជី ជាប្រធានាធិបតី បើសិនជាប់ឆ្នោត ថ្វីបើលោក បានថ្លែងថា លោក តែឯងមិនអាចធ្វើវិសោធនកម្មច្បាប់ដែលបានរារាំងលោកស្រីមិនឲ្យ កាន់អំណាចក្តី៕
No comments:
Post a Comment
yes