ក្រុងដិនវឺៈ លោកមីត រ៉ុមនី ឆេវឆាវបានប្រយុទ្ធតទល់នឹងប្រធានាធិបតីអាមេរិកលោក បារ៉ាក់ អូបា ម៉ាកាលពីរាត្រីថ្ងៃព្រហស្បតិ៍ ហើយ បេក្ខជនបក្សសាធារណរដ្ឋរូបនេះ ទំនងជាបានដកដង្ហើមជីវិតថ្មីក្នុងយុទ្ធនាការដ៏លំបាករបស់លោកជាមួយនឹងការបង្ហាញ សមត្ថភាពដ៏រឹងមាំនៅឯកិច្ចពិភាក្សាដេញដោលលើកដំបូងរបស់ពួកគេ។
ខណៈដែលការស្ទង់មតិ បាន បង្ហាញថា លោកអូបាម៉ា នាំមុខបន្តិចក្នុងចំណោមអ្នកបោះឆ្នោត លោករ៉ុមនី បានវាយលុកពេញ៩០នាទីនៃការតទល់គ្នា រវាងគូប្រជែងទាំងពីរ នៅឯសកលវិទ្យា ល័យដិនវឺ។
ដោយម្ខាងម្នាក់ជាលើកដំបូងបន្ទាប់ពីយុទ្ធនាការវាយប្រហារគ្នាដ៏សាហាវជាច្រើនខែ អ្នកទាំងពីរ បានប៉ះទង្គិចគ្នាជុំវិញការយកពន្ធ សេវាកម្មសុខាភិបាល និងតួនាទីរដ្ឋាភិបាល ដោយឆ្លុះបញ្ចាំងពីការបែកបាក់គ្នាខាងមនោគមវិជ្ជាដ៏ជ្រាលជ្រៅនៅវ៉ាស៊ីនតោន។
ទំនងជាបានប្រុងប្រៀបជាមុនបានល្អ លោក រ៉ុមនី បានផ្តោតលើកំណើនសេដ្ឋកិច្ចខ្សោយ និងអត្រាគ្មានការងារធ្វើ៨,១ភាគរយ ដែលបានធ្វើឲ្យលោក អូបាម៉ា ងាយនឹងរងគ្រោះ នៅក្នុងកិច្ចប្រឹងប្រែងរបស់លោកដើម្បីឈ្នះអាណត្តិ៤ឆ្នាំ ជាលើកទីពីរ។
No comments:
Post a Comment
yes