.jpg "វៀតណាម សម្តែងនូវសេចក្តីក្រៀមក្រំ និងសោកស្តាយឥតឧបមា ចំពោះព្រះមហាវីរក្សត្រកម្ពុជា")
លោក ង្វៀន តាន់យុង (Nguyen Tan Dung) នាយករដ្ឋមន្ត្រីវៀតណាម
ភ្នំពេញ: “រដ្ឋាភិបាល ប្រជាជន និងថ្នាក់ដឹកនាំវៀតណាមទាំងអស់ មានសេចក្តីក្រៀមក្រំ និងសោកស្តាយឥតឧបមា ចំពោះព្រះរាជបិតាជាតិកម្ពុជា សម្តេចព្រះមហាវីរក្សត្រ ព្រះករុណា ព្រះបាទសម្តេចព្រះ នរោត្តម សីហនុ។ វៀតណាម ក៏បានចាត់ទុកព្រះករុណា សម្តេចព្រះមហាវីរក្សត្រ ថាជាមហាមិត្តរបស់វៀតណាម”។ នេះបើតាមនាយករដ្ឋមន្ត្រីវៀតណាម លោក ង្វៀន តាន់យុង។
លោក ង្វៀន តាន់យុង ( Nguyen Tan Dung ) បានប្រកាសដូច្នេះ នៅចំពោះមុខសម្តេចនាយករដ្ឋមន្ត្រី ហ៊ុន សែន ក្នុងកិច្ចប្រជុំដោយបិទទ្វារ កាលពីរសៀលថ្ងៃទី១៩ ខែតុលា ឆ្នាំ២០១២ ខណៈដែលនាយករដ្ឋមន្ត្រីវៀតណាម បានដឹកនាំគណៈប្រតិភូមួយក្រុម មកកាន់រាជធានីភ្នំពេញ ដើម្បីគោរពព្រះវិញ្ញាណក្ខន្ធសម្តេចព្រះមហាវីរក្សត្រ ព្រះករុណា សម្តេចព្រះ នរោត្តម សីហនុ នៅក្នុងព្រះបរមរាជវាំង។
លោក ង្វៀន តាន់យុង ( Nguyen Tan Dung ) បានប្រកាសដូច្នេះ នៅចំពោះមុខសម្តេចនាយករដ្ឋមន្ត្រី ហ៊ុន សែន ក្នុងកិច្ចប្រជុំដោយបិទទ្វារ កាលពីរសៀលថ្ងៃទី១៩ ខែតុលា ឆ្នាំ២០១២ ខណៈដែលនាយករដ្ឋមន្ត្រីវៀតណាម បានដឹកនាំគណៈប្រតិភូមួយក្រុម មកកាន់រាជធានីភ្នំពេញ ដើម្បីគោរពព្រះវិញ្ញាណក្ខន្ធសម្តេចព្រះមហាវីរក្សត្រ ព្រះករុណា សម្តេចព្រះ នរោត្តម សីហនុ នៅក្នុងព្រះបរមរាជវាំង។
ជំនួបរវាងសម្តេចតេជោ នាយករដ្ឋមន្ត្រី ហ៊ុន សែន ជាមួយនឹងលោក ង្វៀន តាន់យុង នាយករដ្ឋមន្ត្រីវៀតណាម ត្រូវបានលោក អៀង សុផល្លែត ជំនួយការផ្ទាល់សម្តេចនាយករដ្ឋមន្ត្រី ហ៊ុន សែន បានថ្លែងប្រាប់ក្រុមអ្នកកាសែតថា លោកនាយករដ្ឋមន្ត្រី វៀតណាម ង្វៀន តាន់យុង បានជម្រាបជូនសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ថា "បន្ទាប់ពីបានទទួលដំណឹងអំពីការចូលទិវង្គតរបស់ព្រះករុណា ព្រះមហាវីរក្សត្រកម្ពុជា, រដ្ឋាភិបាល ប្រជាជន ថ្នាក់ដឹកនាំវៀតណាមទាំងអស់ មានសេចក្តីក្រៀមក្រំ និងសោកស្តាយឥតឧបមា ចំពោះព្រះរាជបិតាជាតិកម្ពុជា ហើយដែលជាមហាមិត្តរបស់វៀតណាម"។
លោក អៀង សុផល្លែត ក៏បានបន្ថែមថា “ឯកឧត្តម ( លោកនាយករដ្ឋមន្ត្រីវៀតណាម ) បានមានប្រសាសន៍ថា ឯកឧត្តមដឹកនាំគណៈប្រតិភូ មកកាន់កម្ពុជា នាពេលនេះ គឺតំណាងឲ្យរដ្ឋាភិបាល និងគណបក្សកុម្មុយនីស្តវៀតណាម ប្រជាជនវៀតណាមទាំងអស់ ដើម្បីសូមរំលែកព្រះរាជមរណទុក្ខជាមួយនឹងរដ្ឋាភិបាលកម្ពុជា ក៏ដូចជាមួយនឹងព្រះរាជវង្សានុវង្សកម្ពុជា ក៏ដូចជាប្រជាជនកម្ពុជាទាំងអស់ ដែលកំពុងតែទទួលនូវការក្រៀមក្រំ ចំពោះការបាត់បង់នូវព្រះរាជបិតាជាតិនេះ”។
លោក អៀង សុផល្លែត ក៏បានបន្ថែមថា ជាការឆ្លើយតប សម្តេចនាយករដ្ឋមន្ត្រី ហ៊ុន សែន បានថ្លែងអំណរគុណចំពោះថ្នាក់ដឹកនាំគណបក្ស ថ្នាក់ដឹកនាំរដ្ឋាភិបាល និងប្រជាជនវៀតណាម ព្រមទាំងគណៈប្រតិភូទាំងមូល ដែលបានអញ្ជើញមកកម្ពុជា ដើម្បីគោរពព្រះវិញ្ញាណក្ខន្ធរបស់ព្រះករុណា សម្តេចព្រះមហាវីរក្សត្រកម្ពុជាពេលនេះ។
ដោយឡែក នៅរសៀលថ្ងៃសុក្រ ទី១៩ ខែតុលា ឆ្នាំ២០១២ សម្តេចនាយករដ្ឋមន្ត្រី ហ៊ុន សេន ក៏បានទទួលជួបលោកនាយករដ្ឋមន្ត្រីឡាវ ថងស៊ីង ថាំម៉ាវង់ ( Thongsing Thammavong ) នៅវិមានសន្តិភាពផងដែរ។
លោក អៀង សុផល្លែត បានមានប្រសាសន៍ថា លោកនាយករដ្ឋមន្ត្រីឡាវ បានជម្រាបជូនសម្តេចនាយករដ្ឋមន្ត្រីថា តាងនាមឲ្យប្រជាជនឡាវ លោកសូមគោរពសម្តែងព្រះមរណទុក្ខយ៉ាងក្រៀមក្រំជាទីបំផុត ចំពោះការចូលទិវង្គតរបស់ព្រះករុណា ព្រះមហាវីរក្សត្រ សម្តេចព្រះ នរោត្តម សីហនុ។ លោកនាយករដ្ឋមន្ត្រីឡាវ ក៏សូមចូលរួមរំលែកព្រះទុក្ខ ជាមួយនឹងរាជរដ្ឋាភិបាលកម្ពុជា ព្រះរាជវង្សានុវង្ស និងប្រជាជនកម្ពុជាទាំងអស់ ក្នុងឱកាសដ៏ក្រៀមក្រំនេះ។
ជាការឆ្លើយតបសម្តេចអគ្គមហាសេនាបតីតេជោ ហ៊ុន សែន បានថ្លែងអំណរគុណយ៉ាងជ្រាលជ្រៅជូនចំពោះលោកនាយករដ្ឋមន្ត្រីឡាវ ថងស៊ីង ថាំម៉ាវង់ និងគណៈប្រតិភូ រួមទាំងថ្នាក់ដឹកនាំឡាវទាំងអស់ ដែលបានសម្តែងនូវការចូលរួមរំលែកព្រះមរណទុក្ខ ជូនចំពោះព្រះមហាវីរក្សត្រកម្ពុជា និងដឹកនាំប្រតិភូ មកគោរពព្រះវិញ្ញាណក្ខន្ធរបស់ព្រះករុណា សម្តេចព្រះមហាវីរក្សត្រកម្ពុជា។
សូមរម្លឹកថា នៅរសៀលម៉ោង ៤ ថ្ងៃសុក្រនេះ សម្តេចនាយករដ្ឋមន្ត្រី ហ៊ុន សែន ក៏ត្រូវទទួលជួបលោកស្រី យ៉ីងឡាក់ ស៊ីណាវ៉ាត់ នាយករដ្ឋមន្ត្រីថៃ នៅវិមានសន្តិភាពផងដែរ។
លោកនាយករដ្ឋមន្ត្រីវៀតណាម នាយករដ្ឋមន្ត្រីឡាវ និងលោកស្រីនាយករដ្ឋមន្ត្រីថៃ បានធ្វើដំណើរ ដាច់ដោយឡែក ជាបន្តបន្ទាប់ មកកាន់រាជធានីភ្នំពេញ នារសៀលថ្ងៃសុក្រ ទី១៩តុលា ឆ្នាំ២០១២ ដើម្បីចូលគោរពព្រះវិញ្ញាណក្ខន្ធសម្តេចព្រះមហាវីរក្សត្រ សម្តេចព្រះ នរោត្តម សីហនុ នៅក្នុងព្រះបរមរាជវាំង ក្នុងរាជធានីភ្នំពេញ៕
No comments:
Post a Comment
yes