ភ្នំពេញៈ ក្រោយពីចំណាយពេលជាង ៣ម៉ោងក្នុងសវនាការកាលពីព្រឹកថ្ងៃទី១ ខែកញ្ញាឆ្នាំ២០១២នេះ ចៅក្រមជំនុំជម្រះរឿងក្តីលោកម៉ម សូណង់ដូបានប្រកាសសាលក្រមសម្រេចផ្តទ្ទាទោស លោកម៉ម សូណង់ដូ ឲ្យជាប់ពន្ធនាគារចំនួន ២០ឆ្នាំ និងបង់ពិន័យ១០លានរៀលពីបទនៅពីក្រោយខ្នងក្នុងការបង្កើតតំបន់អបគមន៍ក្នុងរឿងជម្លោះដីធ្លីមួយនៅខេត្តក្រចេះ។
ចំណែកប៊ុន រដ្ឋា ដែលជាមេខ្លោងទីពីរនិងកំពុងគេចខ្លួន ត្រូវបានតុលាការកាត់ទោសឲ្យជាប់ពន្ធនាគារ ៣០ឆ្នាំ និងបង់ពិន័យ ១០លានរៀល និងគូកន៣នាក់ទៀតក៏ត្រូវជាប់ពន្ធនាគារពី ១០ខែទៅ៣ឆ្នាំ ផងដែរ។
សវនាការលោកម៉ម សូណង់ដូ ត្រូវបានអង្គការសង្គមស៊ីវិលមួយចំនួនចាត់ទុកថា ជាការពាក់ពន្ធនឹងរឿងនយោបាយ។ ចំណែកឯប្រជាពលរដ្ឋដែលគាំទ្រលោកម៉ម សូណង់ដូ ត្រូវបានសមត្ថកិច្ចរារាំងមិនឲ្យចូលស្តាប់សវនាការនោះ បានឈរនៅខាងក្រៅលើកបដា ស្រែកទាមទារឲ្យមានការដោះលែងលោកម៉ម សូណង់ដូផងដែរ។
សូមបញ្ជាក់ថាលោកម៉ម សូណង់ដូ ប្រធានសមាគមអ្នកប្រជាធិបតេយ្យ និងជានាយកវិទ្យុសំបុកឃ្មុំ ត្រូវបានសមត្ថកិច្ចចាប់ខ្លួននៅគេហដ្ឋានរបស់លោកកាលពីព្រឹកថ្ងៃ ទី១៥ ខែកក្កដា ឆ្នាំ២០១២និង ត្រូវបានតុលាការដំបូងរាជធានីភ្នំពេញ បើកសវនាការក្តីកាត់ នៅថ្ងៃទី១១ ដល់ថ្ងៃទី១៣ ខែកញ្ញាកន្លងមក ដោយចោទប្រកាន់៤ករណី រួមមាន៖ ទី១-បទផ្តួចផ្តើមគំនិតប្រឆាំងអ្នករាជការសាធារណៈ ទី២-ធ្វើកុបកម្ម ជ្រៀតជ្រែកខុសច្បាប់ នៅក្នុងការបំពេញមុខងារសាធារណៈ ទី៣-ញុះញង់ឲ្យប្រជាពលរដ្ឋកាន់កាប់អាវុធខុសច្បាប់ និងទី៤-ប្រឆាំងនឹងអាជ្ញាធរស្របច្បាប់ ដែលមានចែងក្នុងមាត្រាមួយចំនួននៃក្រមព្រហ្មទណ្ឌ។
No comments:
Post a Comment
yes