.jpg)
ធាតុរបស់យុវជន លឹម ពិសិទ្ធិ ដែលបានស្លាប់នៅលើភ្នំអេវើរ៉េស នៅប្រទេសនេប៉ាល់បានបញ្ជូនមកដល់ប្រទេសកម្ពុជាហើយកាលពីព្រឹកមិញនេះ ដោយចុះតាមប្រលានយន្តហោះពោធិចិនតុង ដោយគ្រួសារសពបានរៀបចំពិធីសូត្រមន្តទទួលនៅទីនោះតែម្ដង។
លោកស្រី ត្រូវជាម្ដាយលោក លឹម ពិសិទ្ធ បាននិយាយទាំងទ្រហោយំបោកខ្លួនដោយដៃឱបធាតុកូនប្រុសគាត់ថា កូនរបស់អ្នកស្រីជាមនុស្សចិត្តល្អ និងចេះជួយយកអាសាអ្នកដទៃខ្លាំងណាស់។ អ្នកស្រី បន្ថែមថា តាំងពី ពិសិទ្ធ ទើបប្រឡងជាប់បាក់ឌុប ហើយមករៀនបន្តនៅភ្នំពេញបាន១ឆ្នាំ យុវជនរូបនេះចាំផ្ដើមមានការងារធ្វើ និងបានផ្លាស់ប្ដូរពីកន្លែងមួយទៅកន្លែងមួយទៀតរហូតមានការរីកចម្រើន។ ពិសិទ្ធ ជាមនុស្សដែលមានការរាប់អានច្រើនពីមិត្តភ័ក្ដិ និងបានជួយសម្រាលបន្ទុករបស់អ្នកស្រីតាមរយៈការជួយឧបត្ថម្ភប្អូនៗពីនាក់របស់លោកឲ្យបានរៀនសូត្រ។
លោកស្រីបានបន្តទៀតថា ក្នុងចំណោមកូន ៥នាក់ លឹម ពិសិទ្ធ ជាកូនម្នាក់ ដែលចូលចិត្តដើរលេង ហើយមិនសូវផ្ដល់ដំណឹងទេ ទាល់តែកៀកជិតដល់ថ្ងៃចេញដំណើរទើបប្រាប់លោកស្រីឲ្យដឹងដំណឹង ដែលសរុបមកដល់ពេលនេះ គិតទាំងប្រទេសនេប៉ាល់ទៀត ពិសិទ្ធ បានទៅប្រមាណជាង ២០ប្រទេសហើយ។ សម្រាប់ លើកនេះ ពិសិទ្ធ បានចេញទៅតាំងពីថ្ងៃទី១៣ មុនភ្ជុំហើយគេប្រាប់ថា មិនបានទៅលេងភ្ជុំបិណ្ឌនៅស្រុកកំណើតទេ ហើយបែរជាទទួលដំណឹងអកុសលបែបនេះទៅវិញ។ ប៉ុន្តែយ៉ាងណាក៏ដោយ ចំពោះបំណងឡើងភ្នំអេវើរ៉េស របស់លឹម ពិសិទ្ធ ត្រូវបានបងថ្លៃ បញ្ជាក់ថា “ជាបំណងប្រាថ្នារបស់គេតាំងពីនៅវ័យ១៥មកម្ល៉េះ”។
ក្រោយពេលធ្វើពិធីតាមសាសនាចប់សព្វគ្រប់ហើយ លោកស្រី បានបញ្ជាក់ថា នឹងយកធាតុនេះ ទៅតម្កល់នៅ វត្តពួក ស្រុកពួក ខេត្តសៀមរាប ដែលជាស្រុកកំណើត៕
No comments:
Post a Comment
yes