លោក សម រង្ស៊ី ជួបជាមួយប្រជាពលរដ្ឋខ្មែរនៅកាណាដា ជាលក្ខណៈមិត្តភាព
នាពេលកន្លងមក
លោក សម រង្ស៊ី ប្រធានគណបក្ស សង្គ្រោះជាតិ
ដែលកំពុងតែជាប់បំពេញបេសកកម្មការងារ នៅលើទឹកដីនៃប្រទេសកាណាដា
និងជួបសំណេះសំណាលជាមួយប្រជាពលរដ្ឋខែ្មរ ដែលជាអ្នកគាំទ្រគណបក្ស សង្គ្រោះជាតិ
នៅថ្ងៃនេះ ដែលតាមការគ្រោងទុកគឺមានវត្តមានប្រជាពលរដ្ឋចូលរួមយ៉ាងច្រើនកោះករ ។
លោក សម រង្ស៊ី
ដែលជាប្រធានគណបក្សប្រឆាំងដ៏មានប្រជាប្រិយភាព នៅគ្រប់តំបន់ និងធ្វើ
ការជំរាបជូនជនរួមជាតិដែលមានដើមកំណើតខ្មែររស់នៅប្រទេសកាណាដា អំពីបង្ហាស្ថាន
ការណ៏នយោបាយថ្មីនៅក្នុងប្រទេសកម្ពុជា និងកិច្ចការងាររបស់លោកនៅលើឆាកអន្តរជាតិ
ដែលបាននិងកំពុងតែមានការគាំទ្រពីអន្តរជាតិយ៉ាងខ្លាំងនោះ ។
លោក សម រង្ស៊ី ត្រូវបានគេមើលឃើញថា
ជាបេក្ខភាពក្នុងការប្រគួតប្រជែងជាមួយនិងលោក ហ៊ុន សែន ដ៏សាកសមបំផុត
ព្រោះរបត់នយោបាយកម្ពុជាសព្វថ្ងៃ គណបក្សដែលត្រូវប្រគួត
ប្រជែងគ្នាក្នុងការបោះឆ្នោតឆ្នាំ២០១៣គឺមានតែពីរប៉ុណ្ណោះ គឺគណបក្ស សង្គ្រោះជាតិ ដែល
មានរូបលោក សម រង្ស៊ី ជាប្រធាន និងគណបក្សប្រជាជនរបស់លោក ហ៊ុន សែន
កាន់អំណាចសព្វថ្ងៃ ។
ជាមួយគ្នានោះបើយោងតាមការព្យាករណ៏របស់អ្នកតាមដានស្ថានការណ៏នយោបាយនៅក្នុងប្រទេសកម្ពុជាពួកគេបានលើកឡើងថា
លទ្ធផលនៃការបោះឆ្នោតជាតិនៅឆ្នាំ២០១៣ គណបក្ស សង្គ្រោះជាតិ
ដែលកើតឡើងពីការរួមបញ្ចូលគ្នាជាសម្លេងតែមួយរវាងគណបក្ស សម រង្ស៊ី និងគណបក្ស
សិទ្ធិមនុស្ស ដែលមានលោក សម រង្ស៊ី ជាប្រធាន និងលោក កឹម សុខា ជា អនុប្រធាន
និងទទួលបានជ័យជំនះលើការបោះឆ្នោតនៅឆ្នាំ២០១៣ ពីព្រោះប្រជាពលរដ្ឋពួក
គាត់បានយល់កាន់តែច្បាស់ ចំពោះការដឹកនាំប្រទេសរបស់គណបក្សប្រជាជនអស់រយៈពេលជាង៣០ឆ្នាំមកនេះ
មិនបានដឹកនាំប្រទេសឲ្យមានការរីកចំរើនអ្វីជាដុំកំភួននោះឡើយ ក្រៅតែអំពីការបង្កើតឲ្យមានអំពើពុករលួយ
ការរិយាធិបតេយ្យកាន់តែខ្លាំងឡើងៗ ក៏ដូចជាការរំលោភសិទ្ធិមនុស្ស
ការធ្វើឲ្យលទ្ធិប្រជាធិបតេយ្យកាន់តែដើរថយក្រោយ និងការ លួចឆក់ប្លន់ដីធ្លីរបស់ប្រជាពលរដ្ឋខ្លួនឯង
យកទៅប្រគល់ឲ្យអ្នកមានលុយ មានអំណាច មន្រ្តី ទុច្ចរឹតពុករលួយ ពិសេសគឺក្រុមហ៊ុនឯកជន
ក្នុងនោះមានក្រុមហ៊ុនយួន និងចិនច្រើនជាងគេ ។ តែអ្វីដែលជាការផ្តល់អាត់ទិភាពភាពខ្អស់នោះគឺក្រុមហ៊ុនយួន
រួមជាមួយនិងការបើកដៃឲ្យអន្តោប្រវេសន៏យួន ចូលមករស់នៅទឹកដីខ្មែរកាន់តែច្រើនឡើង
និងពិសេសជាងនេះទៅទៀតនោះ គឺគណបក្សប្រជាជន បានធ្វើឲ្យបាត់បង់នូវបូរណភាពទឹកដី
ចូលទៅក្នុងប្រទេសយួនអស់ជាច្រើន ទាំងតាមរយៈការបោះបង្គោលព្រំដែន
និងការកាត់ដីខ្មែរដូរឲ្យទៅយួន ដែលទាំងអស់នេះគឺជាកំហុសមួយដ៏ធ្ងន់ធ្ងរបំផុតរបស់លោក
ហ៊ុន សែន មិនគួរលើកលែងទោសបានឡើយ ។
លោក សម រង្ស៊ី ដែលសព្វថ្ងៃកំពុងតែរស់នៅនិទ្ទេសខ្លួននៅក្រៅប្រទេស
បាននិងកំពុងតែធ្វើ ការជាមួយអន្តរជាតិ យ៉ាងយកចិត្តទុកដាក់ជាទីបំផុត ក្នុងការធ្វើយ៉ាងណាដើម្បីស្វែងរកសេចក្តីសុខ
ជូនប្រជាពលរដ្ឋកម្ពុជា និងប្រទេសជាតិ ក្នុងការទាមទារឲ្យមេដឹកនាំសព្វថ្ងៃគោរពតាមស្មារតី
នៃកិច្ចព្រមព្រៀងសន្តិភាពទីក្រុងប៉ារីស ថ្ងៃទី២៣ ខែតុលា ឆ្នាំ១៩៩១ ដែលក្នុងនោះលោក
ហ៊ុន សែន ផ្ទាល់ ក៏ជាម្ចាស់ហត្ថលេខី ក្នុងការចុះហត្ថលេខាលើកិច្ចព្រមព្រៀងសន្តិភាពទីក្រុងប៉ារីសស្តីពីកម្ពុជា
ផងដែរ ។
គណបក្ស សង្គ្រោះជាតិ ដែលមានលោក សម រង្ស៊ី ជាប្រធាន
គឺបានប្រកាសជំហ៊ររបស់ខ្លួន រួចហើយថា និងស្វែងរកការបង្រួបបង្រួមរវាងខ្មែរនិងខ្មែរ
និងមិនយកខ្មែរណាម្នាក់ធ្វើជាសត្រូវ នោះឡើយ មួយវិញទៀតគណបក្ស សង្គ្រោះជាតិ
គឺមានគោលនយោបាយច្បាស់លាស់ក្នុងការធ្វើឲ្យប្រទេសជាតិមានការរីកចំរើន
និងប្រជាពលរដ្ឋរស់នៅបានធូធារគ្រប់គ្នា ក្នុងជីវភាព មួយដ៏សមរម្យ ព្រោះក្នុងជាគណបក្ស
សង្គ្រោះជាតិ មានថ្នាក់ដឹកនាំជាច្រើនរូបដែលមានជំនាញទាំងអស់នេះ
ហេតុដូចនេះគ្មានរឿងអ្វីដែលត្រូវព្រួយបារម្ភថា ប្រទេសកម្ពុជាក្រោមការ
ដឹកនាំរបស់គណបក្ស សង្គ្រោះជាតិ មិនអាចនិងមិនរីកចំរើនលូតលាស់ និងមិនមានការអភិវឌ្ឍន៏
រួមទាំងធ្វើឲ្យប្រជាពលរដ្ឋរស់នៅក្នុងជីវភាពធូធារមិនបាននោះឡើយ ។
អ្វីទាំងអស់នេះហើយ ទើបបានធ្វើឲ្យប្រជាពលរដ្ឋខ្មែរដែលជាអ្នកស្នេហាជាតិ
ស្រលាញ់លទ្ធិ ប្រជាធិបតេយ្យ បានងាកមកគាំទ្រ និងចូលរួមជាមួយគណបក្ស សង្គ្រោះជាតិ ដែលមានចំនួន
កាន់តែច្រើនឡើងៗពីមួយថ្ងៃទៅមួយថ្ងៃ ដែលសន្ទុះនេះ ធ្វើឲ្យគណបក្សកាន់អំណាចព្រួយបារម្ភពីការចាញ់ឆ្នោតនៅឆ្នាំ២០១៣ជាខ្លាំង
ហើយសន្ទុះនៃការគាំទ្ររបស់ប្រជាពលរដ្ឋខ្មែរមក លើគណបក្ស សង្គ្រោះជាតិ
មិនត្រឹមតែនៅក្នុងប្រទេសកម្ពុជានោះទេ គឺបានហៀរហូរទៅដល់
ប្រជាពលរដ្ឋខ្មែររស់នៅក្រៅប្រទេសផងដែរ ។
គួរជំរាបជូនផងថា គណបក្ស សង្គ្រោះជាតិ ជារៀងរាល់ថ្ងៃមិនត្រឹមតែទទួលបានប្រជាពលរដ្ឋដែលជាអ្នកគាំទ្រ
និងស្រលាញ់គោលនយោបាយរបស់គណបក្ស សង្គ្រោះជាតិ មកចូលរួម ជាមួយនិងគណបក្ស
សង្គ្រោះជាតិឡើយ ក្នុងនោះគណបក្ស សង្គ្រោះជាតិ ក៏ទទួលបានការ
អញ្ជើញមកចូលរួមពីសំណាក់ឥស្សរជននយោបាយឆ្នើមៗពីគ្រប់គណបក្សនយោបាយ និងជា ស្ថាបនិក
ថ្នាក់ដឹកនាំកំពូលរបស់គណបក្សទាំងអស់នោះមកចូលរួមជាមួយនិងគណបក្ស សង្គ្រោះជាតិ ថែមទៀតផង
។ ទាំងអស់នេះបង្ហាញឲ្យឃើញថា ពន្លឺនៃជ័យជំនះក្នុងការបោះ ឆ្នោតនៅឆ្នាំ២០១៣
និងធ្លាក់មកលើគណបក្ស សង្គ្រោះជាតិ យ៉ាងពិតប្រាកដដែលមិនអាច ប្រកែកបានឡើយ
ហើយគណបក្សប្រជាជនកាន់អំណាចសព្វថ្ងៃ និងក្លាយទៅជាអ្នកចាញ់យ៉ាងអាម៉ាស់ជាទីបំផុត
ដែលទាំងអស់នោះគឺជាលទ្ធផលដែលពួកគេបានធ្វើអំពើអាក្រក់មក លើប្រជាពលរដ្ឋ និងប្រទេសជាតិ
។
សូមជំរាបជូនផងដែរថា នៅថ្ងៃនេះពេលព្រឹកចាប់ពីម៉ោង៩
រហូតដល់ម៉ោង១២ថ្ងៃត្រង់ លោក សម រង្ស៊ី
និងជួបសំណេះសំណាលជាមួយប្រជាពលរដ្ឋខ្មែរអ្នកស្នេហាជាតិ ស្រលាញ់លទ្ធិប្រ ជាធិបតេយ្យ
និងជាអ្នកគាំទ្រគណបក្ស សង្គ្រោះជាតិ នៅវត្ត ធម្មិការាម ក្រុងម៉ុងរ៉េអាល់ ខេត្ត
កេប៊ិច ប្រទេសកាណាដា និងនៅពេលរសៀលលោក សម រង្ស៊ី
និងជួបជាមួយប្រជាពលរដ្ឋដែលជាអ្នកគាំទ្រចាប់ពីវេលាម៉ោង២រសៀល រហូតដល់ម៉ោង៦រសៀល
នៅសាល Centre
Ga bril elle-Roy ( Sint-Michel ) ហើយនៅពេលយប់ចាប់ពីវេលាម៉ោង៦រហូតដល់ម៉ោង៩និង៣០
នាទីយប់លោក សម រង្ស៊ី និងលោកស្រី ជូឡុង ស៊ូម៉ូរ៉ា ដែលជាភរិយាដ៏ឧត្តងឧត្តមរបស់លោក
និងចូលរួមក្នុងពីធីបុណ្យបង្សុកូលគោរពដល់ដួងព្រះវិញ្ញាណក្ខ័ន្ធរបស់ព្រះករុណា
ព្រះបាទ នរោត្តម សីហនុ
ជាមួយប្រជាពលរដ្ឋខ្មែរដែលបានចូលរួមនៅក្នុងកម្មវិធីសំណេះសំណាល នោះផងដែរ ។
ចំណែកឯនៅសហរដ្ឋអេមរិកវិញ លោកស្រី មូរ សុខហួរ
ប្រធានអគ្គលេខាធិការ ចលនាប្រជា ធិបតេយ្យសង្គ្រោះជាតិ និងលោក ប៉ុល ហំម
ដែលជាអនុប្រធានបណ្តោះអាសន្នគណបក្ស សង្គ្រោះជាតិ
ក៏និងជួបសំណេះសំណាលជាមួយប្រជាពលរដ្ឋខ្មែររស់នៅសហរដ្ឋអាមេរិក នៅថ្ងៃនេះផងដែរ
ចាប់ពីវេលាម៉ោង៥ល្ងាច រហូតដល់ម៉ោង១២អាធ្រាត នៅរដ្ឋវ៉ាស៊ីនតុន សហរដ្ឋអាមេរិក ។
ចំណែកឯនៅក្នុងប្រទេសកម្ពុជាវិញ កាលពីថ្ងៃទី២៦ និងថ្ងៃទី២៧ ខែតុលា ឆ្នាំ២០១២នេះ លោក
កឹម សុខា អនុប្រធានគណបក្ស សង្គ្រោះជាតិទៅថ្ងៃខាងមុខ ក៏បានអញ្ជើញចុះជួបសំណេះសំណាលជាមួយប្រជាពលរដ្ឋនៅក្នុងខេត្តបាត់ដំបង
តាមបណ្តាស្រុកនីមួយៗផងដែរ ហើយនៅថ្ងៃទី២៨នៅខេត្តបន្ទាយមានជ័យ
នៅថ្ងៃទី២៩នៅខេត្តសៀមរាប និងនៅថ្ងៃទី៣០លោក កឹម សុខា
និងអញ្ជើញទៅជួបសំណេះសំណាលជាមួយប្រជាពលរដ្ឋនៅខេត្តកំពង់ធំ ។ ក្នុងនោះថ្នាក់ដឹកនាំគណបក្ស
សម រង្ស៊ី និងគណបក្ស សិទ្ធិមនុស្ស ក្នុងចលនាប្រជាធិបតេយ្យសង្គ្រោះជាតិ
ក៏បានចុះយុទ្ធនាការដូចគ្នានេះ នៅតាមបណ្តាខេត្ត និងក្រុងនានាមួយចំនួននៅទូទាំងប្រទេសកម្ពុជារៀងរហូតតទៅផងដែរ
៕
No comments:
Post a Comment
yes