លោកណូដា ថ្លែងក្នុងសន្និសីទកាសែត នៅគេហដ្ឋានរបស់លោក
ក្រុងតូក្យូៈ នាយករដ្ឋមន្រ្តីជប៉ុនលោក យូស៊ីហ៊ីកូ ណូដា កាលពីថ្ងៃចន្ទ បានតែងតាំងរដ្ឋមន្រ្តីហិរញ្ញវត្ថុថ្មី ដែលលោកជាអ្នកធ្វើច្បាប់ជាន់ខ្ពស់ដែលធ្លាប់បានធ្វើការជាមួយ លោកលើផែនការដំឡើងពន្ធលក់ នៅក្នុងការរុះរើគណៈរដ្ឋមន្រ្តីដែលគេធ្វើឡើងក្នុងបំណងពង្រឹង ឱកាសរបស់បក្សកាន់អំណាច នៅក្នុងការបោះឆ្នោតដែលគេរំពឹងថាធ្វើនៅប៉ុន្មានខែខាងមុខ នេះ។
លោកកូរីគី ចូជីម៉ា វ័យ៦៥ឆ្នាំដែលធ្លាប់ធ្វើការជាប្រធានកិច្ចការសភាសម្រាប់បក្ស ប្រជាធិបតេយ្យជប៉ុន (DPJ) ដែលកំពុងកាន់អំណាច នឹងទទួលខុសត្រូវខាងកិច្ចការសេដ្ឋកិច្ចធំបំផុតទីបីក្នុង ពិភពលោកនេះ ខណៈវាដើរទៅរកវិបត្តិសេដ្ឋកិច្ច ដែលត្រូវរងគ្រោះដោយការធ្លាក់ចុះសេដ្ឋកិច្ចទូទាំងពិភពលោក ហើយប្រាក់យ៉េនរឹងមាំ។
លោក ចូជីម៉ា ទំនងជាដើរតាមបន្ទាត់របស់លោកណូដា លើតម្រូវការសម្រាប់កំណែទម្រង់សារពើពន្ធ ព្រោះថា លោកជាឧបករណ៍សំខាន់នៅក្នុងការធានាកិច្ចព្រមព្រៀងនយោបាយមួយ ជុំវិញផែនការហត្ថលេខារបស់នាយករដ្ឋមន្រ្តីដើម្បីបង្កើនទ្វេ ដងពន្ធលក់ ដល់១០ភាគរយនៅត្រឹមខែតុលា ឆ្នាំ២០១៥។
លោក បានជំនួសលោក ជុន អាហ្សូមី ដែលបានផ្លាស់ទៅកាន់តំណែងបក្សជាន់ខ្ពស់មួយ។
គេ ដឹងតិចតួចអំពីទស្សនៈរបស់លោក ចូជីម៉ា ស្តីពីគោលនយោបាយរូបិយវត្ថុ និងរូបិយប័ណ្ណ ប៉ុន្តែលោក ត្រូវគេរំពឹងថា នឹងប្រកាន់ភ្ជាប់តាមបន្ទាត់រដ្ឋាភិបាលស្តីពីតម្រូវការសហការ ជាមួយធនាគារកណ្តាលដើម្បីយកឈ្នះបរិត្តផរណា និងដើម្បីប្រកាន់ជំហររឹងមាំប្រឆាំងនឹងប្រយោជន៍ប្រាក់យ៉េន ហួសហេតុ។
រដ្ឋមន្រ្តីការបរទេស និងការពារជាតិ នៅតែរក្សាការងាររបស់ពួកគេក្នុងការរុះរើ ដែលបានធ្វើឡើងចំពេលមានភាពតានតឹងខ្លាំងរវាងជប៉ុន និងចិនជុំវិញជម្លោះទឹកដីពុះងំយូរអង្វែង៕
No comments:
Post a Comment
yes