កឹម សុខា ៖ ប្រវត្តិសាស្រ្តបានបង្ហាញហើយថា ការខ្ចីដីខ្មែរ៥ឆ្នាំរបស់យួន បានធ្វើឲ្យខ្មែរបាត់កម្ពុជា ចុះទំរាំសប្បទាន៩៩ឆ្នាំតើខ្មែរនិងទៅជាយ៉ាងណា ?

លោក កឹម សុខា អនុប្រធានចលនាប្រជាធិបតេយ្យសង្គ្រោះជាតិ

គណបក្សប្រជាជនកាន់អំណាចដែលមានលោក ហ៊ុន សែន ជានាយករដ្ឋមន្រ្តី បាននិងកំពុង តែបើកដៃយ៉ាងខ្លាំងឲ្យជនអន្តោប្រវេសន៏យួនខុសច្បាប់ហូរចូលមកកាន់តែច្រើនឡើងពីមួយ ថ្ងៃទៅមួយថ្ងៃ ។

លំហូរចូលនៃជនអន្តោប្រវេសន៏យួនខុសច្បាប់ទាំងនោះ គឺជាការព្រួយបារម្ភខ្លាំងបំផុតរបស់​ប្រជាពលរដ្ឋខ្មែរ ព្រោះពួកអន្តោប្រវេសន៏ទាំងនោះមិនត្រឹមតែចូលមកដណ្តើមការងារខ្មែរ ធ្វើ​ប៉ុណ្ណោះទេ ថែមទាំងបានបំផ្លាញទ្រព្យសម្បត្តិធនធានធម្មជាតិដ៏មានតម្លៃរបស់ខ្មែរអស់ជា ច្រើន​ផ្សេងទៀត ដូចយើងបានឃើញនាពេលបច្ចុប្បន្ននេះស្រាប់ ។

រដ្ឋាភិបាលក្រុងភ្នំពេញរបស់លោក ហ៊ុន សែន មិនបានចាត់វិធានការចំពោះជនអន្តោប្រវេសន៏ យួននេះឡើយ តែផ្ទុយទៅវិញមានតែគាំពារយ៉ាងយកចិត្តទុកដាក់ជាទីបំផុត ក្នុងនោះលោក ហ៊ុន សែន ថែមទាំងរកកន្លែងឲ្យជនជាតិយួនទាំងនោះបានរស់នៅស្រួលជាងប្រជា​ពលរដ្ឋខ្មែរ ទៅទៀត ។ មិនតែប៉ុណ្ណោះលោក ហ៊ុន សែន បានធ្វើការសម្បទានដីសេដ្ឋកិច្ចទៅឲ្យក្រុមហ៊ុន យួនទាំងនោះយ៉ាងច្រើនសន្ទឹកសន្ទាប់ថែមទៀត ដែលមានរយៈពេលរហូតដល់ទៅ៩៩ឆ្នាំ ។

ដោយសារតែមើលឃើញពីបញ្ហាគ្រោះថ្នាក់របស់ប្រទេសកម្ពុជាបែបនេះហើយ គណបក្ស សម រង្ស៊ី និងគណបក្ស​ សិទ្ធិមនុស្ស បានសម្រេចរួមបញ្ចូលគ្នាជាសម្លេងតែមួយ ដោយបាន បង្កើតគណបក្ស សង្គ្រោះជាតិ ដើម្បីចូលរួមក្នុងការបោះឆ្នោតនៅឆ្នាំ២០១៣ខាងមុខនេះ ជា​មួយនិងគណបក្ស​ប្រជាជន ដែលកំពុងតែកាន់អំណាចសព្វថ្ងៃ ។ ព្រោះមានតែគណបក្ស​ សង្គ្រោះ​ជាតិ តែមួយគត់ដែលអាចសង្គ្រោះប្រទេសកម្ពុជា និងប្រជាពលរដ្ឋខ្មែរចេញពី​កណ្តាប់​ដៃនៃការគ្រប់គ្រងរបស់គណបក្សប្រជាជនលោក ហ៊ុន សែន បាន ។

លោក កឹម សុខា អនុប្រធាន ចលនាប្រជាធិបតេយ្យសង្គ្រោះជាតិ ក៏ដូចជាអនុប្រធានគណ​បក្ស សង្គ្រោះជាតិ ទៅថ្ងៃខាងមុខ លោកបានមានប្រសាសន៏ឲ្យដឹងជុំវិញទៅនិងបញ្ហានសការ បង្រួបបង្រួមគណបក្ស សម រង្ស៊ី ជាមួយនិងគណបក្ស សិទ្ធិមនុស្ស ក៏ដូចជាការហូរចូលនៃជន អន្តោប្រវេសន៏យួនទាំងនេះឲ្យដឹងថា ការរួមបញ្ចូលគ្នាជាសម្លេងតែមួយរវាងគណបក្ស សម រង្ស៊ី និងគណបក្ស សិទ្ធិមនុស្ស គឺជាប្រវត្តិសាស្រ្តមួយ ដើម្បីផ្តល់សេចក្តីសង្ឃឹមជូនដល់ជាតិ និងប្រជាពលរដ្ឋរបស់យើង ព្រោះដោយសារតែយើងបានឃើញទាំងអស់គ្នាហើយថា កន្លង​មកប្រទេសកម្ពុជាក្រោមការដឹកនាំរបស់គណបក្សប្រជាជនអស់រយៈពេលជាង៣០ឆ្នាំកន្លង​មកនេះ បញ្ហាជាតិធំៗគឺពួកគេមិនអាចដោះស្រាយបានឡើយ ។ ប៉ុន្តែ លោកក៏មិនបាន​មាន​ន័​យ​ថាគណបក្សមួយនេះ ធ្វើអ្វីមិនបានទាំងអស់នោះឡើយគឺធ្វើបានមួយចំនួនដែរ ក៏ប៉ុន្តែ​បញ្ហា​ធំៗ​របស់ជាតិ គឺពួកគេមិនអាចធ្វើបានឡើយ ។

លោក កឹម សុខា បានបន្ថែមបន្តទៀតផងដែរថា ក្នុងនោះយើងសូមលើកយកបញ្ហាមួយចំនួន តែប៉ុណ្ណោះដូចជា បញ្ហាអធិបតេយ្យភាពបូរណភាពទឹកដី និងការដឹកនាំប្រទេសដែលគ្មានប្រ​ជាធិបតេយ្យ ដែលសូម្បីតែកំរិតជីវភាពរបស់ប្រជាពលរដ្ឋក៏នៅតែក្រីក្រដដែល នេះលោក​សូម​លើកយកតែមួយចំណុចប៉ុណ្ណោះមកធ្វើការជំរាបជូនបងប្អូនប្រជាពលរដ្ឋយើង ដែលលោក​បាន​​ឃើញជារៀងរាល់ថ្ងៃ ។ ដែលទាំងអស់នេះហើយ គឺជាគ្រោះថ្នាក់ដ៏ធំបំផុតសម្រាប់ប្រ​ទេសកម្ពុជារបស់យើង ហើយក្នុងនោះប្រសិនបើយើងនៅតែបណ្តោយទុកឲ្យគណបក្សកាន់អំ​ណាចសព្វថ្ងៃនេះនៅតែបន្តដឹកនាំប្រទេសតទៅទៀត នោះមិនយូរឡើយប្រទេសជាតិរបស់ យើងនិងវិនាសមហន្តរាយជាក់ជាមិនខាន ។

អនុប្រធាន ចលនាប្រជាធិបតេយ្យសង្គ្រោះជាតិ លោក កឹម សុខា បានបន្តទៀតផងដែរថា ដូច នេះយើងដែលជាអ្នកស្នេហាជាតិ មិនត្រូវនៅសង្ងំទៀតឡើយ ព្រោះប្រទេសនេះក៏ជាប្រទេស របស់យើងដែរ គឺយើងត្រូវតែរកមធ្យោបាយដោះស្រាយនូវបញ្ហាទាំងអស់នេះ ។

លោក កឹម សុខា បានបន្តទៀតថា មួយវិញទៀតបើយើងនិយាយពីបញ្ហាជនអន្តោប្រ

វេស​ន៏​វិញ គឺរដ្ឋាភិបាលសព្វថ្ងៃ បាននិងកំពុងតែបើកដៃឲ្យជនអន្តោប្រវេសន៏យួនខុសច្បាប់​ទាំង​នោះ ហូរចូលកាន់តែច្រើនឡើងៗជារៀងរាល់ថ្ងៃ ហើយគ្មានចំណាត់ការ​យកច្បាប់អន្តោ​ប្រ​វេសន៏មកអនុវត្តន៏ឡើយ គឺយើងមិនដែលឃើញរដ្ឋាភិបាលរបស់លោក ហ៊ុន សែន ចាប់​ជនជាតិយួនទាំងនោះ ទៅស្រុកគេវិញទេ ។ តែក្នុងនោះយើងមើលឃើញថា ចំពោះជនជាតិ សៀមចំនួន៧នាក់ដែលចូលមកក្នុងប្រទេសកម្ពុជាដោយខុសច្បាប់ គឺរដ្ឋាភិបាល​បាន​យក​ច្បាប់​អន្តោប្រវេសន៏មកអនុវត្តន៏បានយ៉ាងល្អ ត្រង់ចំណុចនេះលោកសូមគាំទ្រ ។ ជាមួយ​គ្នា​នោះលោក កឹម សុខា បានមានប្រសាសន៏ឲ្យដឹងបន្តទៀតថា ហេតុអីបានជារដ្ឋាភិបាល​សព្វ​ថ្ងៃ​មើលឃើញតែមួយចំហៀង ហើយយកច្បាប់អន្តោប្រវេសន៏មកអនុវត្តន៏តែម្ខាងបែបនេះ ហើយរឿងនេះមិនមែនជារឿងលេងសើចឡើយ ។

លោក កឹម សុខា បានបន្តទៀត ប្រវត្តិសាស្រ្តជាមេរៀន និងបានប្រាប់យើងឲ្យដឹងរួចហើយថា កាលនោះក្នុងអំឡុងឆ្នាំ១៩២៣ស្តេចយួនបានមកខ្ចីដីស្តេចខ្មែរយើង ពេលនោះស្តេចខ្មែរព្រះ​បាទ ជ័យជេដ្ឋាទី២ ព្រះអង្គមានប្រពន្ធជាជនជាតិយួន ហើយយួនគេបានមកខ្ចីដីខ្មែរនៅ កម្ពុជា​ក្រោមតែ៥ឆ្នាំទេ ដើម្បីធ្វើទីតាំងសម្រាប់ហាត់ទ័ពទប់ទល់ជាមួយនិងចិន ។ ក្នុងនោះ​យកដីល្បាប់ទន្លេមេគង្គរបស់យើងបង្ករបង្កើនផលស្រូវអង្ករយកទៅផ្គត់ផ្គង់នៅសមរភូមិមុខ ។

លោកបន្តទៀតផងដែរថា យួនខ្ចីយើងតែ៥ឆ្នាំទេ រហូតដល់សង្គមនិយមបារាំង ដែលបារាំង មុននិងដកទៅវិញឆ្នាំ១៩៤៩ បារាំងក៏បានកាត់ដីខ្មែរនៅកម្ពុជាក្រោមឲ្យទៅយួនតែម្តង មូល​ហេតុបណ្តាលមកពីយួនបានកែនប្រជាជនរបស់គេមកនៅទឹកដីកម្ពុជាក្រោម កាន់តែច្រើន​ឡើងៗ ដែលនៅកម្ពុជាក្រោមខេត្តខ្មែររបស់យើងចំនួន២១ត្រូវបានទៅលើយួនដោយទទេៗ នេះខ្ចីតែ៥ឆ្នាំទេយួនយកបាត់ ចុះទំរាំខ្ចីចំនួន៩៩ឆ្នាំតាមរបៀបសម្បទានសេដ្ឋ​កិច្ច ដែលធ្វើ​យ៉ាងព្រោងព្រាតនោះប្រទេសជាតិរបស់យើងនិងទៅជាយ៉ាងណាទៅ ។

លោក កឹម សុខា បានបន្តទៀតផងដែរថា ក្នុងនោះមិនត្រឹមតែឲ្យដីគេទេ ឲ្យគេចូលមកទៀត គឺមិនដែនហ៊ានបញ្ជូនទៅវិញឡើយ ។ ហើយបញ្ហាទឹកដី ព្រំដែន នេះប្រជាពលរដ្ឋស្រែកថ្ងូរ ជារៀងរាល់ថ្ងៃថាយួនមកបោះបង្គោលនៅលើដីស្រែរបស់គាត់ ធ្វើឲ្យប៉ះដីស្រែ ចំការរបស់ពួក គាត់យ៉ាងធ្ងន់ធ្ងរ មិនហ៊ានមាត់មួយម៉ាត់ជាមួយយួនសោះ ។ ស្រាប់តែលោក សម រង្ស៊ី ចេញ មុខអន្តរាគមន៏ជួយប្រជាពលរដ្ឋ បែជាមកចោទចាប់និងដាក់ទោសលោក សម រង្ស៊ី ឲ្យជាប់​ពន្ធ​នាគាររាប់សិបឆ្នាំទៅវិញ រឿងនេះវាអយុត្តិធម៌ខ្លាំងណាស់សម្រាប់លោក សម រង្ស៊ី និង​ប្រ​ជាពលរដ្ឋខ្មែរ ។ ទាំងអស់នេះហើយគឺយើងគ្មានជំនឿថា គណបក្សកាន់អំណាចអាចដោះ​ស្រាយបញ្ហាជាតិធំៗបានទេ ជាពិសេសបញ្ហាអធិបតេយ្យភាព បូរណភាពទឹកដីរបស់យើង ។ 

ដូចនេះប្រសិនបើ​យើងបណ្តោយឲ្យគាត់នៅកាន់អំណាចបន្តទៅទៀត យួនចូលស្រុក​កាន់តែ​ច្រើនឡើងៗបន្ថែមទៀតជាក់ជាមិនខានឡើយ ដែលធ្វើឲ្យទ្រព្យសម្បតិ្តខ្មែនិងរលាយហិន​ហោច​ជាក់ជាមិនខាន ។ ដូចនេះយើងជាខ្មែរ ដែលស្នេហាជាតិ មិននៅសំងំស្ងៀមឲ្យ​អ្នក​កាន់​អំនាចសព្វថ្ងៃធ្វើអ្វីៗស្រេចតែអំពើចិត្តទៀតបានឡើយ ។ យ៉ាងនេះហើយ បានជាគណបក្ស សម រង្ស៊ី និងគណបក្ស សិទ្ធិមនុស្ស សម្រេចរួមបញ្ចូលគ្នាជាសម្លេងតែមួយ ដើម្បីធ្វើការ​ប្រ​គួ​ប្រជែងជាមួយនិងគណបក្សប្រជាជនកាន់អំណាចសព្វថ្ងៃ  ដើម្បីសង្គ្រោះប្រទេសជាតិ​ចេញ​ពី​រណ្តៅ​មាត់ជ្រោះមរណនេះមកវិញ ។

ដូចនេះមានតែគណបក្ស សង្គ្រោះជាតិ តែមួយប៉ុណ្ណោះដែលជាក្តីសង្ឃឹមរបស់ប្រជាពលរដ្ឋ​ខ្មែរ ក្នុងការសង្គ្រោះប្រទេសកម្ពុជា ដើម្បីកុំឲ្យក្លាយទៅជាកម្ពុជាក្រោមទីពីរ ។ សូមបង​ប្អូន​ប្រ​ជាពលរដ្ឋខ្មែរចូលរួមជាមួយនិងគណបក្ស សង្គ្រោះជាតិ ឲ្យបានច្រើនឡើងបន្ថែមទៀត ដើម្បី​ជ័យជំនះរបស់យើងទាំងអស់គ្នានៅឆ្នាំ២០១៣ខាងមុខ ៕