ការអភិវឌ្ឃន៏របស់រដ្ឋាភិបាលលោក ហ៊ុន សែន សព្វថ្ងៃ គឺជាការអភិវឌ្ឃន៏ក្លែងក្លាយ លក់ជាតិដើម្បីពង្រឹងអំណាចរបស់ខ្លួន

លោក កឹម សុខា អនុប្រធានគណបក្ស សង្គ្រោះជាតិ នៅថ្ងៃអនាគត

លោក ហ៊ុន សែន នាយករដ្ឋមន្រ្តីរបស់ប្រទេសប្រទេសកម្ពុជាដែលកាន់អំណាចយូរ និងដឹក​នាំប្រទេសតាមរបៀបផ្តាច់ការនោះ ជារៀងរាល់ថ្ងៃបានខំប្រឹងស្រែកក្តែងៗ ថាប្រទេសកម្ពុជា ក្រោមការដឹកនាំរបស់ខ្លួនមានការអភិវឌ្ឍន៏លើគ្រប់វិស័យ ប្រជាពលរដ្ឋរស់នៅក្នុងកំរិតជីវភាព មួយដ៏សមរម្យ ។ ការធ្វើសកម្មភាពបែបនេះរបស់លោក ហ៊ុន សែន គឺដើម្បីគេង​ចំណេញ​យក​ប្រជាប្រិយភាពសម្រាប់បក្សខ្លួន និងដើម្បីទទួលបានជំនួយពីបរទេសយកមកប្រព្រឹត្ត​អំពើ​ពុក​រលួយយ៉ាងពេញទី ក៏ដូចជាដើម្បីពង្រឹងអំណាចរបស់ខ្លួនគេផងដែរ ។

ប្រទេសកម្ពុជាសព្វថ្ងៃប្រសិនបើយើងមើលតែមួយភ្លែត ដោយមិនបានធ្វើការគិតពិចារណា និងតាមដានឲ្យបានវែងឆ្ងាយនោះ ពិតជាមានការអភិវឌ្ឍន៏ពិតប្រាកដមែន ក៏ប៉ុន្តែតែធាតុ​ពិត​ប្រទេស​កម្ពុជាក្រោមការដឹកនាំរបស់រដ្ឋាភិបាលលោក ហ៊ុន សែន គ្មានការអភិវឌ្ឍន៏អ្វីគួរឲ្យ   ក​ត់​សម្គាល់ឡើយ គឺប្រជាពលរដ្ឋនៅតែរស់នៅស្ថិតនៅក្រោមបន្ទាត់នៃភាពក្រីក្រដដែលជា ដដែល ។ 

ការរំលោភសិទ្ធិមនុស្ស នៅតែកើតមានយ៉ាងពេញបន្ទុក ការរំលោភយកដីធ្លី ផ្ទះ​សម្បែង ប្រជាពលរដ្ឋនៅតែកើតមានជាបន្តបន្ទាប់គ្មានការថយចុះនោះឡើយ ការបំ​ផ្លាញ​ទ្រព្យសម្បត្តិធន​ធាន​ធម្ម​ជាតិ ស្ទើរតែរលាយសាបសូន្យ បូរណភាពទឹកដីត្រូវបាន​ប្រទេស​ជិត​ខាងរំលោភយក ប្រ​ជា​ពលរដ្ឋភាគច្រើន លើសលប់នៅតែបន្តធ្វើចំណាកស្រុកទៅរក​ការងារ​ធ្វើនៅក្រៅប្រទេស​ទាំង​ប្រថុយប្រថាន ជាពិសេសគឺរដ្ឋាភិបាលសព្វថ្ងៃ​ជំពាក់បំណុលប​រ​ទេស​ឡើងវ័ណ្ឌករ មួយវិញ​ទៀតរដ្ឋាភិបាលរបស់លោក ហ៊ុន សែន មួយនេះក៏បាននិងយក​ប្រទេស​កម្ពុជាដាក់​លក់ទៅ​ឲ្យ​បរទេសផងដែរ ដើម្បីពង្រឹងអំណាចរបស់ខ្លួន ហើយជំនួយភាគច្រើន​ដែលបានមកពីអន្តរជាតិ តិចតួចបំផុតដែលបានយកមកអភិវឌ្ឍន៏ប្រទេសជាតិ និងផ្តល់​ដល់​ប្រជាពលរដ្ឋ ក្រៅពី​នេះ​គឺ​ធ្លាក់ទៅលើ​កណ្តាប់របស់ពួកអ្នកដឹកនាំប្រទេសអស់នោះទាំងស្រុង ។

ប្រការទាំងអស់នេះហើយដែលធ្វើឲ្យប្រទេសជាតិ និងប្រជាពលរដ្ឋកម្ពុជានៅតែក្រីក្រដដែល មិនអាចងើបមុខរួចនោះទេ ខុសពីប្រទេសជិតខាងកម្ពុជា គឺថ្នាក់ដឹកនាំប្រទេសរបស់គេ​មាន​ការយកចិត្តទុកដាក់យ៉ាងខ្លាំងចំពោះអាយុជីវិតប្រទេសជាតិរបស់គេ និងប្រជាពលរដ្ឋគេ គឺគេ​ខិតខំប្រឹងប្រែងកសាងជាតិ អភិវឌ្ឍន៏ជាតិដើម្បីឲ្យមានភាពរីកចំរើន ដោយគេមិនគិត​ពីអំ​ណាច​ជាធំ ដូច​ជាអ្នកដឹកនាំប្រទេសកម្ពុជានាពេលបច្ចុប្បន្ននេះឡើយ ។

ជុំវិញទៅនិងការអភិវឌ្ឍន៏តែសំបកក្រៅរបស់រដ្ឋាភិបាលលោក ហ៊ុន សែន ដើម្បីពង្រឹងអំ​ណាចរបស់ខ្លួននោះ លោក កឹម សុខា ដែលជាអនុប្រធានគណបក្ស សង្គ្រោះជាតិ ទៅថ្ងៃ​អនាគត់ លោកបានមានប្រសា​សន៏ឲ្យដឹងថា ការអភិវឌ្ឍន៏របស់រដ្ឋាភិបាលលោក ហ៊ុន សែន សព្វថ្ងៃនេះគឺជាការអភិវឌ្ឍន៏ខុស ហើយអភិវឌ្ឍន៏គឺប្រមូលតែលុយទុក​ខ្លួនឯង ​ប្រសិនបើ​ក្រុម​ហ៊ុន​ ឬ ឧកញ្ញារូបណា គេឲ្យលុយគឺគាត់ចាត់ចែងផ្តល់ជូនតាមការស្នើសុំ បន្ទាប់មក​គាត់​យក​លុយទៅទិញអំណាច ហើយនៅពេលជិតដល់ការបោះឆ្នោតដើរទិញសារ៉ុង ប៊ីចេង អង្ករ ទឹក​ត្រី អំបិល និងចែកលុយ ឲ្យប្រជា​ពលរដ្ឋក្នុងន័យទិញទឹកចិត្ត និងទិញសន្លឹកឆ្នោតពី​ប្រជាពល​រដ្ឋ ដើម្បីគាត់បានឡើងកាន់អំណាចបន្តទៅទៀត ដែលនេះជាវប្បធម៌របស់គណបក្សប្រជាជន ទៅហើយ ។

លោក កឹម សុខា បន្តទៀតថា ដូចជាពេលបច្ចុប្បន្ននេះស្រាប់ ឃើញរឿងទំនាស់ដីធ្លីចាប់កើត មានកាន់តែខ្លាំង លោក ហ៊ុន សែន ចាប់ផ្តើមបញ្ជូនយុវជនឲ្យទៅវាស់វែងដីចែកជូនប្រជាពល​រដ្ឋ ហើយក្នុងនោះដីដែលវាស់វែងចែកជូនភាគច្រើនគឺដីរបស់គេដែលមានស្រាប់ ប៉ុន្តែដី​ដែល​មានទំនាស់ពិតប្រាកដគឺភាគតិច​ណាស់ដែលបានវាស់វែងជូនប្រជាពលរដ្ឋប្រាកដនោះ ដោយ​លោកសូមលើកយកឧទាហរណ៏​ដី​នៅតំបន់បឹងកក់ដែលមានទំនាស់យ៉ាងរាំរៃ​នេះ​ស្រាប់​ គឺរហូតមកដល់ពេលនេះទៅហើយរដ្ឋាភិបាលមិនមានចំណាត់ការណ៏ណាមួយជូ​ន​ប្រ​ជា​ពលរដ្ឋទាំងនោះឲ្យបានសមស្របឡើយ ធ្វើឲ្យពួកគាត់នៅ តែស្រែកតវ៉ាទាមទារគ្មាន​ឈប់​ឈរ​ដ្ហើយហៅរកភាពយុត្តិធម៌ រហូតមានអ្នកខ្លះត្រូវ​ស្លាប់​បាត់​បង់អាយុជីវិត និងអ្នកខ្លះត្រូវ​ជាប់​ពន្ធនាគារមិនទាន់ចេញផង ។

អនុប្រធានគណបក្ស សង្គ្រោះជាតិ លោក កឹម សុខា បានមានប្រសាសន៏បន្តទៀតថា ការអភិ វឌ្ឍន៏របស់រដ្ឋាភិបាលដើម្បីជាប្រយោជន៏ជាតិ និងប្រជាពលរដ្ឋ គឺគេមិនធ្វើរបៀបដូចរដ្ឋាភិ​បាលលោក ហ៊ុន សែន សព្វថ្ងៃនេះទេ ដោយលោកសូមធ្វើការពន្យល់ថា ពាក្យអភិ​វឌ្ឍន៏គឺ​គេ​ធ្វើយ៉ាងណាឲ្យមានផលប្រយោជន៏រីកចំរើន ដែលក្នុងនោះទៅប្រទេសជាតិ បន្ទាប់មកបាន​ទៅ​ដល់ប្រជាពលរដ្ឋដែលជាម្ចាស់មូលដ្ឋាន ម្ចាស់ទឹក ម្ចាស់ដី និងច្បាស់នៃដើមទន់ក្នុងការ អភិ​វឌ្ឍន៏ជាដើម ។ល។

លោក កឹម សុខា បានបន្តទៀតថា ឥឡូវនេះការអភិវឌ្ឍន៏បានទៅតែថៅកែ ហើយនិងអ្នកធំ​ដែលសមគំនិតគ្នាប្រព្រឹត្តតែអំពើពុករលួយតែប៉ុណ្ណោះ ហើយក្នុងនោះប្រទេសជាតិ​ក៏មិន​សូវ​បាន រីឯប្រជាពលរដ្ឋក៏មិនបាន ដូចនេះការអភិវឌ្ឍន៏សព្វថ្ងៃរបស់រដ្ឋាភិបាលលោក ហ៊ុន សែន គឺជា​ការអភិវឌ្ឍន៏ដើរតាមផ្លូវខុស ។ ដូច្នេះហើយបានជាយើងត្រូវតែធ្វើ​ការផ្លាស់ប្តូ​រអ្នក​ដឹកនាំ​សព្វថ្ងៃនេះនៅឆ្នាំ២០១៣ខាងមុខឲ្យទាល់តែបានជាដាច់ខាត ។

គួរជំរាបជូនផងដែរថា ក្នុងនោះរដ្ឋាភិបាលរបស់លោក ហ៊ុន សែន មិនត្រឹមតែមិនធ្វើការអភិ​វឌ្ឍន៏ប្រទេសជាតិពិតប្រាកដនោះឡើយ សូម្បីតែលទ្ធិប្រជាធិបតេយ្យនៅកម្ពុជា រដ្ឋាភិបាល របស់លោក ហ៊ុន សែន ក៏បាននិងកំពុងតែជាន់ឈ្លីយ៉ាងខ្លាំងដែរ ដោយគម្លាតនៃសិទ្ធិ​របស់​ប្រជាពលរដ្ឋ ក៏ដូចជាគណបក្សប្រឆាំង ជាមួយនិងសិទ្ធិរបស់គណបក្សកាន់អំណាច គឺមាន​គម្លាតឆ្ងាយពីគ្នាដូចមេឃនិងដី គណបក្សកាន់អំណាចមានសិទ្ធិគ្រប់គ្រាន់ក្នុងការធ្វើអ្វីៗ តែ​គណបក្សប្រឆាំង និងពលរដ្ឋ គឺគ្មានសិទ្ធិនោះឡើយ ។

ទាក់ទងទៅនិងបញ្ហាខាងលើនេះលោក កឹម សុខា បានមានប្រសាសន៏ឲ្យដឹងថា រដ្ឋាភិ​បាល​

សព្វថ្ងៃនេះគ្មានមនសិការនិងគ្មានឆន្ទះ ក៏ដូចជាគ្មានសមត្ថភាពដើម្បីធ្វើឲ្យប្រជាធិបតេយ្យនៅ ក្នុងប្រទេសកម្ពុជាមានលក្ខណៈល្អប្រសើរឡើយ ។ លោកបានបន្តទៀតថា សម្រាប់គណបក្ស សង្គ្រោះជាតិវិញ នៅពេលជាប់ឆ្នោតឆ្នាំ២០១៣ខាងមុខ និងធ្វើឲ្យប្រជាធិបតេយ្យមានលក្ខលៈ ល្អប្រសើរ ក្នុងនោះយើងធ្វើឲ្យប្រជាពលរដ្ឋមានឪកាសដូចគ្នាខាងផ្នែកនយោបាយ មានឪ​កាសដូចគ្នាខាងសេដ្ឋកិច្ច និងមានឪកាសដូចគ្នាខាងផ្នែកសង្គមកិច្ច ដែលទាំងអស់នេះហើយ ហៅថាប្រជាធិបតេយ្យ ។

 ក្នុងនោះសង្គមប្រជាធិបតេយ្យធ្វើឲ្យប្រជាពលរដ្ឋមានឪកាសដូចគ្នា ខាងផ្នែកនយោបាយ ប្រជាពលរដ្ឋរូបណាប្រលាញ់គណបក្សណាគឺចូលរួមដោយសេរី គឺគ្មាន ការរារាំងនិងគំរាមកំហែងឡើយ នេះគឺឪកាសដូចគ្នាខាងផ្នែកនយោបាយ ហើយក្នុងនោះប្រ សិនបើបក្សមួយមានទូរទស្សន៏ វិទ្យុប្រើប្រាស់គណបក្សមួយផ្សេងទៀតក៏ត្រូវមានដូចគ្នា ដែល នេះគឺជាឪកាសដូចគ្នាខាងផ្នែកនយោបាយ ។ 

មួយវិញទៀតឪកាសសេដ្ឋកិច្ច ប្រសិនបើការ​អភិវឌ្ឍន៏ស្រុកទេសមានការរីកចំរើន ផលដែលបានមកពីការរីកចំរើននោះ​ក៏បានមកដល់​ដៃ​ប្រ​ជា​ពលរដ្ឋទាំងអស់គ្នាផងដែរ មិនមែនបានទៅតែអ្នកធំ អ្នកមានលុយ មានអំណាច និង​បរទេសនោះឡើយ ។ ចំណែកឯឪកាសខាងផ្នែកសង្គមកិច្ចវិញ គឺគណបក្ស សង្គ្រោះជាតិ មាន​គោលនយោបាយ​ច្បាស់លាស់ក្នុងការដាក់ចេញយុត្តិសាស្រ្តព្យាបាលជំងឺជូនប្រជាពលរដ្ឋ ដោយមិនចាំបាច់បង់ប្រាក់ឡើយ ទាំងអ្នកមាននិងអ្នកក្រ ។

ដូចនេះដើម្បីស្រោចស្រង់ប្រទេសជាតិឲ្យមានភាពល្អប្រសើរ និងប្រជាពលរដ្ឋរស់នៅក្នុងកំរិត ជីវភាពមួយដ៏សមរម្យ មានការអភិវឌ្ឍន៏លើគ្រប់វិស័យ ព្រមទាំងគោរពបានសិទ្ធិមនុស្ស លទ្ធិ​ប្រជាធិប​តេយ្យបានយ៉ាងល្អប្រពៃថែមទៀតនោះ សូមបងប្អូនចូលរួម និងបោះឆ្នោតជូន​គណ​បក្ស សង្គ្រោះជាតិ ឲ្យបានគ្រប់ៗនៅឆ្នាំ២០១៣ដែលគណបក្ស សង្គ្រោះជាតិ មានរូបសញ្ញា​ព្រះអាទិត្យរះ ជាសម្គាល់ ជ័យជំនះរបស់គណបក្ស សង្គ្រោះជាតិ គឺជាជ័យជំនះរបស់ប្រជា ពលរដ្ឋខ្មែរគ្រប់រូប និងប្រទេសជាតិរបស់យើង ៕