'
លោក គង់ គាំ ប្រធានគណបក្ស សម រង្ស៊ី
លោក ហ៊ុន សែន បុរសខ្លាំងនៅកម្ពុជា
គឺមានជំនាញយ៉ាងប៉ិនប្រសព្វជាទីបំផុតក្នុងការបំបែក បំបាក់អ្នកប្រជាធិបតេយ្យ
ដើម្បីពង្រឹងអំណាចរបស់ខ្លួន ដោយមិនគិតពីអាយុជីវិតជាតិ និងប្រ ជាពលរដ្ឋជាធំឡើយ ។
លោក ហ៊ុន សែន គ្រាន់តែទទួលដំណឹងថាគណបក្ស សម រង្ស៊ី
និងគណបក្ស សិទ្ធិមនុស្ស
បានដឹកដៃគ្នាទៅជជែកចចារពីរឿងចងសម្ពន្ធ័ភាពគ្នានៅទីក្រុងម៉ានីល ប្រទេសហ្វីលីពីន
កាលពីថ្ងៃទី១៥ ខែកក្កដា ឆ្នាំ២០១២ លោកថាការចចារគ្នានោះគឺគ្មានបានប្រយោជន៏អ្វីឡើយ
ហើយវាក៏មិនអាចទៅរួចបានដែរ ដែលគណបក្ស សម រង្ស៊ី និងគណបក្ស សិទ្ធិមនុស្ស
ចងសម្ព័ន្ធនិងគ្នានោះ ។ ដោយលោក ហ៊ុន សែន បានលើកឡើងទៀតថា គណបក្ស ទាំងពីរនេះ
ក៏ធ្លាប់បានចងសម្ព័ន្ធនិងគ្នាម្តងរួចមកហើយផងដែរ កាលពីពេលបោះឆ្នោតជាតិអាណត្តិទី៤ ហើយថ្មី
តែត្រូវបានរលាយទៅវិញយ៉ាងឆាប់រហ័ស ហេតុនេះសម្ព័ន្ធភាពរបស់គណបក្សទាំងពីរគឺមិនអាចទៅបានឡើយ
។
តែផ្ទុយទៅវិញវាជារឿងដែលធ្វើឲ្យលោក ហ៊ុន សែន
ខកចិត្តស្ទើរតែស្ទះបេះដូងដួលនៅនិងកន្លែងដោយហេតុថា ក្រោយពីការជជែកពិភាក្សាគ្នា រវាងគណបក្ស
សម រង្ស៊ី និងគណបក្ស សិទ្ធិមនុស្ស បានរយៈពេលមិនដល់ពីថ្ងៃផងនៅថ្ងៃទី១៧ ខែកក្កដា
ឆ្នាំ២០១២ នៅទីក្រុងម៉ា នីល
ប្រទេសហ្វីលីពីន វេលារសៀលម៉ោង២ ម៉ោងនៅកម្ពុជា គណបក្ស សម រង្ស៊ី និងគណបក្ស សិទ្ធិមនុស្ស
បានធ្វើសន្និសីទរួមគ្នាមួយដោយធ្វើការប្រកាសពីលទ្ធផលនៃការចចាររវាងគណបក្សទាំងពីរ
គឺលទ្ធផលបានបង្ហាញនូវភាពវិជ្ជមានយ៉ាងល្អប្រសើរដោយគណបក្សទាំងពីរ បានសម្រេចរួមបញ្ចូលគ្នាជាសម្លេងតែមួយ
។ ហើយជាមួយគ្នានោះគណបក្សទាំងពីរក៏បានសម្រេចបង្កើត ចលនាមួយដែលមានឈ្មោះថា ចលនាប្រជាធិបតេយ្យសង្គ្រោះជាតិ
ដែលមានលោក សម រង្ស៊ី ជាប្រធាន លោក កឹម សុខាជាអនុប្រធាន លោកស្រី មូរ សុខហួរ ជាប្រធានលេខាធិការដ្ឋាន
លោក យ៉ែម បុញ្ញាឬទ្ធិ ជាអនុប្រធានលេខាធិការដ្ឋាន លោក ប៉ុល ហំម និង លោក យឹម សុវណ្ណ
ជាអ្នកនាំពាក្យ ចលនាប្រជាធិបតេយ្យសង្គ្រោះជាតិ ព្រមទាំងបានចុះហត្ថលេខាលើសេចក្តីថ្លែងការណ៏រួមផងដែរ
។
បន្ទាប់ពីនោះមក ចលនាប្រជាធិបតេយ្យសង្គ្រោះជាតិ
បានធ្វើសកម្មភាពយ៉ាងផុសផុល ធ្វើឲ្យ ប្រជាពលរដ្ឋកាន់តែច្រើនឡើងពីមួយថ្ងៃទៅមួយថ្ងៃ មកចួលរួមជាមួយនិង
ចលនាប្រជាធិបតេយ្យសង្គ្រោះជាតិ ។ ដោយមើលឃើញពីសភាពការមិនសូវជាស្រួលរបៀបនេះលោក
ហ៊ុន សែន នាយករដ្ឋមន្រ្តីខ្មែរដ៏ក្រាញ់អំណាច បានចេញមុខជាថ្មីម្តងទៀតចាប់ផ្តើមស្រែកក្នុងន័យ
បំបែកបំបាក់ និងបន្ទុចបង្អាក់សន្ទុះគាំទ្ររបស់ប្រជាពលរដ្ឋមកលើ ចលនាប្រជាធិបតេយ្យសង្គ្រោះជាតិ
ដោយលោក ហ៊ុន សែន បានហៅ ចលនាប្រជាធិបតេយ្យសង្គ្រោះជាតិ ថាគឺជាព្យុះក្នុងក្អម
ដោយមិនបានប៉ុន្មានទេនិងរលាយទៅវិញដោយឯកឯង ។
ជាមួយគ្នានោះលោក គង់ គាំ ដែលកាលនោះនៅជាប្រធានស្តីទីគណបក្ស
សម រង្ស៊ី លោកបានសម្តែងជាប្រតិកម្មទៅលោក ហ៊ុន សែន វិញភ្លាមៗ
ក៏ដូចជាការជំរាបជូនឲ្យលោក ហ៊ុន សែន
ត្រៀមខ្លួនក្នុងការចុះចេញពីអំណាចនៅឆ្នាំ២០១៣ខាងមុខនេះ គឺលោក គង់ គាំ បានលើកឡើងថា
ចលនាប្រជាធិបតេយ្យសង្គ្រោះជាតិ ដែលកើតឡើងពីការរួមគ្នារវាងគណបក្ស សម រង្ស៊ី
និងគណបក្ស សិទ្ធិមនុស្ស មិនដូចជាការលើកឡើងរបស់លោក ហ៊ុន សែន ដែលថា ជាព្យុះក្នុងក្អម
ហើយនិងរលាយទៅវិញនោះឡើយ តែលោកសូមផ្តាំថាព្យុះក្នុងក្អមរបស់
ចលនាប្រជាធិបតេយ្យសង្គ្រោះជាតិ និងផ្ទុះតម្រង់ទៅរកលោក ហ៊ុន សែន ហើយ
ហើយនៅឆ្នាំ២០១៣ ឲ្យលោក ហ៊ុន សែន ត្រៀមរៀបចំសាម៊ីរបស់ខ្លួនចេញទៅ
អ្នកប្រជាធិបតេយ្យនិងចូលមកដឹកនាំរដ្ឋាភិបាលវិញម្តងជាក់ជាមិនខាង យ៉ាងពិតប្រាកដ ។
ជាមួយគ្នានោះ សូម្បីតែប្រជាពលរដ្ឋដែលកាលពីមុនមក
ធ្លាប់តែគាំទ្រលោក ហ៊ុន សែន តែ
នៅពេលនេះពួកគាត់បានស្រែកថា បាយៗ លាហើយសម្តេចតេជោ !!! ។
មូលហេតុដែលប្រជាពលរដ្ឋធ្លាប់តែគាំទ្រគណបក្សប្រជាជន
លែងគាំទ្រតទៅទៀតហើយវិល មករួមរស់ជាមួយនិង ចលនាប្រជាធិបតេយ្យសង្គ្រោះជាតិ
ក៏ដោយសារតែពួកគាត់មើលឃើញ ថា ការដឹកនាំរបស់លោក ហ៊ុន សែន អស់រយៈជាង៣០កន្លងទៅនេះ ពួកគាត់គ្មានទទួលបាន
ផលប្រយោជន៏អ្វីពីរដ្ឋាភិបាលសូម្បីតែបន្តិចឡើយ តែផ្ទុយទៅវិញពួកគាត់មានតែបាត់បង់ដីធ្លី
ផ្ទះសម្បែងដែលជាទ្រព្យសម្បត្តិរបស់គាត់ទៅវិញ ដោយការរំលោភបំពានយកពីសំណាក់អ្នក
មានលុយ មានអំណាច និងឈ្មួញទុច្ចរឹត
ដែលទទួលបានការសម្បទានដីសេដ្ឋកិច្ចពីរដ្ឋាភិបាលរបស់លោក ហ៊ុន សែន នោះ ។
អ្វីទាំងអស់នេះ ជាសាក្ខីភាពបង្ហាញឲ្យឃើញថា
ស្មារតីនៃការតស៊ូរបស់ប្រជាពលរដ្ឋខ្មែរបាន ចាប់ផ្តើមក្រោកឡើងជាថ្មីម្តងទៀតហើយ ដើម្បីប្រឆាំងនិងពួកអ្នកកាន់អំណាចផ្តាច់ការ
។ ដោយការទទួលបានជោគជ័យ និងមានការគាំទ្រពីសំណាក់ប្រជាពលរដ្ឋមកលើ ចលនាប្រជា ធិបតេយ្យសង្គ្រោះជាតិ
បែបនេះ គណបក្សទាំងពីរបានសម្រេចបង្កើតគណបក្សរួមគ្នាថ្មីមួយ
ទៀតដើម្បីចូលរួមការបោះឆ្នោតនៅឆ្នាំ២០១៣ខាងមុខ ដែលគណបក្សនោះមានឈ្មោះថា គណបក្ស
សង្គ្រោះជាតិ ហើយរហូតមកដល់ពេលនេះគណកប្ស សង្គ្រោះជាតិ
ក៏មានការទទួលស្គាល់ជាផ្លូវការពីក្រសួងមហាផ្ទៃហើយផងដែរ
ដែលបានអនុញ្ញាត្តឲ្យចុះឈ្មោះក្នុងបញ្ជី ឈ្មោះគណបក្សនយោបាយរួចរាល់ហើយ ។
ដូចនេះសរុបសេចក្តីមកគណបក្ស សង្គ្រោះជាតិ
គឺដើរតួនាទីយ៉ាងសំខាន់សម្រាប់ការបោះឆ្នោតនៅឆ្នាំ២០១៣
ក្នុងការប្រគួតប្រជែងជាមួយនិង គណបក្សប្រជាជនរបស់លោក ហ៊ុន សែន
ហើយប្រជាពលរដ្ឋខ្មែរដែលជាអ្នកស្នេហាជាតិ ស្រលាញ់លទ្ធិប្រជាធិបតេយ្យ គឺនៅបន្ទាប់ពីបានទទួលដំណឹងថា
គណបក្ស សម រង្ស៊ី និងគណបក្ស សិទ្ធិមនុស្ស ក្នុងចលនាប្រជាធិបតេយ្យសង្គ្រោះជាតិ
បានបង្កើតគណបក្សរួមគ្នា ដែលមានឈ្មោះថាគណបក្ស សង្គ្រោះជាតិ
បានធ្វើឲ្យពួកគាត់កាន់តែមានចំនួនច្រើនឡើងៗ មកចូលរួមជាមួយនិងគណបក្ស សង្គ្រោះជាតិ
ក្នុងនោះមានទាំងសកម្មជន និងថ្នាក់ដឹកនាំរបស់គណបក្សប្រជាជនកំពុងកាន់អំណាច
ក៏ដូចជាសកម្មជន របស់គណបក្សដទៃផ្សេងទៀត ជាច្រើនរូបបានមកចូលរួមជាមួយនិងគណកប្ស
សង្គ្រោះជាតិ ។ អ្វីទាំងអស់នេះ បង្ហាញឲ្យឃើញថាពួកគាត់លែងមានជំនឿលើការដឹកនាំរបស់លោក
ហ៊ុន សែន គណបក្សប្រជាជនទៀតហើយ គឺមានតែគណបក្ស សង្គ្រោះជាតិ
តែមួយប៉ុណ្ណោះដែលអាចឲ្យពួកគាត់ផ្ញើរក្តីសង្ឃឹមបាន ។
អ្នកតាមដានស្ថានការណ៏នយោបាយនៅក្នុងប្រទេសកម្ពុជាបានធ្វើការវិភាគថា
នៅឆ្នាំ២០១៣ ខាងមុខនេះគណបក្ស សង្គ្រោះជាតិ ដែលមានលោក សម រង្ស៊ី ជាប្រធាន និងលោក
កឹម សុ ខា ជាងអនុប្រធាន និងទទួលបានជ័យជំនះលើការបោះឆ្នោតជាក់ជាមិនខាន ដោយហេតុថា
ក្នុងនោះគណបក្ស សង្គ្រោះជាតិ នៅបន្ទាប់ពីមានឧត្តមគតិជាតិខ្ពស់ហើយនោះ គណបក្សមួយនេះក៏មានគោលនយោបាយល្អៗ
ច្បាស់លាស់ក្នុងការដាក់ចេញជាគោលនយោបាយជាតិ
សម្រាប់បំរើនូវសេចក្តីត្រូវការរបស់ពលរដ្ឋ និងប្រទេសជាតិផងដែរ ដែលខុសពីគណបក្សប្រជាជន កំពុងកាន់អំណាចសព្វថ្ងៃ
ដោយមិនបានគិតពីផលប្រយោជន៏ជាតិ និងប្រជាពលរដ្ឋជាធំនោះ គឺគេគិតតែពីផលប្រយោជន៏ខ្លួនជាធំទៅវិញ
និងធ្វើនយោបាយដើម្បីបំរើបរទេសយួនហាណូយ ដែលជាអ្នកមានគុណរបស់គេថែមទៀតផង ។
គួរជំរាបជួនផងដែរថាលោក គង់ គាំ ប្រធានគណបក្ស សម រង្ស៊ី
ដែលជាប់ក្នុងការបោះឆ្នោត ជ្រើសរើសមេបក្សថ្មីនៅក្នុងសមាជវិសាមញ្ញរបស់គណបក្ស សម
រង្ស៊ី ឆ្នាំទី១៧ កាលពីថ្ងៃទី២ ខែវិច្ឆិកា ឆ្នាំ២០១២កន្លងទៅថ្មីៗនេះ
នៅក្នុងពិធីចុះជួបសំណេះសំណាលជាមួយប្រជាពលរដ្ឋ នៅក្នុងខេត្តមួយចំនួននៅទូទាំងប្រទេស
លោកបានមានប្រសាសន៏ឲ្យដឹងថា ការរួបរួមគ្នារវាង គណបក្ស សម រង្ស៊ី និងគណបក្ស
សិទ្ធិមនុស្ស គឺដើម្បីជាតិរស់ ហើយផ្ទុយទៅវិញប្រសិនបើ យើងមិនរួបរួមគ្នានោះទេ
យើងទាំងអស់គ្នាព្រមទាំងជាតិផងដែរ និងស្លាប់ក្រោមការដឹកនាំ របស់លោក ហ៊ុន សែន
ជាក់ជាមិនខានឡើយ ។
លោក គង គាំ បានមានប្រសាសន៏បន្តទៀតផងដែរថា
លោកអាណិតសម្តេចតេជោណាស់
ដែលខំប្រឹងទស្សទាយ
និងឆ្កឹះឆ្គាលដើម្បីឲ្យគណបក្សទាំងពីរបែកបាក់គ្នានោះគឺវាមិនអាចទៅ រួចទេ សម្តេចអើយ
។ ជាមួយគ្នានោះលោក គង់ គាំ ក៏បានធ្វើការផ្តាំផ្ញើរទៅកាន់សម្តេចតេជោ វិញផងដែរថាបើ សម្តេចតេជោ
នៅស្មោះត្រង់និងយួនហាណូយខាងជើងប៉ុណ្ណា លោក កឹម សុខា និងលោក សម រង្ស៊ី នៅតែស្មោះជាមួយគ្នាទ្វេរដងជាងសម្តេចតេជោ
និងយួនហាណូយខាងជើងទៅទៀត ។
ដូចនេះបានសេចក្តីថា ថ្ងៃអវស្សាន្តរបស់លោក ហ៊ុន សែន
និងគណបក្សប្រជាជន និងចូលមកដល់នៅឆ្នាំ២០១៣ខាងមុខនេះដោយជៀសមិនរួចឡើយ ។ ជាមួយគ្នានោះ
អ្វីដែលជាជោគជ័យរបស់គណបក្ស សង្គ្រោះជាតិ គឺជាជោគជ័យយ៉ាងធំធេងរបស់ប្រជាពលរដ្ឋខ្មែរ
និងប្រទេសកម្ពុជារបស់យើងទាំងមូល ដែលពេលនោះហើយព្រះអាទិត្យថ្មី និងរះលើផែនដីចាស់
ក្នុងការផ្តល់ក្តីសង្ឃឹមថ្មី និងស្នាមញញឹមថ្មីជូនប្រទេសកម្ពុជា
និងប្រជាពលរដ្ឋខ្មែរទាំងអស់គ្នា ព្រោះមានតែគណបក្ស សង្គ្រោះជាតិ
តែមួយប៉ុណ្ណោះតែមានឧត្តមគតិជាតិខ្ពស់ ក្នុងការ កសាងប្រទេសកម្ពុជាឲ្យមានការរីកចំរើន
មានកិត្តិយសកេរ្តិ៏ល្បីល្បាញនៅលើឆាកអន្តរជាតិ
ក៏ដូចជាធ្វើឲ្យពលរដ្ឋរស់នៅប្រកបទៅដោយសេចក្តីសុខ សុភមង្គលជាទីបំផុត ក្រោមការដឹក
នាំរបស់គណបក្ស សង្គ្រោះជាតិ ដែលមានលោក សម រង្ស៊ី ប្រជាធាន និងលោក កឹម សុខា
ជាអនុប្រធាន រួមជាមួយថ្នាក់ដឹកនាំដ៏ឆ្នើមៗជាច្រើនរូបទៀតនៅក្នុងជួរគណបក្ស
សង្គ្រោះជាតិ ។ ជ័យយោ គណបក្ស សង្គ្រោះជាតិ !! ជ័យយោ ព្រះរាជាណាចក្រកម្ពុជា !!
ជ័យយោ ប្រជាពលរដ្ឋខ្មែរដ៏អង់អាចក្លាហាន !! ៕
No comments:
Post a Comment
yes