សមាជិកកងទ័ពជើងទឹក បង់ក្លាដែស ជួយសង្គ្រោះអ្នកទូក
តំបន់តេកណាហ្វ: មន្ត្រីយោធា ព្រំដែនបង់ក្លាដែសម្នាក់ បាននិយាយថាមនុស្ស៥១នាក់ត្រូវបានជួយសង្គ្រោះបន្ទាប់ពីទូកម៉ាស៊ីនមួយគ្រឿងផ្ទុកជនអន្តោប្រវេសន៍ខុសច្បាប់១១០នាក់បានក្រឡាប់កាលពីព្រឹកថ្ងៃពុធនៅឯឆកបឹងហ្គាល់ក្បែរព្រំដែនភាគខាងត្បូងបង់ក្លាដែសជាប់នឹងព្រំដែនរបស់មីយ៉ាន់ម៉ាខណៈពួកគេកំពុងធ្វើដំណើរទៅម៉ាឡេស៊ីធ្វើឲ្យមនុស្សប្រមាណ៨៧នាក់បាត់ខ្លួន។
វរសេនីយ៍ទោលោក ម៉ូហាម៉ាត់ចាហ៊ីដនៃកម្លាំងការពារព្រំដែនបានថ្លែងថា ទូកនេះបានធ្វើដំណើរឆ្លងកាត់សមុទ្រមានរលកធំៗនៅក្សែរទីប្រជុំជនតេកណាហ្វជាតំបន់នៅជាយភាគខាងត្បូងនៃ ប្រទេសបង់ក្លាដែស។
លោកបានប្រាប់រ៉យទ័រថា៖
«រហូតមកដល់ពេលនេះមនុស្ស៥១នាក់ត្រូវបានសង្គ្រោះដោយទូកឆ្មាំឆ្នេរទូកនេសាទនិងកម្លាំងល្បាតសមុទ្រនៃកម្លាំងព្រំដែន»។
លោក ចាហ៊ីដបានថ្លែងថាប្រតិបត្តិការស្វែងរក កំពុងធ្វើដើម្បីរកអ្នកនៅរស់ផ្សេងទៀត។ គ្មានសាកសពណាមួយត្រូវបានរកឃើញនៅឡើយទេ។
អ្នកនៅរស់លោក ចាម័រហូសេនបានប្រាប់រ៉យទ័រថា៖ «យើងកំពុងធ្វើដំណើរទៅម៉ាឡេស៊ីដើម្បីរកការងារធ្វើប៉ុន្តែភ្លាមៗនោះទូកក៏បានក្រឡាប់និងលិច។ខ្ញុំបានបណ្ដែត ទឹកជាច្រើនម៉ោងមុនពេលទូកនេសាទមកស្រង់ខ្ញុំឡើង»។
អ្នកនៅរស់ពីការលិចទូកម្នាក់ទៀតលោកណាហ្សៀរអះម៉េតបាននិយាយឲ្យដឹងថាទូកនោះបានផ្ទុកមនុស្សណែនដែលភាគច្រើនក្នុងចំណោមពួកគេមិនមានឯកសារធ្វើដំណើរទេ ហើយម្នាក់ត្រូវបង់ប្រាក់ចំនួន២៧០ដុល្លារសម្រាប់ការធ្វើដំណើរទៅម៉ាឡេស៊ីនេះ៕
No comments:
Post a Comment
yes