ក្នុងប្រតិបត្តិការនោះ សមត្ថកិច្ច បានចាប់ខ្លួន ឧកញ៉ា តាំង សេងហាក់ និងបក្សពួកប្រមាណជា១៥នាក់ និងរកឃើញគ្រឿងញៀនជាច្រើននៅក្នុងភូមិគ្រឹះនោះ។
នាយប៉ុស្តិ៍នគរបាលសង្កាត់ភ្នំពេញថ្មី លោក កែវ សទ្ធោតន៍ បានប្រាប់នៅរសៀលថ្ងៃអង្គារនេះថា លោក តាំង សេងហាក់ ដែលមានងារជាឧកញ៉ានេះ ធ្លាប់ជាប់ពន្ធនាគារម្តងរួចមកហើយ ទាក់ទងនឹងករណីទំនាស់ដីធ្លី ៖ "ប្រធានមន្ទីរប្រឆាំងគ្រឿងញៀនរាជធានីភ្នំពេញ លោក ខៀវ សាម៉នមានប្រសាសន៍ថា លោកមិនទាន់បានដឹងពីបញ្ហានេះនៅឡើយទេ។
មិនទាន់អាចទាក់ទងសុំការអធិប្បាយពីព្រះរាជអាជ្ញារង លោក គី ប៊ុណ្ណារ៉ា ដែលទទួលបន្ទុកករណីនេះ បាននៅឡើយទេ រហូតមកដល់ពេលនេះ។
ករណីបង្រ្កាបគ្រឿងញៀននេះ ជាករណីធំទីពីរ ដែលសមត្ថកិច្ចបានចុះទៅឆែកឆេរ នៅភូមិគ្រឹះជនសង្ស័យ អតីតឧត្តមសេនីយ៍ទោផ្កាយពីរ លោក ចាន់ ឬទ្ធីឌី កាលពីថ្ងៃទី២៤ ខែសីហា ដោយបានរកឃើញថ្នាំញៀនជាច្រើនប្រភេទ។
ប្រធានមជ្ឈមណ្ឌលប្រជាពលរដ្ឋដើម្បីអភិវឌ្ឍន៍កម្ពុជា លោក យ៉ង់ គឹមអេង មានប្រសាសន៍ថា កន្លងមក ករណីគ្រឿងញៀន មានការសម្រួលក្រៅផ្លូវការ ដោយមិនមានការដាក់ទោសទណ្ឌតាមផ្លូវច្បាប់។ លោកថា ការចុះបង្រ្កាបគ្រឿងញៀនរបស់សមត្ថកិច្ច នៅមិនទាន់មានវិធានការតឹងរ៉ឹងនៅឡើយទេ ជាពិសេសករណីពាក់ព័ន្ធជាមួយមន្រ្តីដែលមានតំណែងធំ ៖ "
កាលពីថ្ងៃចន្ទម្សិលមិញនេះ សមត្ថកិច្ចរាជធានីភ្នំពេញ បានចុះបង្រ្កាបករណីជួញដូរគ្រឿងញៀន នៅផ្ទះសំណាក់មួយឈ្មោះ ហ្គោលហោស៍ ស្ថិតនៅផ្លូវ២៧១ សង្កាត់ទំនប់ទឹក ខណ្ឌចំការមន ដោយចាប់បានជនសង្ស័យចំនួន២៦នាក់។
របាយការណ៍របស់អាជ្ញាធរជាតិប្រយុទ្ធប្រឆំាងគ្រឿងញៀន បង្ហាញថា ចាប់ពីខែមករាដល់ខែកញ្ញា ឆ្នាំ២០១២នេះ សមត្ថកិច្ចបង្រ្កាបបានគ្រឿងញៀនចំនួន ៥២៤ករណី ស្មើនឹងជាង៥០គីឡូក្រាម ដោយចាប់បានអ្នកប្រើប្រាស់គ្រឿងញៀន ចំនួន ១,១០៤នាក់។ អ្នកជួញដូរគ្រឿងញៀន ដែលចាប់បាននោះ មានដូចជា ជនជាតិកម្ពុជា វៀតណាម ថៃ ហ្វីលីពីន ចិន នីហ្សេរីយ៉ា កូរ៉េ អាមេរិក បារាំង ជប៉ុន និងន័រវែស៕
No comments:
Post a Comment
yes