លោកប្រធានាធិបតី អូបាម៉ា
ភ្នំពេញៈ ការបញ្ជូនសារម្តងហើយម្តងទៀត ហើយវាមិនច្បាស់ជាងពាក្យស្លោកជាភាសាអង់គ្លេស ដែលបានលើកនៅមុខកិច្ចប្រជុំកំពូលអាស៊ាន ក្នុងរាជធានីភ្នំពេញ កាលពីសប្តាហ៍មុនដែលថា ៖ «LONG LIVE THE PEOPLE'S REPUBLIC OF CHINA!»។
មនុស្សជាច្រើនបានគិតភ្លាមៗថា ឥទិ្ធពលរបស់អាមេរិកនៅប្រទេសកំពុងអភិវឌ្ឍន៍នៅអាស៊ី ដូចជា កម្ពុជា កំពុងធ្លាក់ចុះ ព្រោះអាមេរិកលែងជាប្រទេសម្ចាស់ជំនួយធំដ៏ទាក់ទាញទៀតហើយ។
ប៉ុន្តែ ខណៈដែលកម្ចីចិនអាចបំពេញចន្លោះខ្វះខាតថវិកាក្នុងរយៈពេលដ៏ខ្លី នៅកម្ពុជាសម្រាប់ការអភិវឌ្ឍហេដ្ឋារចនាសម្ព័ន្ធ គឺអ្នកទិញនៅទីផ្សារដូចជា សហភាពអឺរ៉ុប និងសហរដ្ឋអាមេរិក ជាកត្តាសំខាន់ចំពោះឆ្អឹងខ្នងនៃសេដ្ឋកិច្ចកម្ពុជាពិសេស គឺវិស័យកាត់ដេរ។
តួអង្គសំខាន់ក្នុងឧស្សាហកម្មនេះ ដូចជា លោក Dave Welsh ពីមជ្ឈមណ្ឌលអាមេរិកដើម្បីសាមគ្គីភាពពលកម្មអន្តរជាតិសង្ឃឹមថា អាចជួបលោកប្រធានាធិបតីអាមេរិក បារ៉ាក់ អូបាម៉ា ក្នុងអំឡុងដំណើរទស្សនកិច្ចដ៏ខ្លីមកកាន់ប្រទេសកម្ពុជាក្នុងសប្តាហ៍មុន ប៉ុន្តែផ្ទុយទៅវិញ លោកមិនអាចជួបពិភាក្សាជាមួយនឹងលោកប្រធានាធិបតីបានឡើយ។
លោក Welsh បានប្រាប់ភ្នំពេញ ប៉ុស្តិ៍ ថា លោកសង្ឃឹមថា អាចនឹងយកឱកាសនោះ ដើម្បីជម្រាបលោកប្រធានាធិបតី អូបាម៉ា ថា ឥទិ្ធពលតែមួយគត់ដែលអាមេរិកមានលើបញ្ហាសិទិ្ធមនុស្ស គឺលក្ខខណ្ឌពាណិជ្ជកម្មមានកំហិតឬអនុគ្រោះ។
លោកបញ្ជាក់ ថា ៖ «ទីផ្សារសហភាពអឺរ៉ុប និងអាមេរិកនៅតែមានឥទិ្ធពល ព្រោះជាទីផ្សារធំ ហើយអ្នកនៅតែមានឥទិ្ធពលខ្លាំងតាមរយៈទីផ្សារធំនេះ»។
«នោះជាអ្វីដែលយើងដាក់លើម៉ាក កាលពីខែមុនក្នុងប្រទេសវៀតណាម បើទោះជាចិនមានឥទិ្ធពលក៏ដោយ ប៉ុន្តែ ទីផ្សារនៅតែជាម្ចាស់ ក្នុងការកំណត់របៀបវារៈ និងមានឥទិ្ធពលក្នុងការកំណត់លើឧស្សាហកម្មដ៏ធំបំផុតនៅ ក្នុងទីផ្សារកាត់ដេរ នៅសហភាពអឺរ៉ុប និងសហរដ្ឋអាមេរិក»។
បើទោះជាការទិញសម្លៀកបំពាក់បានថយចុះ បន្ទាប់ពីមានវិបតិ្តហិរញ្ញវត្ថុពិភពលោក ប៉ុន្តែ ឧស្សាហកម្មនៅទីនេះកំពុងតែរីកចម្រើន ដោយសមាគមរោងចក្រកាត់ដេរនៅកម្ពុជារកឃើញថា ការនាំចេញទៅសហភាពអឺរ៉ុបបានកើនឡើងជិត ៧០ភាគរយ ក្នុងឆ្នាំ ២០១១។
លោក ខេន លូ អគ្គលេខាធិការនៃសមាគមរោងចក្រកាត់ដេរនៅកម្ពុជា បានឲ្យដឹងក្នុងបទបង្ហាញពីខែតុលា ឆ្នាំកន្លងទៅថា កត្តាសំខាន់នៃកំណើននេះ គឺវិធានប្រភពដើមថ្មី ដែលបានដាក់ឲ្យអនុវត្តក្នុងគម្រោងអនុគ្រោះទូទៅរបស់សហគមន៍ អឺរ៉ុប ក្នុងខែមករា ឆ្នាំ២០១១ ដែល«ផ្តល់លទ្ធភាពរួចពន្ធដល់សម្លៀកបំពាក់ដែលផលិតនៅកម្ពុជា»។
កម្ពុជាក៏បានជំរុញឲ្យសហរដ្ឋអាមេរិកផ្តល់ការអនុគ្រោះស្រដៀងគ្នា នេះដែរ ប៉ុន្តែកម្ពុជានៅមានបញ្ហានៃបទដ្ឋានគតិយុត្ត អភិបាលកិច្ច និងសិទិ្ធមនុស្ស ក៏ដូចជា «និន្នាការបែបផ្តាច់ ការរបស់លោកនាយករដ្ឋមន្រ្តី ហ៊ុន សែន ដូចក្នុងរបាយការណ៍ខែកក្កដា ឆ្នាំ២០០៧ របស់ស្ថាប័ន Congressional Research Service។
លោកស្រី Maeve Galvin មន្រ្តីតស៊ូមតិនិងទំនាក់ទំនងនៅអង្គការពលកម្មពិភពលោក ថ្លែងថា ក្រៅពីការអនុគ្រោះ ថ្លៃពលកម្មទាបនិងផលិតភាពខ្ពស់កម្ពុជាធានាថា អ្នកទិញបន្តចាប់អារម្មណ៍លើរោងចក្រផលិតនៅកម្ពុជា។
លោកស្រី បញ្ជាក់ថា៖ «យើងមានរោងចក្រថ្មី៧០ បើកក្នុងឆ្នាំនេះ។ រោងចក្រទាំងនោះភាគច្រើនជារបស់ជនជាតិចិន។ នោះក៏ជាកត្តាមួយដែរ។ ខ្ញុំគិតថា កម្ពុជាជាទិសដៅទាក់ទាញសម្រាប់អ្នកទិញ ដោយសារមូលហេតុជាច្រើន»។
យោងតាមតួលេខក្រសួងពាណិជ្ជកម្ម ផ្តល់ដោយប្រភពពីខាងក្រៅថា វិស័យកាត់ដេរនិងវាយនភ័ណ្ឌកម្ពុជាសម្រាប់ឆមាសទី១ ឆ្នាំ ២០១២ មានតម្លៃ១,៩ ពាន់លានដុល្លារអាមេរិកនៃតម្លៃនាំចេញសរុប ២,៥ ពាន់លានដុល្លារ ក្នុងនេះទឹកប្រាក់ ៩៣៨លានដុល្លារអាមេរិកបានមកពីទីផ្សារអាមេរិក និង ៥៧៣ លានដុល្លារអាមេរិកបានពីទីផ្សារសហគមន៍អឺរ៉ុប។ ចិនមិនមែនជាទីផ្សារធំសម្រាប់សម្លៀកបំពាក់កម្ពុជាឡើយ។
តួលេខដដែលបានបង្ហាញថា វិស័យកាត់ដេរនិងវាយនភ័ណ្ឌ បានកើនឡើង ១១,២៧ ភាគរយ បើធៀបនឹងរយៈពេលដូចគ្នាពីឆ្នាំ ២០១១ ជាមួយនឹងការធ្លាក់ចុះបន្តិចពីអ្នកទិញនៅអាមេរិក។
និយាយឲ្យខ្លី ពាណិជ្ជកម្មកំពុងរីកចម្រើនក្នុងវិស័យកាត់ដេរនៅកម្ពុជា មានប្រហែល៧៦ភាគរយនៃការនាំចេញ ប៉ុន្តែ មានខ្លះកំពុងងើបឡើង គឺប្រទេសមីយ៉ាន់ម៉ា ដែលកំពុងសម្តែងចេញនូវអ្វីដែលអាមេរិកចង់បាន។ ទោះជាយ៉ាងណា តួយ៉ាងដូចជា មីយ៉ាន់ម៉ា មិនអាចគំរាមដល់ចំណែកទីផ្សារកម្ពុជាឡើយ។
លោក Welsh ថ្លែងថា៖ «ឥឡូវនេះវិស័យកាត់ដេរកម្ពុជាកំពុងរីកចម្រើន ប៉ុន្តែខ្ញុំចាត់ទុកថា នោះជាសញ្ញាបង្វែរចំណាប់អារម្មណ៍ ខ្ញុំគិតថា បញ្ហាចំពោះមុខគឺការប្រកួតប្រជែងពីទីផ្សាររោងចក្រកំពុងងើប ឡើង នៅមីយ៉ាន់ម៉ា»។
ប៉ុន្តែ បើទោះការដឹកនាំផ្តាច់ការដោយរបបយោធារយៈពេលវែងបានក្លែងជា រដ្ឋាភិបាលស៊ីវិលពាក់កណ្តាលក៏ដោយ ប៉ុន្តែ នៅមានកំណែទម្រង់ជាច្រើនដែលត្រូវធ្វើ ហើយវិស័យកាត់ដេរ របស់មីយ៉ាន់ម៉ា នៅក្មេងខ្ចីនៅឡើយ។
មន្រ្តីរដ្ឋាភិបាលនៅ មីយ៉ាន់ម៉ាបានបន្តត្អួញត្អែរថា ខណៈដែលអឺរ៉ុបកំណត់ពន្ធលើសម្លៀកបំពាក់ពីប្រទេសមីយ៉ាន់ម៉ា បង់ក្លាដែស កម្ពុជា និងវៀតណាម បន្តទទួលបានការលើកលែងពន្ធ។
ក្នុងសេចក្តីសង្ខេបអំពីកិច្ចប្រជុំទ្វេភាគីរវាងលោក អូបាម៉ា ជាមួយនឹងលោកនាយករដ្ឋមន្រ្តី ហ៊ុន សែន នៅសប្តាហ៍មុន លោក Ben Rhodes អនុទីប្រឹក្សាសន្តិសុខជាតិសម្រាប់ទំនាក់ទំនងជាយុទ្ធសាស្រ្ត បានលើកឡើងយ៉ាងច្បាស់ថា ប្រទេសដែលធ្វើឲ្យទីក្រុងវ៉ាស៊ីនតោនសប្បាយចិត្តលើបញ្ហា សិទិ្ធមនុស្សមួយចំនួន នឹងទទួលបានអត្ថប្រយោជន៍។
លោក Rhodes បានលើកឡើងដែរថា៖ «ដូច្នេះជាថ្មីម្តងទៀតយើងចង់បញ្ជូនសញ្ញាច្បាស់លាស់ និងជាពិសេស ក្នុង ដំណើរទស្សនកិច្ចទៅមីយ៉ាន់ម៉ាថា ប្រទេសទាំងឡាយដែលឆ្ពោះទៅទិសដៅត្រូវ នឹងមើលឃើញអត្ថប្រយោជន៍ជាវិជ្ជមានពីសេចក្តីសម្រេចទាំងនោះ ប្រទេសទាំងនោះដែលមិនដើរទៅរកទិសដៅត្រូវនឹងមិនទទួល បានឡើយ»។
លោក ខេន លូ បានថ្លែងបញ្ជាក់កាលពីម្សិលមិញថា លោកមិនជឿថា ឧស្សាហកម្មកាត់ដេរនៅមីយ៉ាន់ម៉ា នឹងជាការគំរាមកំហែងចំពោះរោងចក្រនៅប្រទេសកម្ពុជាក្នុងពេល ឆាប់ៗនោះឡើយ ប៉ុន្តែ ពាណិជ្ជកម្មអនុគ្រោះជាមួយនឹងសហរដ្ឋអាមេរិក គឺមានសារៈសំខាន់ណាស់។
លោក បានបន្តថា៖ «រយៈពេលវែង និង ខ្លី គឺយើងកំពុងព្យាយាមទទួលបានលក្ខខណ្ឌអនុគ្រោះពីសហរដ្ឋអាមេរិក មុនពេលកូតា [សេរី] បានបញ្ចប់ [ក្នុងឆ្នាំ ២០០៤] ព្រោះយើងបានព្យាយាមបង្ការនូវបញ្ហានោះ»។
លោក ខេន លូ បានលើកឡើងដែរថា៖ «យើងបន្តបញ្ចុះបញ្ចូលរដ្ឋាភិបាលអាមេរិក និងពន្យល់ដល់រដ្ឋាភិបាលដែលកំពុងកាន់អំណាច អំពីបញ្ហានៃការព្យាយាមទទួលបានលក្ខខណ្ឌអនុគ្រោះពន្ធសម្រាប់ ផលិតផលឧស្សាហកម្មនេះ»។
លោក ចម ប្រសិទ្ធ រដ្ឋមន្រ្តីក្រសួងពាណិជ្ជកម្ម បានថ្លែងថា លោកជាប់រវល់ពុំអាចផ្តល់ការអត្ថាធិប្បាយបានឡើយ កាលពីម្សិលមិញ៕
No comments:
Post a Comment
yes