លោក រដ្ឋមន្ត្រីក្រសួងព័ត៌មាន បាននិយាយរម្លឹកឡើងវិញ នាព្រឹកថ្ងៃទី២០ ខែវិច្ឆិកា បន្ទាប់ពីសន្និ សិតកាសែត ស្ដីពីជំនួបទ្វេភាគី ត្រូវបានធ្វើម្ដងរួចមកហើយ ដោយលោកប្រាក់ សុខុន កាលល្ងាច ម្សិលម៉ិញ នៅមណ្ឌលព័ត៌មានដដែលនេះ។ លោក ខៀវ កញារឹទ្ធ បានស្រង់សម្ដី លោកនាយក រដ្ឋមន្ត្រី ហ៊ុន សែន ឆ្លើយតបទៅនឹង ការលើកឡើងរបស់លោកប្រធានាធិបតីអាមេរិក បារ៉ាក់ អូបាម៉ា ទាក់ទងនាយកវិទ្យុសម្បុកឃ្មុំ យ៉ាងដូច្នេះថា «លោក ម៉ម សូណង់ដូ មិនមែនជាប់ទោសក្នុងនាមអ្នកសារព័ត៌មានទេ»។
លោករដ្ឋមន្ត្រីបានបញ្ជាក់ជាថ្មី ពីការជួបគ្នារវាង លោក អូបាម៉ា និងលោក ហ៊ុន សែន ថាបានស្វែង យល់ពីគ្នាទៅវិញទៅមក ដែលនេះជាចំណុចចាប់ផ្តើម ទំនាក់ទំនងគ្នាមួយដ៍ល្អ សម្រាប់ឆ្ពោះទៅថ្ងៃអនាគត។ លោកបានពន្យល់ថា «គឺល្អណាស់ មិនដូចក្រុមប្រឆាំងខ្លះ បានលើកឡើងថា លោក អូបាម៉ា មកជួបតែ២០នាទីប៉ុណ្ណោះនោះទេ។ តាមពិតជំនួបនេះមានដល់ទៅ ៤០នាទី (...) ចំណែក ឯបញ្ហាសិទ្ធិមនុស្ស គ្រាន់តែជាបញ្ហាតូចមួយប៉ុណ្ណោះ។»
ការលើកឡើងរបស់លោក ខៀវ កញារឹទ្ធ ផ្ទុយនឹងការលើកឡើងរបស់ ទីប្រឹក្សាសន្តិសុខជាតិ អាមេ រិកលោក ប៊េន រ៉ូដេស (Ben Rhodes) ដែលថាលោក បារ៉ាក់ អូបាម៉ា បានបញ្ជាក់ក្នុង «ជំនួបដ៏តឹង តែង» ជាមួយនាយករដ្ឋមន្ត្រីខ្មែរលោក ហ៊ុន សែន ថាការរំលោភសិទ្ធិមនុស្ស ជា«ឧបសគ្គ» ទៅដល់ជម្រៅនៃទំនាក់ទំនងទ្វេភាគី អាមេរិក និងកម្ពុជា។
ជំនួបទ្វេភាគី ទល់មុខ រវាងលោកប្រធានាធិបតីអាមេរិក និងលោកនាយករដ្ឋមន្ត្រីខ្មែរ បានធ្វើឡើងក្ នុងដណើរមកចូលរួម ក្នុងជំនួបកំពូលនៅទីក្រុងភ្នំពេញ រៀបចំដោយប្រទេសកម្ពុជា នៅក្រោយ តែ ប៉ុន្មានម៉ោងប៉ុណ្ណោះ ពីដំណើរទស្សនកិច្ចរបស់លោកប្រធានាធិបតី នៅទីក្រុងរ៉ង់ហ្គូន ប្រទេស ភូមា។ ឆ្លើយតបនឹងការសាកសួរ របស់ទីភ្នាក់ងារសារពត៌មានបារាំង អាអេហ្វប៉េ (AFP) លោក ប៊េន រ៉ូដេស បានលើកឡើងថា លោកប្រធានាធិបតីអាមេរិក បានសង្កត់ធ្ងន់យ៉ាងសំខាន់ ទៅលើ «បញ្ហា សិទ្ធិមនុស្ស» ជាមួយនឹងដៃគូរសន្ទនារបស់លោក។
ប្រធានាធិបតីអាមេរិក បានលើកបញ្ជាក់ ទៅលោកហ៊ុន សែន ពីសារសំខាន់ នៃការបោះឆ្នោត ត្រឹម ត្រូវនិងសេរី និងការដោះលែងអ្នកទោសនយោបាយ។ តែភាគីកម្ពុជា បានច្រានចោល ពីរាល់ ការ ចោទប្រកាន់ទាំងនេះ ដោយថា ខ្លួនបានរងគ្រោះនឹង «យុទ្ធនាការមូលបង្កាច់ការពិត»។
ទាក់ទងនឹងអ្នកទោសនយោបាយ លោកអូបាម៉ា បានលើកយកករណីចំឈ្មោះមួយ ទៅលើលោក ម៉ម សូណង់ដូ ជានាយកវិទ្យុក្នុងស្រុក «សំបុកឃ្មុំ» ដែលត្រូវបានតុលាការក្រុងភ្នំពេញ កាត់ទោស អោយជាប់ពន្ធនាគា ចំនួន២០ឆ្នាំ ពីបទបង្កើតតំបន់អប្បគមន៍ ក្នុងខេត្តក្រចេះ។
សូមអានរបាយការណ៍ របស់មនោរម្យព័ងអាំងហ្វូ ជុំវិញករណីលោកម៉ម សូណង់ដូ ដោយចុចលើ ទីនេះ។
លោក ប៊េន រ៉ូដេស បានបញ្ជាក់ថា នៅពេលចាប់ផ្ដើមជំនួប លោកបារ៉ាក់ អូបាម៉ា បាននិយាយទៅ កាន់ លោកហ៊ុន សែន ពីដំណើរទស្សនកិច្ចរបស់លោក នៅប្រទេសភូមា ដើម្បីជាឧទាហរណ៍មួយ ដែលថាប្រទេសនេះកំពុងស្ថិត ក្នុងដំណើរដើរទៅមុខ នៃការកែទម្រង់នយោបាយ និងបង្កើន ការ គោរពសិទ្ធិមនុស្ស ដែលគូរតែយកគំរូតាម។ តែក្នុងសន្និសិតកាសែត ក្រោយជំនួបល្ងាចថ្ងៃ ទី១៩ វិច្ឆិកា នោះដដែល លោកប្រាក់ សុខុន ទំនងជាចង់តបទៅនឹង ការលើកឡើងរបស់លោក អូបាម៉ានេះ យ៉ាងដូច្នេះថា «ប្រទេសធំៗមួយចំនួន បានមកពឹង សុំសម្ដេចតេជោ ទៅនិយាយជាមួយ រដ្ឋាភិ បាលមីយ៉ានម៉ា អោយធ្វើការកែទម្រង់ (...) ដោយឥឡូវនេះ តាមរយះយុទ្ធនាការមួលបង្កាច់នេះ ហាក់ដូចជាកម្ពុជា ឥឡូវក្លាយទៅជាកូនសិស្សដែលអាក្រក់ជាងមីយ៉ាន់ម៉ាទៅវិញ»៕
No comments:
Post a Comment
yes