រូបថតមួយសន្លឹកនេះ ថត ក្នុង ពេល លាង សាយភោជ ពេល ល្ងាច ក្នុង ចំណោម រូប ថត
មួយ កំភ្លុស ធំ ដែល អាមេរិក មិន ចាប់ ទុក ក្នុង ចិត្ត
សម្រាប់ប្រទេសកម្ពុជា វាគឺជាមហាកិត្តិយស និង ជាប្រវត្តិសាស្ត្រ ដែលបានទទួលស្វាគមន៏ដំណើរទស្សនកិច្ចរបស់ប្រធានាធិបតីអាមេរិកនៅក្នុងអំណាច ។ទាំងក្រុមមន្ត្រីជាន់ខ្ពស់របស់រដ្ឋាភិបាល ក៏ដូចជាលោក នាយករដ្ឋមន្ត្រី ហ៊ុន សែន ថែមទាំងភរិយារបស់គាត់ ដែលជាប្រធានកាកបាទក្រហមកម្ពុជាផង បានខំសម្រិតសម្រាំងខ្លួនយ៉ាងអស់ដៃ ដើម្បីផ្ដិតយកអនុស្សាវរីយ៏ជាមួយលោក បារ៉ាក់ អូបាម៉ា ក្នុងន័យគ្រាន់បន្លាចពលរដ្ឋខ្មែរគ្នាឯងផង និង ជាសារប្រាប់ដល់ពួកមន្ត្រីអាមេរិកទាំងក្នុងអាណតិ្តនេះ និង ក្រោយៗផងថា យើងធ្លាប់មានទំនាក់ទំនងជិតស្និតជាមួយមេរបស់ពួកលោកឯង ។ប៉ុន្តែខុសហើយ តាមរយៈគេហទំព័រសេតវិមាន គេពុំបានរកឃើញរូបថតលោក ហ៊ុន សែនមួយសន្លឹកសោះ នៅក្នុងអាល់ប៊ុម របស់សេតវិមានក្នុងដំណើរទស្សនកិច្ចរបស់លោក អូបាម៉ា មកកាន់កម្ពុជា កាលពីថ្ងៃទី ១៩-២០ វិច្ឆិកា នោះឡើយ ។ ក្រៅតែពីមេដឹកនាំអាស៊ីមួយចំនួនដូចជាលោក ស្រីយីង ឡាក់ នាយករដ្ឋមន្ត្រីថៃ លោក ថេនសេន ប្រធានាធិបតីភូមា លោក ស្រី អ៊ួង សាន ស៊ូជីប្រមុខបក្សប្រឆាំងភូមា និង លោក យូស៊ីហ៊ីកូ ណូដា ជាដើម ។
យោងតាមកាសែតភ្នំពេញប៉ុស្ដិ៏ដែលបានឃើញគេហទំព័រសេតវិមាន ចេញផ្សាយថ្ងៃទី២៣វិច្ឆិកានេះថា ” ក្នុងចំណោមរូបថតចំនួន ១៣ សន្លឹក ដែលបានថតនៅរាជធានីភ្នំពេញ ដែលលោក អូបាម៉ា ចំណាយរយៈពេលជាង ២៥ ម៉ោង ដើម្បីចូលរួមក្នុងកិច្ចប្រជុំកំពូលអាស៊ាន កិច្ចពិភាក្សាទ្វេភាគី និងពិធីលាងសាយភោជពេលល្ងាច ដែលមានវត្តមានរបស់លោកនាយករដ្ឋមន្រ្តី ហ៊ុន សែន ក៏ដោយ ក៏ពុំមានរូបថតណាមួយ បង្ហាញអំពីលោក ហ៊ុន សែន ឡើយ”។
លោក Carlyle Thayer សាស្រ្តាចារ្យកិតិ្តយស ផ្នែកនយោបាយនៅសាកលវិទ្យាល័យ New South Wales ត្រូវបានស្រង់សម្ដីដោយកាសែតទាក់ទងរឿងឆ្កឹៈរូបលោកនាយករដ្ឋមន្ត្រីខ្មែ ហ៊ុន សែនចេញនេះថា ៖ ” ការពិត វាជាចេតនា។ មិនអាចមានការពន្យល់ផ្សេងទៀតឡើយ។ វាគ្រាន់តែជាវិធីបង្ហាញអំពីការមិនសប្បាយចិត្ត»។
លោក Carlyle Thayer បន្តថា ” វាជាវិធីល្អដែលយករូបលោក ហ៊ុន សែន ចេញ ហើយសមាជិកសភា នឹងយល់ដឹងថា តើ គាត់កំពុងធ្វើអ្វីខ្លះ “ ៕
No comments:
Post a Comment
yes