តំណាងជនជាតិព្នង បានដាក់លិខិតទៅប្រធានរដ្ឋសភា លោក ហេង សំរិន ឲ្យជួយអន្តរាគមន៍ ចំពោះការប្រើពាក្យសម្តីមិនសមរម្យទៅកាន់ជនជាតិដើមភាគតិចព្នង ពីសំណាក់អ្នកតំណាងរាស្ត្រគណបក្សប្រជាជនកម្ពុជា លោក ឈាង វុន។
យោងតាមលិខិតរបស់ប្រធានក្រុមប្រឹក្សាភិបាលនៃសមាគមយុវជនជនជាតិដើមភាគតិចកម្ពុជា ចុះថ្ងៃទី២២ ខែវិច្ឆិកានេះ បានសុំឲ្យប្រធានរដ្ឋសភា លោក ហេង សំរិន ឲ្យជួយធ្វើអន្តរាគមន៍ឲ្យលោក ឈាង វុន សុំទោសទៅកាន់ជនជាតិដើមភាគតិចព្នង និងដកពាក្យដែលតំណាងរាស្ត្ររូបនេះប្រើថា ”ព្រៃផ្សៃដូចពួកព្នង” ដែលលោកប្រើនៅក្នុងអង្គប្រជុំសភាកន្លងមក។
ជនជាតិព្នងទាំងនោះ បានទាមទារឲ្យលោក ឈាង វុន សុំទោសតាមបែបប្រពៃណីពួកគេ ព្រមទាំង ផ្សព្វផ្សាយការសុំទោស ជាសាធារណៈតាមរយៈសារព័ត៌មាន។
គួរបញ្ជាក់ថា លោក ឈាង វុន បានប្រើពាក្យព្នងសំដៅលើក្រុមតំណាងរាស្ត្រប្រឆាំងនៅក្នុងកិច្ចប្រជុំសភា កាលពីព្រឹកថ្ងៃពុធ ទី១៤ ខែវិចិ្ឆកា ឆ្នាំ២០១២ ធ្វើឲ្យតំណាងរាស្រ្តគណបក្សជំទាស់ជិត៣០រូប ដើរចេញពីកិច្ចប្រជុំភ្លាមៗ។ ប៉ុន្តែលោក ឈាង វុន អះអាងថា លោកមិនបានប្រមាថជនជាតិព្នងនោះទេ ដោយសំអាងថា នៅកម្ពុជាមិនមានជនជាតិព្នងទៀតឡើយ៕
No comments:
Post a Comment
yes