២៦-មីនា-២០១០: ជនជាតិព្នងនៅក្នុងពិធីសម្ពោធផ្សព្វផ្សាយសៀវភៅស្ដីពី
ប្រពៃណី និងទំនៀមទម្លាប់របស់ជនជាតិដើមភាគតិច នៅក្នុងរាជធានីភ្នំពេញ
តំណាងរាស្ត្របក្សប្រជាជនកម្ពុជា និងជាប្រធានគណៈកម្មការបរទេសនៃរដ្ឋសភា លោក ឈាង វុន កាលពីថ្ងៃទី២៨ វិច្ឆិកា បានប្រកាសថា លោកនឹងថ្លែងសុំទោសជនជាតិដើមភាគតិចព្នងជាសាធារណៈនៅក្នុងកិច្ចប្រជុំរដ្ឋសភា ក្រោយពីលោកបានថ្លែងចាត់ទុកតំណាងរាស្ត្របក្សប្រឆាំងថា មានភាពកាចសាហាវដូចជនជាតិព្នង។
កាលពីថ្ងៃទី១៤ ខែវិច្ឆិកា តំណាងរាស្ត្រគណបក្ស សម រង្ស៊ី និងតំណាងរាស្ត្រគណបក្សសិទ្ធិមនុស្ស សរុបចំនួនជិត ៣០នាក់ បានដើរចេញពីកិច្ចប្រជុំសភាជាតិយ៉ាងតក់ក្រហល់ នៅគ្រាលោក ឈាង វុន ហៅប្រធានគណបក្សសិទ្ធិមនុស្ស លោក កឹម សុខ និងតំណាងរាស្ត្រគណបក្ស សម រង្ស៊ី លោក សុន ឆ័យ ថាជាមនុស្សព្នង ឬជាមនុស្សព្រៃផ្សៃ។
គម្រោងសុំទោសនេះ ធ្វើឡើងបន្ទាប់ពីតំណាងជនជាតិភាគតិច និងតំណាងរាស្ត្រគណបក្សប្រឆាំងបានទាមទារឲ្យលោក ឈាង វុន សុំទោសចំពោះការដែលលោកបានប្រើពាក្យសំដីមាក់ងាយដល់ជនជាតិព្នង។
No comments:
Post a Comment
yes