បាតុករអាវក្រហមថៃពីរនាក់បង្ហាញពីរូបលោកអភិសិត
នៅថ្ងៃព្រហស្បត្តិ៍នេះតុលាការថៃនឹងបើកសវនាការកាត់ទោសសកម្មជនចលនាអាវក្រហមថែ២៤នាក់ ស្តីពីបទភេរវកម្មកាលពីឆ្នាំ២០១០។ ក្នុងចំនោមអ្នកជាប់ចោទទាំងអស់នេះ មានតំណាងរាស្រ្តប្រហែល៥នាក់ ភាគច្រើនជាអ្នកគាំទ្រអតីតនាយករដ្ឋមន្ត្រីថៃ លោកថាក់ស៊ីនស៊ីណាវ៉ាត្រា។ សកម្មជនអាវក្រហម ទទួលការចោទប្រកាន់ពីបទដឹកនាំធ្វើបាតុកម្មបះបោរទំលាក់រដ្ឋាភិបាលជំនាន់នោះ ដែលអំពើហឹង្សារបានបង្កមនុស្សស្លាប់១៩០នាក់ និងរងរបួស១៩០០នាក់។ ពួកគេអាចជាប់ទោសរហូតដល់ប្រហារជីវិត។
តួនាទីសំខាន់ក្នុងការដឹកនាំបាតុកម្មបង្កហឹង្សាកាលពីឆ្នាំ២០១០ អាចធ្វើអោយសកម្មជនអាវក្រហមថៃដែលភាគច្រើនជាអ្នកគាំទ្រអតីតនាយករដ្ឋមន្ត្រីថែថាក់ស៊ីនស៊ីណាវ៉ាត្រាអាចទទួលទោសរហូតដល់ការប្រហារជីវិត។
កាលពីឆ្នាំ២០១០ ក្រុមបាតុករអាវក្រហមថៃប្រហែលជាង១០ម៉ឺននាក់ បានប្រមូលផ្តុំគ្នាកាន់កាប់ទីក្រុងបាងកករយៈពេល២ខែ ដើម្បីផ្តួលរំលំរដ្ឋាភិបាលសម័យនោះគឺរដ្ឋាភិបាលលោកអាភិសិត។ យោធារដ្ឋាភិបាលអាភិសិតបានបង្ក្រាបបាតុករ ដែលអំពើហឹង្សាធ្វើអោយមនុស្ស៩០នាក់ស្លាប់ និង២ពាន់នាក់ទៀតរងរបួស។ មេដឹកនាំសំខាន់ៗបានត្រូវប៉ូលីសដោះលែងនៅថ្ងៃចុងក្រោយនៃអំពើហឹង្សាបន្ទាប់ពីបានបង់ប្រាក់ធានារ៉ាប់រងរួចមក។
ភាពតានតឹងរវាងក្រុម អាវក្រហមដែលគាំទ្រលោក ស៊ីណាវ៉ាត្រា និងក្រុមអាវលឿងដែលគាំទ្ររាជានិយមបានត្រូវថយចុះបន្ទាប់ពីបក្សពួកលោកថាក់ស៊ីនបានជាប់ឆ្នោតនៅឆ្នាំ២០១១។ ប្អូនស្រីលោក ស៊ីណាវ៉ាត្រាគឺយីងឡាក់ ស៊ីណាវ៉ាត្រាជាអ្នកដឹកនាំរដ្ឋាភិបាលថៃពេលបច្ចុប្បន្ន។
សវនាការកាត់ទោសជនអាវក្រហមថៃប្រហែលជាត្រូវចំនាយរយៈពេលច្រើនខែ។
តំណាងរាស្ត្រសំខាន់ៗនឹងអាចរួចខ្លួនពីបទជាប់ប្រកាន់។ ប៉ុន្តែ គេមិនបានឃើញអ្នកទទួលខុសត្រូវរដ្ឋាភិបាលណាមួយ រឺក៏ទាហានណាម្នាក់នៅសម័យនោះមានឈ្មោះក្នុងបញ្ជីជាប់ប្រកាន់ក្នុងរឿងក្តីសំរាប់ថ្ងៃព្រហស្បត្តិ៍នេះទេ។
បន្ទាប់ពីបានកាន់តំណែងក្នុងរដ្ឋាភិបាលបានរយៈពេលជាងមួយឆ្នាំមក ប្អូនស្រីលោក ស៊ីណាវ៉ាត្រា បានព្យាយាមបង្កើតច្បាប់លើកលែងទោសចំពោះអំពើហឹង្សានយោបាយដែលកើតឡើងតាំងពីឆ្នាំ២០០៥ នៅក្នុងប្រទេស ។ ដូចនេះជនដឹកនាំសំខាន់ៗនៃ អំពើហឹង្សាឆ្នាំ២០១០ នឹងអាចទទួលប្រយោជន៍ចាកផុតពីការចោទប្រកាន់បាន៕
No comments:
Post a Comment
yes