អនុទីប្រឹក្សាសន្តិសុខជាតិសហរដ្ឋអាមេរិក លោក Ben Rhodes បានលើកឡើង នៅក្នុងសេចក្តីប្រកាសព័ត៌មានរបស់សេតវិមានថា លោកមិនគិតថាលោកនាយករដ្ឋមន្ត្រី មានការភ្ញាក់ផ្អើលនឹងបញ្ហាសិទ្ធិមនុស្ស បញ្ហាដីធ្លី និងបញ្ហាផ្សេងទៀត ដែលប្រធានាធិបតីសហរដ្ឋអាមេរិក បានលើកឡើងនៅក្នុងជំនួបទ្វេភាគី កាលពីព្រលប់ថ្ងៃចន្ទនោះទេ។
នៅក្នុងសេចក្តីប្រកាសព័ត៌មានបន្ទាន់មួយ របស់សេតវិមាន នៅថ្ងៃអង្គារនេះ បានបង្ហាញថា ប្រធានាធិបតីអាមេរិក លោក បារ៉ាក់ អូបាម៉ា បានលើកឡើងជាច្រើនចំណុច ជាមួយលោកនាយករដ្ឋមន្ត្រីហ៊ុន សែន ក្នុងនោះមានដូចជា ដំណើរបោះឆ្នោតនៅកម្ពុជា ប្រកបដោយសេរីនិងយុត្តិធម៌ ស្របពេលដែលអ្នកទោសនយោបាយមួយចំនួនកំពុងជាប់ពន្ធនាគារ បញ្ហាជម្លោះដីធ្លីនៅកម្ពុជា និងបញ្ហាសិទ្ធិមនុស្សមួយចំនួនទៀត។ ប៉ុន្តែលោក Ben Rhodes បានលើកនៅក្នុងសេចក្តីថ្លែងការណ៍នោះថា បញ្ហាដែលបានលើកឡើងទាំងនេះ លោកនាយករដ្ឋមន្ត្រីហ៊ុន សែន ដូចជាមិនមានការភ្ញាក់ផ្អើលអ្វីនោះទេ ដោយថា លោកនាយករដ្ឋមន្ត្រីព្យាយាមពន្យល់នូវ អ្វីដែលជាការីកចម្រើនរបស់កម្ពុជា។
លោក Ben Rhodes បានបញ្ជាក់នៅក្នុងសេចក្តីថ្លែងការណ៍របស់សេតវិមានថា អ្វីដែលលោកនាយករដ្ឋមន្ត្រីហ៊ុន សែន ចាប់អារម្ភ និងបន្តការជជែកជាមួយនឹងលោកអូបាម៉ា នោះគឺការស្នើសុំឲ្យសហរដ្ឋអាមេរិកលប់ចោលបំណុលដែលកម្ពុជាជំពាក់ ការបន្តរឹតចំណងទាក់ទងផ្នែកសេដ្ឋកិច្ចនិងចំណងទាក់ទងការទូត ព្រមទាំងពិភាក្សា អំពីកិច្ចសហប្រតិបត្តិការនយោបាយ ដើម្បីការរីកចម្រើននៅក្នុងតំបន់៕
No comments:
Post a Comment
yes