ថាក់ស៊ីន ទិញយន្តហោះ មួយគ្រឿង ជាអំណោយ ឲ្យកូនស្រីពៅ

បាងកក៖ លោក ថាក់ស៊ីន បានប្រកាសទិញ យន្តហោះផ្ទាល់ខ្លួន មួយគ្រឿងឲ្យជាកាដូ ដល់កូនស្រីពៅ សំណព្វចិត្ត ក្នុងឱកាសបុណ្យចូលឆ្នាំ សកលខាងមុខនេះ។

យោងតាមសារព័ត៌មាន Manager Online នៅថ្ងៃ អង្គា ទី ៤ ខែ ធ្នូ នេះបានឲ្យដឹងថា បន្ទាប់ពីមានហេតុការណ៍ នារីបំរើការលើយន្តហោះម្នាក់ របស់ក្រុមហ៊ុនអាកាសចរណ៍ Thai Cathay Pacific មានបំណងប្រុង ជះកាហ្វេលើផ្ទៃមុខ កូនស្រីពៅអតីតនាយក រដ្ឋមន្រ្តីថៃ លោក ថាក់ស៊ីន ស៊ីណាវ៉ាត្រា ឈ្មោះ ពីនងថងថា ស៊ីណាវ៉ាត្រា ខណៈដែលនាងធ្វើទៅកាន់ ហុងកុង។ 

ចំណែកឯនារីបម្រើការងារខាងលើ ត្រូវបានប្រធានក្រុមហ៊ុន អាកាសចរណ៍ថៃ បានបញ្ឈប់ពីការងារផងដែរ ហើយនារីដដែលក៏ប្រឈមនឹង ការចោទប្រកាន់ពីបទ បង្ហោះឈ្មោះអ្នកដំណើរ តាមជើងយន្ត លើប្រព័ន្ធផ្សព្វផ្សាយ Facebook។

ដោយសារតែមាន ការព្រួយបារម្ភពីសុវត្ថិភាព របស់កូនស្រីសំណព្វចិត្ត ទើបលោក ថាក់ស៊ីនសម្រេចចិត្ត ទិញយន្តហោះផ្ទាល់ខ្លួនប្រភេទ Jambo jet ជាអំណោយដល់ កូនស្រីពៅ ក្នុងឱកាសបុណ្យចូលឆ្នាំ សកលខាងមុខនេះ។ ក្រៅពីនេះលោកស្រី ថាក់ស៊ីន មានបំណងទិញ យន្តហោះប្រភេទ ដូចគ្នាខាងលើ ឲ្យទៅអតីតភរិយា និង កូនប្រុស-ស្រី ពីរនាក់ផ្សេងទៀត នាពេលខាងមុខ៕