តើថ្ងៃទី២១ ខែធ្នូ ឆ្នាំ២០១២ ជាថ្ងៃបញ្ចប់នៃផែនដីឬ?

កាលពី១០ឆ្នាំមុន អ្នកវិទ្យាសាស្រ្ដជំនាញ ជាន់ខ្ពស់នៅណាសា NASA លោក ដាវិដ (David Morrison) បានបកស្រាយនូវសំណួរដែលសាធារណៈជនបានសួរ អំពីដើមកំណើតនៃជីវិតលើភពផែនដី ការវិវដ្ដនៃជិវិត និងអាថ៌កំបាំងនៃលោហធាតុ។ ក្រោយមកសំណួរចុងក្រោយ ដែលសាធារណៈជនមានចម្ងល់ ហើយចង់ឲ្យលោក លោក ដាវិដ បកស្រាយនោះគឺ រឿងប្រល័យលោក ២០១២ និងទីបញ្ចប់នៃភពផែនដី ដោយយោងតាមការប៉ាន់ស្មាន ថានឹងមានដំុផ្កាយដ៏ធំសម្បើម និងមកបុកជាមួយ ភពផែនដី។

លោក ដាវីតមានប្រសាសន៍ថា សំណួរទាំងនេះ អាចបង្កើននូវសញ្ញាអាសន្ន ហើយក៏អាចគំរាមកំហែងដល់ មនុស្សឲ្យប្រព្រឹត្តអំពើឃាតកម្ម និងសម្លាប់ខ្លួន។ សំណួរដែលសួរច្រើនជាងគេនោះគឺ “តើថ្ងៃទី២១ ខែធ្នូ ឆ្នាំ២០១២ ជាថ្ងៃបញ្ចប់នៃផែនដី?” លោក ដេវីត មានប្រសាសន៏ថា នេះគឺជាសំណួរដ៏ចំលែក ហើយមិនសមហេតុផល គួរឲ្យអស់សំណើច។ គាត់បានបន្តថា៖ បើកាលពី៤ឆ្នាំមុនវាប្រហែលជាអាច ប៉ុន្ដែមកដល់ពេលនេះហើយ បើវាពិតជាកើតឡើងមែន យើងទាំងអស់គ្នានឹងអាចមើលឃើញ ពន្លឺដែលភ្លឺបំផុតនៅលើមេឃជាមិនខាន។

សរុបទៅ លោកដេវិដបានបញ្ជាក់ថា វាគ្មានអ្វីនឹងគួរឲ្យព្រួយបារម្ភនោះទេ គ្រាន់តែគាត់គ្មានអ្វីមកបញ្ជាក់ ឲ្យឃើញតែប៉ុណ្ណោះ។