លោកជួន សុវណ្ណ ស្នងការនគរបាលរាជធានីភ្នំពេញ
ភ្នំពេញៈ មន្ត្រីកងរាជអាវុធហត្ថបីនាក់ ដែលត្រូវលោកស្នងការនគរបាលរាជធានីភ្នំពេញ ជួន សុវណ្ណ ប្រើអំពើហឹង្សាលើពួកគេកាលពីម្សិលមិញ គ្រោងនឹងដាក់ពាក្យបណ្តឹងទៅតុលាការនៅសប្តាហ៍ក្រោយ បន្ទាប់ពីព្រះរាជពិធីបុណ្យ ព្រះបរមសព ព្រះបរមរតនកោដ្ឋ។
លោកឧត្តមសេនីយ៍ ជួន សុវណ្ណ ស្នងការនគរបាលរាជធានីភ្នំពេញ ត្រូវបានចោទប្រកាន់ពីបទវាយដំលើមន្រ្តីកងរាជអាវុធហត្ថបីនាក់ នៅកណ្តាលចំណោមសាធារណជន ដែលមន្រ្តីកងរាជអាវុធហត្ថ ដែលបម្រើការនៅទីបញ្ជាការកងរាជអាវុធហត្ថរាជធានី ដែលបានយាមប្រចាំការ នៅវាលព្រះមេរុ កាលពីម៉ោង ៨ និង ៣០ នាទីព្រឹកម្សិលមិញ។
តំណាងមន្ត្រីកងរាជអាវុធហត្ថ និងជាជនរងគ្រោះម្នាក់ក្នុងចំណោមនោះ លោកអនុសេនីយ៍ឯក វង់ បុណ្ណា បានប្រាប់ភ្នំពេញប៉ុស្តិ៍ថា លោកនិងមន្ត្រីកងរាជអាវុធហត្ថពីរនាក់ទៀតគ្រោងនឹងដាក់ពាក្យបណ្តឹង ប្រឆាំងនឹងលោកជួន សុវណ្ណពីបទប្រើអំពើហឹង្សា នៅសប្តាហ៍ក្រោយ ក្រោយពីពិធីថ្វាយព្រះបរមសព ព្រះបរមរតនកោដ្ឋត្រូវបានបញ្ចប់សព្វគ្រប់។
ជនរងគ្រោះទាំងបីនាក់នោះរួមមាន លោកអនុសេនីយ៍ឯក វង់ បុណ្ណា, មាន លោកអនុសេនីយ៍ឯក ស៊ឹម ឡុងហេង និងលោកពលបាលឯក អ៊ុន ប៊ុនថុន ដែលបច្ចុប្បន្ន អ្នកទាំងបីកំពុងបម្រើការឲ្យទីបញ្ជាការកងរាជអាវុធហត្ថរាជធានីភ្នំពេញ។
No comments:
Post a Comment
yes