តំណាងគណបក្សនយោបាយ និងអង្គការសង្គមស៊ីវិល បើកកិច្ចពិភាក្សានៅរសៀលថ្ងៃចន្ទនេះ ដើម្បីផ្តល់ជាអនុសាសន៍ក្នុងការកែលម្អលើសេចក្តីព្រាងបទបញ្ជា និងនីតិវិធីសម្រាប់ការបោះឆ្នោតជ្រើសតាំងតំណាងរាស្ត្រអាណត្តិទី៥ ឆ្នាំ២០១៣ ដល់គណៈកម្មាធិការជាតិរៀបចំការបោះឆ្នោត(គជប)។
កិច្ចប្រជុំពិភាក្សានេះរៀបចំដោយ គណៈកម្មាធិការដើម្បីការបោះឆ្នោតដោយសេរី និងយុត្តិធម៌នៅកម្ពុជា (Comfrel) ដោយមានការចូលរួមពីសំណាក់សង្គមស៊ីវិល និងតំណាងនៃគណបក្សនយោបាយ ប៉ុន្តែមិនមានវត្តមានរបស់គណបក្សមានកៅអីនៅរដ្ឋសភាទេ ដូចជាគណបក្សប្រជាជនកម្ពុជា និងគណបក្សហ៊្វុនស៊ិនប៉ិច។
នាយកប្រតិបត្តិអង្គការ Comfrel លោក គល់ បញ្ញា ថ្លែងថា ប្រការចំនួន១៦ចំណុច ក្នុង៥ជំពូកនៃសេចក្តីព្រាងបទបញ្ជា និងនីតិវិធីសម្រាប់ការបោះឆ្នោតជ្រើសតាំងតំណាងរាស្រ្តឆ្នាំ២០១៣នេះ ដែលត្រូវលើកយកមកកែលម្អ បំពេញបន្ថែម និងលុបចោល ដើម្បីសម្រេចជាអនុសាសន៍ ដាក់ជូនទៅ គ.ជ.ប នៅចុងខែមករានេះ៖ ""
ចំណុចដែលពិភាក្សាកែលម្អនោះរួមមាន ការគ្រប់គ្រងការបោះឆ្នោតជ្រើសតាំងតំណាងរាស្រ្ត ដោយមានការកែប្រែ និងបន្ថែមពាក្យពេចន៍មួយចំនួន ការឃោសនាបោះឆ្នោត និងការបោះឆ្នោត រាប់សន្លឹកឆ្នោត បូកសរុបលទ្ធផលនៃការបោះឆ្នោតជាដើម។
VOD មិនទាន់អាចសុំការអធិប្បាយពីមន្រ្តី របស់ គ.ជ.ប បាននៅឡើយទេ។
កន្លងមក តំណាងគណបក្សនយោបាយ និងអង្គការសង្គមស៊ីវិល បានជួបប្រជុំពិភាក្សា ក្រោមការរៀបចំដោយ Comfrel ដោយសម្រេចជាលទ្ធផល ផ្តល់អនុសាសន៍មួយចំនួនរួមមាន អនុសាសន៍ពាក់ព័ន្ធនឹងការបង្កើនតម្លាភាពក្នុងការពិនិត្យបញ្ជីឈ្មោះ និងការចុះឈ្មោះប្រចាំឆ្នាំ២០១២ អនុសាសន៍ស្តីពីការប្រើប្រាស់ធនធានរដ្ឋ និងអនុសាសន៍ស្តីពីការអនុវត្តនីតិវិធីនៅក្នុងថ្ងៃបោះឆ្នោត និងរាប់សន្លឹកឆ្នោត។ អនុសាសន៍ទាំងនេះ នឹងត្រូវដាក់ឲ្យ គជប នៅចុងខែមករានេះផងដែរ៕
No comments:
Post a Comment
yes