ថ្នាក់ដឹកនាំចលនាប្រជាធិបតេយ្យសង្គ្រោះជាតិខេត្តកំពង់ស្ពឺចុះជួបប្រជាពលរដ្ឋនៅស្រុកគងពិសីនិងស្រុកបសេដ្ឋ

របត់នយោបាយនៅក្នុងប្រទេសកម្ពុជាពីមួយថ្ងៃទៅមួយថ្ងៃកំពុងតែមានការប្រែប្រួលឥតឈប់ឈរ ដើម្បីឆ្ពស់ទៅរកភាពល្អប្រសើរឡើងវិញ ព្រោះប្រទេសកម្ពុជាក្រោមការដឹកនាំរបស់ គណ​បក្សប្រជាជនអស់រយៈពេលជាង៣០កន្លងមកនេះ ត្រូវទទួលរងនូវទុក្ខសោក និងទុក្ខទា រុណយ៉ាងពន់ពេក ហើយគណបក្សប្រជាជនក៏បាននិងកំពុងតែដឹកនាំប្រទេសកម្ពុជាទៅដល់​រណ្តៅមា​ត់​ជ្រោះមរណៈផងដែរ ។

តែទោះជាយ៉ាងណាចាប់ពីខែសីហាឆ្នាំ២០១៣នេះតទៅ ប្រទេសកម្ពុជានិងប្រជាពល​រដ្ឋ​ខ្មែរ​ទាំងអស់ និងបានរួចចាកផុតពីគ្រោះកម្មអប្រិយទាំងនេះហើយ ក្រោមវត្តមាននិងជ័យជំនះ​របស់​គណ​បក្ស​សង្គ្រោះជាតិ ។

គណបក្ស សង្គ្រោះជាតិ នៅបន្ទាប់ពីមានឈ្មោះលើកឆាកនយោបាយប្រទេសកម្ពុជារួចមក គឺ​ទទួលបានការគាំទ្រពីសំណាក់ប្រជាពលរដ្ឋខ្មែរ អ្នកស្នេហាជាតិយ៉ាងខ្លាំង ព្រោះដោយ​ហេតុ​ថា​គណបក្ស សង្គ្រោះជាតិ មានគោលនយោបាយល្អៗ ច្បាស់លាស់ និងពិតប្រាកដដែលសុត តែផ្តល់ផលប្រយោជន៏ដល់ជាតិ និងប្រជាពលរដ្ឋខ្មែរ ។

ជាមួយគ្នានោះផងដែរ ពីមួយថ្ងៃទៅមួយថ្ងៃថ្នាក់ដឹកនាំចលនាប្រជាធិបតេយ្យសង្គ្រោះជាតិ​បានធ្វើតំណើរចុះទៅជួបសំណេះសំណាល និងសួរសុទ្ខប្រជាពលរដ្ឋ ដើម្បីរកដំណោះស្រាយ ជូនពួកគាត់ភ្លាមៗដោយផ្ទាល់​ ហើយបញ្ហាណាដែលធំដុំនិងបន្តទៅដោះស្រាយជូនពូក​គាត់​នៅក្រោយពេលដែលគណបក្ស សង្គ្រោះជាតិ ទទួលបានជ័យជំនះលើការបោះឆ្នោត​ហើយ​នោះ ។

សូមជំរាបជូនផងដែរថានៅថ្ងៃទី៣១ ខែមករា ឆ្នាំ២០១៣នេះ ក្រុមការងារចលនាប្រជាធិ​ប​តេយ្យសង្គ្រោះជាតិខេត្តកំពង់ស្ពឺពេលព្រឹកបានធ្វើតំណើរចុះជួបជាមួយប្រជាពលរដ្ឋនៅភូមិព្រៃខ្លា ឃុំព្រះនិព្វាន ស្រុកគងពិសី និងនៅពេលរសៀលចុះជួបសំណេះសំណាលជាមួយប្រ​ជាពលរដ្ឋនៅភូមិត្រពាំងឈូក ឃុំកក់ ស្រុកបសេដ្ឋ ក្នុងនោះមានការចូលរួមពីសំណាក់លោក នុត រំដួល ប្រធានក្រុមការងារចលនាប្រជាធិបតេយ្យសង្គ្រោះជាតិខេត្ត លោក ប៉ុល ហំម លោក ប៉ែន សុវណ្ណ និងលោក សុខ អ៊ុំសៀ ព្រមជាមួយនិងក្រុមការងារខេត្ត ហើយនិងស្រុក មួយចំនួនទៀតចូលរួមក្នុងកម្មវិធីនោះផងដែរ ដែលមានចំនួនប្រជាពលរដ្ឋចូលរួមយ៉ាងច្រើន កោះករ ។

គួរជំរាបជូនផងដែរថា នៅឆ្នាំ២០១៣នេះ អ្នកស្នេហាជាតិ ស្រលាញ់លទ្ធិប្រជាធិបតេយ្យ បាន​ដៅរួចហើយថានិងធ្វើការសង្គ្រោះជាតិខ្មែរចេញពីកណ្តាប់ដៃរបស់អ្នកដឹកនាំប្រទេសសព្វថ្ងៃឲ្យបានតាមបែបលទ្ធិប្រជាធិបតេយ្យ ទោះជាស្ថិតនៅក្នុងការលៈទេសៈណាក៏ដោយ ដើម្បីឲ្យ អ្នកប្រជាធិបតេយ្យធ្វើការដឹកនាំប្រទេសកម្ពុជាវិញម្តង ដើម្បីឆ្ពស់ទៅរកការរីកចំរើន ប្រជាពល រដ្ឋរស់នៅក្នុងសេចក្តីថ្លៃថ្នូរ ព្រោះអ្នកប្រជាធិបតេយ្យ គឺយល់ពីអ្វីដែលជាតម្រូវការរបស់ជាតិ និងប្រជាពលរដ្ឋ ៕